ಜಮಾನಾದ ಜೋಕುಗಳು - ೨೪: ಕಣ್ಣು ತರೆಸಿದ ಗುರು?

ಒಬ್ಬ ಪ್ರಸಿದ್ದ ಸಂಗೀತ ವಿದ್ವಾಂಸನಿದ್ದ, ಅವನೊಂದು ದಿನ ತನ್ನ ಶಿಷ್ಯನೊಬ್ಬನ ಕಾಲಿಗೆ ಸಾಷ್ಟಾಂಗ ಪ್ರಣಾಮವೆರಗಿ ಅಡ್ಡ ಬಿದ್ದ. ಇದನ್ನು ಗಮನಿಸಿದ ಇನ್ನೊಬ್ಬ ಶಿಷ್ಯ, "ಇದೇನು ಗುರುಗಳೇ ನೀವು ಯಾರಿಗೂ ತಲೆ ಬಾಗಿದವರಲ್ಲ, ಅಂಥಾದ್ದರಲ್ಲಿ ಇವನ ಕಾಲಿಗೆ ಬೀಳುವುದೆಂದರೇನು?" ಆಗ ಗುರುಗಳೆಂದರು, "ನನಗೆ ಯಾವ ಕತ್ತೆಗಾದರೂ ಸಂಗೀತ ಹೇಳಿಕೊಡಬಲ್ಲೆನೆಂಬ ಅಹಂಕಾರವಿತ್ತು. ನನ್ನ ಈ ಅಹಂಕಾರವನ್ನು ನಿಮ್ಮ ಸ್ನೇಹಿತ ಹೋಗಲಾಡಿಸಿ ನನ್ನ ಕಣ್ಣು ತೆರೆಸಿದ ಗುರುವಾಗಿದ್ದಾನೆ, ಅದಕ್ಕೇ ಅವನ ಕಾಲಿಗೆ ಎರಗಿದೆ!"