ಸ್ಫೂರ್ತಿ

ಸ್ಫೂರ್ತಿ

By kpbolumbu on Sat, 09/08/2012 - 13:05

ಮರೆತೊಂದು ನೆನಪನ್ನು ಮೀಂಟಿ ಮೀಂಟುತ ಮತ್ತೆ
ಕೇಳಲು ಇಂಪಾದ ನಾದವಾಗಿಸು
ಇರದಿದ್ದ ಕನಸುಗಳ ತೋರಿ ತೋರುತ ಮತ್ತೆ
ಇರುಳಿನ ನಶೆಯೊಳಗೆ ತೇಲಿತೇಲಿಸು

ಅವಿತಿಟ್ಟ ಭಾವಗಳ ಹೇಳಿರದ ಗುಟ್ಟುಗಳ
ಒಮ್ಮೆ ತೆರೆದು ತೋರಿಸುತ್ತ ನಿರಾಳವಾಗಿಸು
ಬಂಧದೊಳು ಸಿಲುಕಿದ ಶೂನ್ಯವಾದ ಮನಸ್ಸಿಗೆ
ದಿಕ್ಕುಗಳ ತೋರಿಸುತ್ತ ವಿಷಾದವ ನೀಗಿಸು || ೧||

ಕವಿದಿರುಳಲಿ ತುಂಬು ಬೆಳದಿಂಗಳ
ಮೊಗೆ ಮೊಗೆದೀಯುತ ಬೊಗಸೆಯಲಿ
ಇರದೊಂದು ಕನಸನ್ನು ಇರಗೊಡುತಲಿ ಮತ್ತೆ
ರಾಗಗಳಲೆಯೊಳು ತೇಲಿತೇಲಿಸು || ೨ ||

Rating
No votes yet

Comments

Submitted by ಗಣೇಶ Thu, 04/11/2013 - 00:21

ಕೃಷ್ಣ ಪ್ರಕಾಶರೆ, ಮೊದಲಿಗೆ "no subject" ಓದಿ ಏನೋ ತಪ್ಪಾಗಿ ಒತ್ತಿ ಹೀಗಾಗಿರಬಹುದೆಂದು ಆಲೋಚಿಸಿದೆ. ನೋಡಿದರೆ ಕವನ ವಾಚನ. ಚೆನ್ನಾಗಿದೆ. ನಿಮ್ಮ ಸ್ವರವೂ ಹಾಡೂ ಚೆನ್ನಾಗಿದೆ. ಕಳೆದ ಬಾರಿ ಕೊಂಡಿ ಕೊಟ್ಟದ್ದರಲ್ಲಿ ತುಂಬಾ ಹೊತ್ತಾದರೂ ಕವನ ಬಂದಿರಲಿಲ್ಲ. ಈ ಬಾರಿ ಕೂಡಲೇ ಬಂತು.

Submitted by partha1059 Thu, 04/11/2013 - 08:24

ಕೃಷ್ಣಪ್ರಕಾಶ್ ರವರೆ ಉತ್ತಮ ರಚನೆ ಹಾಗೆ ಹಾಡು ಕೂಡ, ದ್ವನಿಗ್ರಹಣ ಎಲ್ಲವು ಸ್ವಷ್ಟವಾಗಿದೆ, ಹಾಗೆ ಕೇಳಲು ಮಧುರವಾಗಿದೆ , ಅಭಿನಂದನೆಗಳು. ಹೇಗೆ ದ್ವನಿ ಮುದ್ರಣ ಮಾಡಿದಿರಿ, ಮೊಬೈಲ್ ನಲ್ಲೆ ಮಾಡಬಹುದು ಅನ್ನಿಸುತ್ತೆ. ತಿಳಿಸಿದರೆ ಬೇರೆಯವರು ಪ್ರಯತ್ನಪಡಬಹುದು

Submitted by kpbolumbu Tue, 04/16/2013 - 10:08

ಮೆಚ್ಚುಗೆಗಾಗಿ ಎಲ್ಲರಿಗೂ ಧನ್ಯವಾದಗಳು.
ಯಾವ ವಿಧಾನ ಸೌಧದಲ್ಲಿಯೂ ಕುಳಿತು ನೋಡಬಹುದಾದ ಅಸಭ್ಯ ಚಿತ್ರಗಳನ್ನು ಅಪ್ಲೋಡ್ ಮಾಡಿಕೊಳ್ಳಲು ಯುಟ್ಯೂಬ್ ಅನುವು ಮಾಡಿಕೊಟ್ಟಿರುವಂತೆಯೇ ಯಾರೇ ಆದರೂ ತಮ್ಮ ತಮ್ಮ ಕರ್ಕಶ ಧ್ವನಿಗಳನ್ನು ಅಪ್ಲೋಡ್ ಮಾಡಿಕೊಳ್ಳಲು ಸೌಂಡ್‍ಕ್ಲೌಡ್ ಅನುವು ಮಾಡಿಕೊಟ್ಟಿದೆ. ಅಲ್ಲಿ ನೀವು ಹಾಡುತ್ತಲೇ ರೆಕಾರ್ಡ್ ಮಾಡಬಹುದು ಅಥವಾ ಮೊದಲೇ ರೆಕಾರ್ಡ್ ಮಾಡಿಟ್ಟ ಧ್ವನಿಯನ್ನು ಅಪ್ಲೋಡ್ ಮಾಡಬಹುದು.
'ಸ್ಪೂರ್ತಿ' ರೆಕಾರ್ಡ್ ಮಾಡಲು ನಾನು ಆಡೇಸಿಟಿ ಬಳಸಿದ್ದೆ. (http://audacity.sourceforge.net/)
ಮೊಬೈಲಿನಿಂದಲೂ ರೆಕಾರ್ಡ್ ಮಾಡಬಹುದು.