ಭಾರತದಲ್ಲಿ ಹಾಲಿನ ಕ್ರಾಂತಿಯ ಹರಿಕಾರ ಡಾ. ಕುರಿಯನ್ ವರ್ಗಿಸ್ ಇನ್ನಿಲ್ಲ

ಆನಂದ್ ನಲ್ಲಿ 'ಎನ್.ಡಿ.ಡಿ.ಬಿ.ಯ ಸ್ಥಾಪಕ ಅಧ್ಯಕ್ಷ'ರಾಗಿ ದಶಕಗಳ ಕಾಲ ತಮ್ಮ ಅನುಪಮ ಮಾರ್ಗದರ್ಶನನೀಡಿದರು. ಅವರ ಪ್ರಯತ್ನದಿಂದ ಭಾರತದಲ್ಲಿ ಹಾಲಿನ ಕ್ರಾಂತಿಯಾಗಿ ಹಲವಾರು ರಾಜ್ಯಗಳು ಇದೇ ಜಾಡಿನಲ್ಲಿ ಸಾಗಿ ಸ್ವಸಾಮರ್ಥ್ಯವನ್ನು ಸಾಧಿಸಲು ಪ್ರೇರಣೆ ಸಿಕ್ಕಿತು. ಗುಜರಾಥ್ ನ 'ಆನಂದ್' ಗ್ರಾಮದ ಬಳಿ ಈಗ ೧೬, ೧೦೦ ಹಾಲಿನ ಡೈರಿಗಳು ತಲೆಯೇಳಲು ಕುರಿಯನ್ ರವರ ಶ್ರಮ, ಮತ್ತು ಕನಸೇ ಕಾರಣವೆಂದು ಅಲ್ಲಿನ ಹಾಲಿನ ರೈತರೆಲ್ಲಾ ಬಲ್ಲರು. ಹಾಗಾಗಿ ಸನ್ ೧೯೭೦ ರಲ್ಲಿ ಆರಂಭವಾದ ಈ ವಲಯದಲ್ಲಿ ಸುಮಾರು ೩.೨ ಮಿಲಿಯನ್ ಸದಸ್ಯ ರೈತರು ಪಾಲ್ಗೊಂಡಿದ್ದಾರೆ. ಸನ್ ೧೯೬೦ ರಲ್ಲಿ ಅಲ್ಲಿನ ಹಾಲಿನ ಉತ್ಪಾದನಾ ಸಾಮರ್ಥ್ಯ ೨೦ ಮೆಟ್ರಿಕ್ ಟನ್ಸ್ ಇತ್ತು. ಅದೇ ಸನ್ ೨೦೧೧ ರಲ್ಲಿ ೧೨೨ ಮೆಟ್ರಿಕ್ ಟನ್ ನಷ್ಟು ವೃದ್ಧಿಸಿದೆ.

 

