ಕರ್ಮ ಫಲಸಾರ‌ !

  ಹೇ  ದೇವ !  ಜಗತ್ ರಕ್ಷಕ  ಅಂತರ್ಯಾಮಿ

  ಹೇಳುವರು ಎಲ್ಲಾ ನೀ ಎಂದೂ ನಿಷ್ಪಕ್ಷಪಾತಿ  

  ನನ್ನ ಮನಸ್ಸಿಗೆ ಕೊಟ್ಟಿಲ್ಲ  ಸಮಾಧಾನ ಈ ಸಂಗತಿ.

 ಏಕೆ ಈ ತಾರತಮ್ಯ ಜಗದಲಿ

 ಬಡವರು- ಬಲ್ಲಿದರು

ಸುಕೃತ ಯೋಗಿಗಳು- ವಿಕೃತ ಕಾಮಿಗಳು

ಸಜ್ಜನರು- ದುರ್ಜನರು

ಮಾತುಬಲ್ಲವರು- ಮೂಕರು

ದೃಷ್ಟಿಯುಳ್ಳವರು- ಅಂಧರು

ಶಕ್ತರು - ನಿರ್ಬಲರು

ಸಭ್ಯರು- ಅಸಭ್ಯರು

ಸಮೃದ್ಧ -ದುರ್ಬಿಕ್ಷ

ಎಲ್ಲಿದೆ  ಕೊನೆ ಈ ಸಮತೋಲನವಿಲ್ಲದ  ಪಟ್ಟಿಯಲಿ

ಇದೆಲ್ಲಾ ನಮ್ಮ ಕರ್ಮ ಫಲಸಾರ

ಗೊತ್ತಾಯಿತೆ ಯಾರು ಈ ತಾರತಮ್ಯ ಸೂತ್ರಧಾರ 

     ಅಪರಾಧಕೆ  ಶಿಕ್ಷೆ

     ಸಜ್ಜನಿಕೆಗೆ   ರಕ್ಷೆ

ಈ ಜಗವು ಮೌನದಲಿ,ಛಲದಲಿ

ಪರಿಹರಿಸುವುದು ಪ್ರತಿ ತಪ್ಪನು

ಸರಿತೂಗಿಸುವುದು ಗಣಿತ ಶಾಸ್ತ್ರದ  ಸೆಮೀಕರಣದಂತೆ

ದೇವ ! ನಿನ್ನ ಕಾನೂನು ರೀತಿ- ನೀತಿ  ಗ್ರಹಿಸಲು

ಹೊಡದೋಡಿಸುವುದು ನಾಸ್ತಿಕತೆ ಬೆಳಸುವುದು ಆಸ್ತಿಕತೆ.

ಶ್ರೀ ನಾಗರಾಜ್