ನಿಜವಾದ ಭವಿಷ್ಯವಾಣಿಗಳು

ಕೆಲವೊಮ್ಮೆ ನಮ್ಮ/ಬೇರೆಯವರ‌ ಕೆಲವು ಮಾತುಗಳು ಭವಿಷ್ಯದ‌ ಆತಂಕ‌ ಸೂಚಿಸುತ್ತವೆ. ಅದನ್ನು ಆಕಸ್ಮಿಕ‌ ಅಥವ‌ ನಮ್ಮ ಮೂಢನಂಬಿಕೆ ಎಂದೊ ಇನ್ನೇನೊ ಹೇಳಬಹುದು
ತುಂಬಾ ವರ್ಷದ‌ ಹಿಂದೆ ನಾನಾಗ‌ ಪಿಯೂ ಓದುತ್ತಿದ್ದ ಸಮಯ‌, ನಮ್ಮ ಚಿಕ್ಕಜ್ಜಿಯ‌ ಜೊತೆ ಮಾತನಾಡುತ್ತಿರುವಂತೆ ಹಬ್ಬದ‌ ಸಂದರ್ಬದಲ್ಲಿ ನುಡಿದೆ, 'ಅದೇನು ಹಬ್ಬಗಳೊ ಒಂದು ವರ್ಷ‌ ಅತ್ಲಾಗೆ ಯಾವ‌ ಹಬ್ಬಾನು ಮಾಡಬಾರದು',
ಸರಿ ಆಕೆ ಬೈದರು, ಥೂ ನಿನಗೇನಾಯಿತು ಹಾಗೆಲ್ಲ ಮಾತನಾಡಬಾರದು, ಬಿಡ್ತು ಅನ್ನು, ದೇವರಿಗೆ ನಮಸ್ಕಾರ‌ ಮಾಡಿ ಎದ್ದು ಹೋಗು,
ನಾನು ಬಿಡ್ತೂನು ಅನ್ನಲಿಲ್ಲ ನಮಸ್ಕಾರನು ಮಾಡಲಿಲ್ಲ ಸುಮ್ಮನೆ ಎದ್ದುಹೋದೆ.
ಸ್ವಲ್ಪ ದಿನವಷ್ಟೆ ಆಗಿತ್ತು ನಮ್ಮ ತಂದೆ ತೀರಿಕೊಂಡರು ಆ ವರ್ಷ‌ ನಾವು ಯಾವ‌ ಹಬ್ಬವನ್ನು ಮಾಡಲಿಲ್ಲ.
ನಾನು ಮೂಡನಂಬಿಕೆ ಹೆಚ್ಚಿಸಲು ಈ ವಿಷಯ‌ ಹೇಳ್ತಾ ಇಲ್ಲ ಇದೊಂದು ಆಕಸ್ಮಿಕವೂ ಇರಬಹುದು....
ಆದರೆ ನಡೆದಿದ್ದಂತು ಸತ್ಯ

ಶ್ರೀಕರ್ ಸರ್ . ನಿಮ್ಮಿಂದ ಬಹು ದಿನಗಳ ನಂತರ ಒಂದು ಬರಹ ..!! ನಿಮ್ಮ ಬೇರೆಯವರ ಬರಹಗಳ ಬಗೆಗಿನ ಸಕ್ರಿಯ ಪ್ರತಿಕ್ರಿಯೆ ಮಾತ್ರ ಆಗಾಗ ಓದುತ್ತಿದ್ದೆ ...
ಪ್ರೇಮ ಶೇಖರ್ ಅವರು ವಿಜಯವಾಣಿಯಲ್ಲಿ ಬರೆಯುವ ಜಗದಗಲ ಅಂಕಣ ಬರಹಗಳನ್ನು ನಾ ಓದುತ್ತಿರುವೆ .. ಹಾಗೆಯೇ ತುಷಾರ ಮಾಸಿಕದಲ್ಲಿ ಭಾರತದ ನೆರೆಹೊರೆಯ ದೇಶಗಳು ಮಾಲಿಕೆಯನ್ನು ಬಹಳ ಸೊಗಸಾಗಿ ಮಹತ್ವದ ಮಾಹಿತಿಗಳೊಂದಿಗೆ ಬರೆಯುತ್ತಿರುವರು ..
ನಿನ್ನೆಯಸ್ತೆ ಅವರ ಆ ತುಷಾರ ಮಾಲಿಕ ಬರಹ ಪಾಕಿಸ್ತಾನದ ಬಗ್ಗೆ ಓದಿದೆ ..
ಹಾಗೆಯೆ ಅವರ ಬ್ಲಾಗ್ ಸಹಾ ಫಾಲೋ ಮಾಡುತಿರುವೆ ..
ಶುಭವಾಗಲಿ
\।/