ಸನ್, ೧೯೨೧ ರ, ನವೆಂಬರ್ ೨೬ ರಂದು, ಕೇರಳ ರಾಜ್ಯದ 'ಕೊಯಕ್ಕೋಡಿ'ಯಲ್ಲಿ ಕ್ರಿಶ್ಚಿಯನ್ ಪರಿವಾರದಲ್ಲಿ ಜನ್ಮವೆತ್ತಿದ ಕುರಿಯನ್. ಮುಂದೆ ಸನ್, ೧೯೪೦ ರಲ್ಲಿ,  ಮದ್ರಾಸ್ ನ 'ಸೆಂಟ್ ಲಾಯೊಲಾ ಕಾಲೇಜ್' ನಲ್ಲಿ ಪದವಿಗಳಿಸಿ, 'ಡೈರಿ ಇಂಜಿನಿಯರಿಂಗ್' ನಲ್ಲಿ ಹೆಚ್ಚಿನ ವ್ಯಾಸಂಗವನ್ನು ನಡೆಸಿ, ಮುಂದೆ ಅದೇವಲಯದಲ್ಲಿ ಅಮೆರಿಕದಲ್ಲೂ ಶಿಕ್ಷಣ ಪಡೆದರು. ವಾಪಸ್ ಬಂದವರು,   ಗುಜರಾತ್ ನ ಆನಂದ್ ನಲ್ಲಿ 'ಹಾಲಿನ ರೈತರ ಕೋ ಆಪರೇಟಿವ್ ಸೊಸೈಟಿ' ಸ್ಥಾಪನೆಯ ಕೆಲಸದಲ್ಲಿ ತಾವು ಮುಂದಾಳಾಗಿ  ಸ್ಥಾಯಿಯಾಗಿ ನಿಂತು, ಅಲ್ಲಿನ ರೈತರಿಗೆ ಮಾರ್ಗದರ್ಶನಮಾಡಿದರು. ಮೊದಲು ಅವರು ಆ ಗ್ರಾಮಕ್ಕೆ ಕಾಲಿಟ್ಟಾಗ 'ಗೋಮಾಂಸ' ತಿನ್ನುತ್ತಿದ್ದ ಅವರಿಗೆ ಮನೆ ಬಾಡಿಗೆಗೆ ದೊರೆಯಲಿಲ್ಲ. ಅದಕ್ಕಾಗಿ ಅವರು ಹೆದರದೆ ದಿಟ್ಟಮನಸ್ಸಿನಿಂದ 'ಗ್ಯಾರೇಜ್' ಒಂದರಲ್ಲಿ ಕೆಲಕಾಲ ವಾಸಿಸಿದರು. ಅವರ ಕಾರ್ಯನಿಷ್ಠೆ ಮತ್ತು ಸಹಾಯಮಾಡುವ ಪ್ರವೃತ್ತಿ ನಿಧಾನವಾಗಿ ಅಲ್ಲಿನ ಹಾಲಿನ ರೈತರ ಮನಸ್ಸಿನಲ್ಲಿ ಒಳ್ಳೆಯ ಅಭಿಪ್ರಾಯವನ್ನು ಮೂಡಿಸಿ, ಅವರೆಲ್ಲಾ ಅವರನ್ನು ಪ್ರೀತಿಸಲು ಆರಂಭಿಸಿದರು. ಡಾ.ಕುರಿಯನ್ ರಿಗೆ ಹಾಲು ಅಷ್ಟು ಇಷ್ಟವಾಗುವುದಿಲ್ಲ. ಆದರಿಂದ ಅವರು ಕುಡಿಯುವುದಿಲ್ಲ.

 

 

*  ೧೯೪೩ 'ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಪದವಿ'  

 

ಮೃತರಿಗೆ ಪತ್ನಿ (ಶ್ರೀಮತಿ ಮೊಲ್ಲಿ,  ಮತ್ತು ಒಬ್ಬ ಮಗಳು (ಚಿ. ನಿರ್ಮಲಾ)  ಇದ್ದಾರೆ.  ಅವರ ಕಾರ್ಯವನ್ನು ಮೆಚ್ಚುವ ಅಪಾರ ವರ್ಗ ಅವರ ಹಿಂದಿದೆ. ಯಾವ ಪ್ರಚಾರವನ್ನು ಅಪೇಕ್ಷಿಸಿದ ನಿರ್ಮಲ ಚಿತ್ತದ ಕುರಿಯನ್ ಹಲವಾರು 'ಅಂತಾರಾಷ್ಟ್ರಿಯ ಪ್ರಶಸ್ತಿ'ಗಳನ್ನು ಗಳಿಸಿದ್ದಾರೆ. ಭಾರತ ಸರ್ಕಾರದ 'ಪದ್ಮಭೂಷಣ ಪ್ರಶಸ್ತಿ'ಯ ಜೊತೆಗೆ 'ರೇಮನ್ ಮಾಗ್ಸೆಸೆ ಪ್ರಶಸ್ತಿ'ಯನ್ನು ಗಳಿಸಿದ 'ಡಾ. ಕುರಿಯನ್' ರಿಗೆ 'ಭಾರತ ರತ್ನ ಪ್ರಶಸ್ತಿ' ಕೊಟ್ಟರೂ ಕಡಿಮೆಯೇ.  ಇದು ಭಾರತದ ಸಾವಿರಾರು ಜನರ ಅಭಿಮತ! 

 

ನನ್ನ ಪರವಾಗಿ, ಮತ್ತು ಸಂಪದಿಗರೆಲ್ಲರ  ಪರವಾಗಿ ಅವರ ಆತ್ಮಕ್ಕೆ ಶಾಂತಿ ಕೋರುತ್ತೇನೆ.