'ಚಂದ್ರಗ್ರಹದಮೇಲೆ ಮೊದಲ ಹೆಜ್ಜೆಯಿಟ್ಟಾತ, ನೀಲ್ ಆರ್ಮ್ ಸ್ಟ್ರಾಂಗ್', ನೀಲಿಗಗನದಲ್ಲಿ ಲೀನವಾದರು !

ಸನ್ ೧೯೬೯ ರಲ್ಲಿ ಆಗತಾನೇ ನನ್ನ ತಮ್ಮ, 'ಚಂದ್ರ,' ಭಾರತದಿಂದ ಅಮೆರಿಕದ 'ಪರ್ಡ್ಯೂ ವಿಶ್ವವಿದ್ಯಾಲಯ'ಕ್ಕೆ ಹೋಗಿ ಪಿ.ಎಚ್.ಡಿ ವ್ಯಾಸಂಗದ ಬಗ್ಗೆ ವ್ಯಸ್ತನಾಗಿದ್ದಾಗ, ಅದೇ ಯೂನಿವರ್ಸಿಟಿಯಲ್ಲಿ ವ್ಯಾಸಂಗಮಾಡಿದ್ದ 'ಆಸ್ಟ್ರೋನಾಟ್, 'ನೀಲ್ ಆರ್ಮ್ ಸ್ಟ್ರಾಂಗ್' ಮತ್ತು ಅವನ ಜೊತೆಯ 'ಅಪೊಲೋ-೧೧ ರ, ಕ್ರ್ಯೂ' ಸದಸ್ಯರು ಚಂದ್ರನಮೇಲೆ ಇಳಿದು, ನಡೆದಾಡಿ, ಅಲ್ಲಿನ ಮಣ್ಣಿನ ಮಾದರಿಯನ್ನು ಭೂಮಿಗೆ ಮರಳುವಾಗ ಜೊತೆಯಲ್ಲಿ ತಂದಿದ್ದರು. ಈ ವಿಷಯ ಗೊತ್ತಾಗುತ್ತಿದ್ದಂತೆಯೇ, ’ಪರ್ಡ್ಯೂ ಯೂನಿವರ್ಸಿಟಿ'ಯ, ಚಂದ್ರ ಹಾಗೂ ಅವನ ಗೆಳೆಯರು ಸಂಭ್ರಮಿಸಿ ಸಂತಸವನ್ನು ಕಾಲೇಜಿನ ಸಹಸ್ರಾರು ಗೆಳೆಯ/ಗೆಳತಿಯರೊಂದಿಗೆ  ಹಂಚಿಕೊಂಡರು. ಆ ಮಧುರ-ಸಂಗತಿಯನ್ನು 'ಚಂದ್ರ' ಆಗ ಬೊಂಬಾಯಿನಲ್ಲಿದ್ದ ನನ್ನೊಂದಿಗೆ ಹಂಚಿಕೊಂಡಿದ್ದರು.

 

ನಿನ್ನೆ ಕೆನಡಾದಲ್ಲಿರುವ ನಾನು, ಮತ್ತು ಅಮೆರಿಕದಲ್ಲಿರುವ ನನ್ನ ತಮ್ಮ 'ಚಂದ್ರ' 'ಸ್ಕೈಪ್' ನಲ್ಲಿ ಮಾತಾಡುತ್ತಿದ್ದಾಗ ಆ ಸುಂದರ ಸನ್ನಿವೇಶಗಳ ಸವಿನೆನಪುಗಳನ್ನು ಮೆಲುಕುಹಾಕಿದೆವು ! ಅ ನಂತರ ನಾನು ಒಂದು 'ಚಿಕ್ಕ ಲೇಖನ' ಬರೆದು (ರಾತ್ರಿ ೮-೫೦ ರ ಸಮಯದಲ್ಲಿ) ನಮ್ಮ ಸಂಪದದ ಗೆಳೆಯರ ಜೊತೆ ಆ ನೆನಪುಗಳನ್ನು ಹಂಚಿಕೊಂಡೆ.

 

 

ಮನುಕುಲಕ್ಕೆ ಚಂದ್ರಗ್ರಹದ ಕಣ್ಣಾರೆ ಕಂಡ ಮಾಹಿತಿಗಳನ್ನು ಒದಗಿಸಿದ ಅಂತರಿಕ್ಷ ಯಾನ ತಜ್ಞ, ಹಾಗೂ ಅದರ ರುವಾರಿ, 'ನೀಲ್ ರವರ ನಿಧನಕ್ಕೆ ಯಾರೂ ಸಂತಾಪ ಸೂಚಿಸಬೇಕಿಲ್ಲ', ಕಣ್ಣೀರುಕರೆಯಬೇಕಿಲ್ಲ;  ಅದರ ಬದಲು ಅದನ್ನು 'ಚಂದ್ರಯಾನದ ವೀರಯೋಧನ ದಿನ', ವೆಂದು ಆಚರಿಸೋಣ. ಅವರ ಆತ್ಮಕ್ಕೆ ಶಾಂತಿದೊರಕಲೆಂದು ಚಂದ್ರಶೇಖರನನ್ನು ಮೊರೆಯಿಡೋಣ !

 

-ಹೊರಂಲವೆಂ,

-ಮುಕ್ಕಾಂ : ಟೊರಾಂಟೋನಗರ,

-ಕೆನಡಾ