ಗೋಹತ್ಯೆ ಕುರಿತು ಕುರ್ ಆನಿನಲ್ಲಿ ಏನು ಹೇಳಿದೆ?

ಕವಿ ನಾಗರಾಜರವರಿಗೆ ವಂದನೆಗಳು ' ಗೋ ಹತ್ಯೆ ಕುರಿತು ಕುರಾನಿನಲ್ಲಿ ಏನು ಹೇಳಿದೆ ' ಉಪಯುಕ್ತ ಮಾಹಿತಿಯುಳ್ಳ ಲೇಖನ. ಎಸ್ ಅಬ್ದುಲ್ ಗಫಾರರ ಕನ್ನಡಾನುವಾದದ ಕೃತಿಯ ಬಗ್ಗೆ ಉಪಯುಕ್ತ ಮಾಹಿತಿ ನೀಡಿದ್ದೀರಿ. ಯಾವುದೆ ಕೃತಿಗಳ ಭಾವಾನುವಾದಗಳು ಸಾಮಾನ್ಯ ಓದುಗರಿಗೆ ಹಿಡಿಸುತ್ತವೆ, ಅನ್ಯ ಭಾಷೆಯ ಕೃತಿಗಳ ಪರಿಚಯ ಕನ್ನಡದ ಓದುಗರಿಗೆ ಆಗುತ್ತದೆ. ಧನ್ಯವಾದಗಳು.

ಕವಿಗಳೇ, ಪಾಟೀಲ್ ಸರ್ ಹೇಳಿರುವಂತೆ ನಿಮ್ಮ ಲೇಖನ ಕುರಾನಿನ ಕನ್ನಡ ಅನುವಾದದ ಪುಸ್ತಕದ ಬಗೆಗೆ ಒತ್ತು ಕೊಟ್ಟಿದೆ ಎನಿಸುತ್ತದೆ. ಇದರಲ್ಲಿ ನೀವು ಕೊಟ್ಟಿರುವ ಕುರಾನಿನ ಪುಟಗಳಲ್ಲಿ ವಿಷಯದ ಮಂಡನೆ ಅಸ್ಪಷ್ಟವಾಗಿದೆ ಹಾಗಾಗಿ ನೀವೆಣಿಸಿದಂತೆ ಈ ಲೇಖನಕ್ಕೆ ಮತ್ತು ಇಲ್ಲಿ ಪ್ರಸ್ತಾಪಿಸಿರುವ ವಿಷಯಕ್ಕೆ ಸಂಭಂದಿಸಿದಂತೆ ಮುಕ್ತ ಅಭಿಪ್ರಾಯ ಬರಲು ಕಷ್ಟವಾಗುತ್ತದೆ.

ಗೋಹತ್ಯೆ ಕುರಿತು ಕುರ್ ಆನಿನಲ್ಲಿ ಏನು ಹೇಳಿದೆ? ತಮ್ಮ ಈ ಲೇಖನವನ್ನು ಇಂದು ನೋಡಿದೆ. ಕುರ್'ಆನಿನಲ್ಲಿ ಬರುವ ಹಲವು ವಿಚಾರಗಳು ಆಯಾ ಕಾಲದ ನಡೆ, ಸಂಸ್ಕಾರಗಳಿಗೆ ಸ್ಪಂದಿಸುವಂಥವು. ಮಾಂಸಾಹಾರದ ಬಗ್ಗೆ ಕುರಾನಿನಲ್ಲಿ ಹೇಳಿದ್ದರೂ ಒಬ್ಬ ಮುಸ್ಲಿಂ ಸಸ್ಯಾಹಾರಿಯಾಗಲು ಇಸ್ಲಾಮ್ ಅಡ್ಡ ಬರುವುದಿಲ್ಲ. ಅದೇ ರೀತಿ ಹಲವು ಅಪರಾಧಗಳಿಗೆ ಇರುವ ಶಿಕ್ಷೆಗಳನ್ನು ಎಲ್ಲ ಮುಸ್ಲಿಂ ದೇಶಗಳೂ ಪಾಲಿಸುತ್ತಿಲ್ಲ. ವಿವಾಹ, ವಿಚ್ಛೇದನೆ, ಮುಂತಾ ವಿಷಯಗಳಲ್ಲೂ ಹಲವು ದೇಶಗಳು ಹಲವು ತೆರನಾದ ಕಾನೂನುಗಳನ್ನು ಮಾಡಿ ಕೊಂಡಿವೆ. ಕುರ್'ಆನಿನಲ್ಲಿ ಬರುವ ಸೂಕ್ತಗಳನ್ನು ಅನುಕೂಲಕ್ಕೆ ಬೇಕಾದ ರೀತಿಯಲ್ಲಿ ಹೆಕ್ಕಿ ವಿಮರ್ಶೆಗೆ ಒಳಪಡಿಸಿದಾಗ ಅಭಾಸ ಉಂಟಾಗುತ್ತದೆಯೇ ವಿನಃ ಜ್ಞಾನೋದಯ ವಾಗೋಲ್ಲ. ಪೂರ್ವಗ್ರಹ ಪೀಡಿತರಾಗಿ ಯಾವುದೇ ಧಾರ್ಮಿಕ ಗ್ರಂಥಗಳನ್ನು ಓದಿದರೂ ನಮಗೆ ಅದರ ಸಾರ ಅರಿವಾಗದು. ವೇದಗಳಲ್ಲಿ', ಮನುಸ್ಮೃತಿ ಗಳಲ್ಲಿ ವಿವಿಧ ಸಮಾಜದ ಜನರನ್ನು ನಡೆಸಿಕೊಳ್ಳುವ, ಶಿಕ್ಷೆಗೆ ಒಳಪಡಿಸಿ ಕೊಳ್ಳುವ ಉಲ್ಲೇಖಗಳಿಗೂ ಮೇಲಿನ ಮಾತು ಅನ್ವಯ. ಧರ್ಮ ಗ್ರಂಥಗಳನ್ನು ತಿಳಿಯಾದ ಮನಸ್ಸಿನಿಂದ ಅಭ್ಯಸಿಸಿದಾಗ ನಮಗೆ ಆಗುವ ಅನುಭವವೇ ಬೇರೆ.