ಬಿಗ್ ಬಾಸ್ ಮತ್ತು ಫಿಂಗರ್ ಚಿಪ್ಸ್-೨

ಫಿಂಗರ್ ಚಿಪ್ಸ್ ಬಗ್ಗೆ ಆಸಕ್ತಿ ತೋರಿಸಿದ ಸುಮ ನಾಡಿಗ್ ಹಾಗೂ ನೀಳಾದೇವಿಯವರಿಗೂ, ಮುಂದಿನ  ಕಂತಿಗೆ ಕಾತರದಿಂದಿರುವ ಹೆಬ್ಬಾರರಿಗೂ, ಇಟ್ನಾಳರಿಗೂ ಧನ್ಯವಾದಗಳು.
 ಈ ಫಿಂಗರ್ ಚಿಪ್ಸ್ ಮಾಡುವುದು ಬಹಳ ಅಂದ್ರೆ ಬಹಳ ಸುಲಭ-
-ಚೆನ್ನಾಗಿ ತೊಳೆದ ಆಲೂಗಡ್ಡೆಗಳ ಸಿಪ್ಪೆ ತೆಗೆದು, ಉದ್ದಕ್ಕೆ ಸಣ್ಣದಾಗಿ ಕತ್ತರಿಸಿ.
  - ಕತ್ತರಿಸಿದ ತುಂಡುಗಳನ್ನು ನೀರು ತುಂಬಿದ ಪಾತ್ರೆಯಲ್ಲಿ ಹಾಕಿಡಿ.
-ನೀರಿಂದ ತೆಗೆದ ಆಲೂಗಡ್ಡೆ ಕಡ್ಡಿಗಳ ಮೇಲೆ ಸ್ವಲ್ಪ ಉಪ್ಪು ಮಿಕ್ಸ್ ಮಾಡಿ ಇಡಿ.
-ಒಂದು ಬಾಣಲೆಯಲ್ಲಿ ಎಣ್ಣೆ ತೆಗೆದುಕೊಂಡು ಬಿಸಿಯಾಗಲು ಇಡಿ.
ಎಣ್ಣೆ ಬಿಸಿಯಾಗುವ ತನಕ (ಮಗಳು ನೋಡಿಕೊಳ್ಳುತ್ತಾಳೆ) ನಾವು ಬಿಗ್ ಬಾಸ್ ನೋಡೋಣ ಬನ್ನಿ :
"ನಮದೇ ನಮಗೆ ಸಾಕಷ್ಟಿದೆ, ನಮಗ್ಯಾಕೆ ಇನ್ನೊಬ್ಬರ ಉಸಾಬರಿ" ಅನ್ನುವವರೇ, ಸಿನೆಮಾ ಸ್ಟಾರ್ ವಿಜಯ್ ಮತ್ತು ಪತ್ನಿಗೆ ಜಗಳವಾದಾಗ ಟಿ.ವಿ.ಯಲ್ಲಿ ಬರುತ್ತಿದ್ದ ರಿಲೇಯನ್ನು ರಾತ್ರಿ ಹಗಲು ಟಿವಿ ಮುಂದೆ ಜಡಿದು ಕೂತು ನೋಡುವರು. ಇದನ್ನು ತಪ್ಪು ಎನ್ನುತ್ತಿಲ್ಲ. ಸ್ವಭಾವ ಸಹಜ ಕುತೂಹಲ- ಶ್ರೀಮಂತರು, ಸ್ಟಾರ್‌ಗಳು, ಸಾಹಿತಿಗಳು, ಸ್ವಾಮಿಗಳು.., ತಮ್ಮ ತಮ್ಮ ಮನೆಯಲ್ಲಿ ಹೇಗಿರುವರೆಂದು ತಿಳಕೊಳ್ಳುವ ಆಸಕ್ತಿ. ಬಿಗ್ ಬಾಸ್‌ನಲ್ಲಿ ರಾಜ್ಯಾದ್ಯಂತ ಖ್ಯಾತ/ ಕುಖ್ಯಾತರಾದವರ ಜೀವನದ ಒಂದು ಪುಟ್ಟ ಪುಟ ನಮಗೆ ನೋಡಲು ಸಿಗುವುದು-ಬಿಗ್ ಲಾಭವಲ್ವಾ?
ತಂದೆ- ಮಕ್ಕಳು, ಗಂಡ-ಹೆಂಡತಿಗಳೇ ಒಬ್ಬರನೊಬ್ಬರು ಅರ್ಥಮಾಡಿಕೊಳ್ಳದ ಈ ಕಾಲದಲ್ಲಿ, ಬೇರೆ ಬೇರೆ ಫೀಲ್ಡ್‌ನ ೧೦-೧೩ ಜನ ಜತೆಯಲ್ಲಿ, ಹೊರಗಿನ ಪ್ರಪಂಚದ ಅರಿವಿಲ್ಲದೇ, ಬಿಗ್ ಬಾಸ್ ಮನೆಯಲ್ಲಿ ಕಳೆಯುವುದು ಬಹಳ ಕಷ್ಟ. ಕಸಗುಡಿಸಿ,ಒರೆಸಿ, ಪಾತ್ರೆ ತೊಳೆದು, ...ಹೀಗೆ ಪ್ರತಿಯೊಂದು ಕೆಲಸಕ್ಕೂ ಕೆಲಸಗಾರರನ್ನು ಇಟ್ಟುಕೊಂಡು ನೆಮ್ಮದಿಯಲ್ಲಿದ್ದ ಜನ, ಬಿಗ್ ಬಾಸ್ ಮನೆಯಲ್ಲಿ ಎಲ್ಲಾ ತಾವೇ ಮಾಡಬೇಕಾಗಿ ಬಂದಾಗ ಜಗಳ ಬರುವುದು ಸಾಮಾನ್ಯ.
