ಭಯ!ಬಯ!!

ಭಯ!ಭಯ!!

ಕೂತರೆ ಕುಸಿಯುವ ಭಯ

ನಿಂತರೆ ಬೀಳುವ ಭಯ

ನಡೆದರೆ ಎಡವುವ ಭಯ

ಓಡಿದರೂ ಬೆಂಬಿಡದ ಭಯ

ಮಲಗಿದರೆ ಸಾಯುವ ಭಯ

ಸತ್ತರೆ ಪುನರ್ಜನ್ಮದ ಭಯ

ಹಸಿವಾದರೆ ತಲೆ ತಿರುಗುವ ಭಯ

ತಿಂದರೆ ಅಜೀರ್ಣದ ಭಯ

ಕೆಮ್ಮಿದರೆ ಕ್ಯಾನ್ಸರಿನ ಭಯ

ಕ್ಯಾಕರಿಸಿದರೆ ಕ್ಷಯದ ಭಯ

ಸಂಭೋಗದಲಿ ಶೀಘ್ರ ಸ್ಖಲನದ ಭಯ

ಸ್ಖಲಿಸಿದರೆ ಗರ್ಭ ಕಟ್ಟುವ ಭಯ

ಕಟ್ಟಿದರೆ ಗರ್ಭ ಮೈ ಇಳಿಯುವ ಭಯ

ಭಯದ ಬೀಜ ಬಿತ್ತಿದ ಬಸಿರಿನಲಿ

ಮತ್ತೆ ಭಯವೇ ಹುಟ್ಟುವ ಭಯ!

ಭಯ!

ಭಯ!

ಭಯ!

ಭಯಕೆ ಬಯದ ಭಯ

ಎಲ್ಲವೂ

ಭಯದ ಮಾಯ!