ಬಿಗ್ ಬಾಸ್‌ನಲ್ಲಿ ಏನಿದೆ-ಏನಿಲ್ಲಾ : ಸ್ನೇಹ,ವೈರ,ಪ್ರೀತಿ, ಕ್ರೌರ್ಯ, ಭಕ್ತಿ, ನಟನೆ, ವಿರಸ, ಹಾಸ್ಯ...ಯಾವ ರಸ ಹೇಳಿ ಅದು ಇದೆ.
 ಡ್ಯಾನ್ಸ್ ಇಂಡಿಯಾ ಡ್ಯಾನ್ಸ್, ನಚ್ ಬಲಿಯೇ...ಇವೆಲ್ಲಾ ಒಂದು ತೂಕವಾದರೆ, ನಮ್ಮ ಕಾಳೀ ಮಠದ ಸ್ವಾಮಿಯ ಡ್ಯಾನ್ಸೇ(ತಪ್ಪು ಮಾಡದವರ್ಯಾರವ್ರೇ..) ಒಂದು ತೂಕ. http://www.youtube.com/watch?v=7c-JbmzsSwE
ಮಗಳು ಮುಖದೆದುರು ಫಿಂಗರ್ ಚಿಪ್ಸ್ ಪ್ಲೇಟ್ ಹಿಡಿದಾಗಲೇ ನಾನು ಈ ಲೋಕಕ್ಕೆ ಬಂದದ್ದು!
"ಅರೆ..ಇಷ್ಟು ಬೇಗ ಮಾಡಿಯಾಯಿತಾ? ಹೇಗೆ ಮಾಡಿದಿ?"
"ಒಂದೊಂದೇ ಆಲೂ ಕಡ್ಡಿಯನ್ನು ಎಣ್ಣೆಯಲ್ಲಿ ಬಿಟ್ಟು ಕೆಂಪಗೆ ಬಣ್ಣ ಬಂದಾಗ ತೆಗೆದೆ" ಅಂದಳು ಮಗಳು. ಕಡ್ಡಿಯನ್ನು "ಸಾಸ್"ನಲ್ಲಿ ಅದ್ದಿ ತಿಂದೆ- "ವ್ಹಾ..ವೆರಿಗುಡ್..ಬಹಳ ಚೆನ್ನಾಗಿದೆ. ನಾನು ಇಂತಹ ಚಿಪ್ಸನ್ನು ಇದುವರೆಗೆ ತಿಂದಿಲ್ಲ. ನೆಕ್ಸ್ಟ್ ಕಾಯಿಸುವಾಗ ಇನ್ನೂ ಸ್ವಲ್ಪ ಜಾಸ್ತಿ ಕಾಯಿಸಿದರೆ ಇನ್ನೂ ಸೂಪರ್ ಆಗುವುದು." ಎಂದು, ಪುನಃ ಬಿಗ್ ಬಾಸ್ ನೋಡುತ್ತಾ, ಫಿಂಗರ್ ಚಿಪ್ಸ್ ತಿನ್ನುತ್ತಾ ಇದ್ದೆ. "ಅಯ್...ಯ್ಯ...ಮ್ಮಾಆಆ... ಫಿಂಗರ್ ಜಗಿದೆ..ಬೇಗ ಐಸ್ ತಗೊಂಬಾರೆ.. ಒಂದು ಚಿಕ್ಕ ಬ್ರೇಕ್..ಆಆ......ಬೇಗ ತಾಆಆಅರೇಏಏಏಏಏ"
(ಸೂಚನೆ- ಬೆಚ್ಚ ಗಣೇಶರ ಬೆರಳ ಗಾಯ ಕೂಲ್ ಆಗಲು ಸಮಯವಾಗುವುದರಿಂದ, ಮುಂದಿನ ಬಿಗ್ ಬಾಸ್ ಎಪಿಸೋಡ್ ಬಚ್ಚನ್ ಪಾರ್ಥರು ಮುಂದುವರೆಸುವರು. ಏನು? ಇನ್ನೂ ನೋಡುತ್ತಿದ್ದೀರಿ. ಬೇಗ ಚಾನಲ್ ಚೇಂಜ್ ಮಾಡಿ..ಅಲ್ಲಾಗಲೇ ಬಿಗ್ ಬಾಸ್ ಪ್ರಾರಂಭವಾಗಿದೆ- http://sampada.net/blog/%E0%B2%AC%E0%B2%BF%E0%B2%97%E0%B3%8D-%E0%B2%AC%E0%B2%BE%E0%B2%B8%E0%B3%8D-%E0%B2%AE%E0%B2%A4%E0%B3%8D%E0%B2%A4%E0%B3%81-%E0%B2%AD%E0%B3%8D%E0%B2%B0%E0%B2%B9%E0%B3%8D%E0%B2%AE%E0%B2%BE%E0%B2%82%E0%B2%A1-%E0%B2%B6%E0%B2%B0%E0%B3%8D%E0%B2%AE%E0%B2%B0%E0%B3%81/24-4-2013/40726