@ಪಾರ್ಥ ಸರ್ ಮತ್ತು @ಶ್ರೀಕರ್‌ಜಿ,
ಸತ್ಯವಂತನ ಮಾತು ಯಾವಾಗಲೂ ಸತ್ಯವೇ ಆಗುತ್ತವೆ. ಒಂದು ವೇಳೆ ಅವನ ಬಾಯಲ್ಲಿ ತಪ್ಪು ಮಾತು ಬಂದರೆ ಅದೂ ಸತ್ಯವಾಗುತ್ತದೆ. ಇದನ್ನು ಹೇಳುತ್ತಿರುವುದು ನಾನಲ್ಲ. ಇದನ್ನು ಮಹರ್ಷಿ ಪತಂಜಲಿಯೇ ತನ್ನ ಯೋಗಸೂತ್ರದಲ್ಲಿ ಹೇಳಿದ್ದಾನೆ. ಇದಕ್ಕೆ ಒಂದು ಅತ್ಯುತ್ತಮ ಉದಾಹರಣೆ ಎಂದರೆ ಬೆಂಗಳೂರಿನಲ್ಲಿ ಶ್ರೀಯುತ ಎಚ್.ಡಿ. ದೇವಗೌಡರು ಮುಖ್ಯಮಂತ್ರಿಯಾಗಿದ್ದ ಕಾಲದಲ್ಲಿ ಅವರ ಅಧ್ಯಕ್ಷತೆಯಲ್ಲಿ ಸತ್ಯಸಾಯಿ ಬಾಬಾ ಅವರ ಒಂದು ಕಾರ್ಯಕ್ರಮವಿತ್ತು. ಅದರಲ್ಲಿ ಎರಡು ಮೂರು ಬಾರಿ ಸತ್ಯಸಾಯಿಯವರು ದೇವೇಗೌಡರನ್ನು ಮುಖ್ಯಮಂತ್ರಿ ಎಂದು ಸಂಭೋದಿಸುವುದರ ಬದಲು ಅಚಾತುರ್ಯದಿಂದ ಪ್ರಧಾನ ಮಂತ್ರಿಗಳೇ ಎಂದು ಸಂಭೋದಿಸಿದರು. ಅದಾಗಿ ಕೆಲವೇ ತಿಂಗಳುಗಳಲ್ಲಿ ದೇವೇಗೌಡರು ಪ್ರಧಾನ ಮಂತ್ರಿಯಾಗಿದ್ದು ಈಗ ಇತಿಹಾಸ.
ವಂದನೆಗಳೊಂದಿಗೆ,ಶ್ರೀಧರ್ ಬಂಡ್ರಿ

ನನಗೊಬ್ಬ ಎಂಬಿಏ / ಐಐಟಿ ಹಿನ್ನಲೆಯ ಮಹಾನ್ ವಾಗ್ಮಿ ಬಾಸ್ ಇದ್ದರು. ಅವರಿಗೆ ಕಂಪನಿಯ , ವ್ಯಕ್ತಿಗಳ, ಮತ್ತೆಲ್ಲಾ ತರದ ಆಗುಹೋಗುಗಳ ಕುರಿತು 'ಭವಿಷ್ಯ' ನುಡಿವ ಖಯಾಲಿ; ಕೆಲವು ವಾರ / ತಿಂಗಳ ನಂತರ ಕೆಲವು ಅದರಲ್ಲಿ ನಿಜವಾದಾಗ, ಅದರ ಕುರಿತು ಅರ್ಧಗಂಟೆ ಭಾಷಣ, ಕಾಲರ್ ಮೇಲೆತ್ತಿಕೊಂಡು 'ನೊಡಿದೆಯಾ? ನಾನು ಹೇಳಿರಲಿಲ್ಲವಾ?!' ಮುಂತಾಗಿ ಪೋಸ್ ಕೋಡುವುದು ಸಾಧಾರಣ ನಡೆಯುತ್ತಿದ್ದ ದೃಶ್ಯ. ತಮಾಷೆಯೆಂದರೆ, ಅವರು ಊಹಿಸಿದ್ದರಲ್ಲಿ ಅರ್ಧಕ್ಕರ್ಧ ನಿಜವಾಗುತ್ತಲೆ ಇರಲಿಲ್ಲ. ಆ ಕುರಿತು ಬಾಯೆ ಬಿಡದೆ, ಬರಿ ನಿಜವಾದವುಗಳ ಉವಾಚ ಮಾತ್ರ ಸಾಗಿರುತ್ತಿತ್ತು! ತಿಂಗಳುಗಟ್ಟಲೆ ಹಿಂದಿನದೆಲ್ಲ ಯಾರು ನಿಖರವಾಗಿ ನೆನಪಿಡುತ್ತಾರೆ? ತಮಗಿದ್ದ ವಾಕ್ಚಾತುರ್ಯದಿಂದ ಏನನ್ನಾದರೂ ನಂಬಿಸಬಲ್ಲ ಸಾಮರ್ಥ್ಯವಿದ್ದ ಆತ, ಮಾಡುತ್ತಿದ್ದುದು ನಿಜಕ್ಕೂ ಬುದ್ದಿವಂತಿಕೆಯ ಊಹೆ ಮಾತ್ರ. 50:50 ನಿಜವಾಗುವ ಸಾಧ್ಯತೆ ಹೇಗೂ ಇದ್ದೇ ಇರುತ್ತದೆ; ಬರಿ ನಿಜವಾದುದ್ದನ್ನು ಎತ್ತಿ ಆಡಿದರೆ ಸಾಕಲ್ಲ..ಬಾಸ್ ಆದ ಕಾರಣ, ನಿಜವಾಗದ ಕೇಸುಗಳನ್ನು ಗೊತ್ತಿದ್ದರೂ ಎತ್ತಿ ಆಡುವಂತಿಲ್ಲವಲ್ಲ!
ಇದು ಭವಿಷ್ಯವಾಣಿಯ ಮತ್ತೊಂದು ತರದ ಆಧುನಿಕ ಮುಖ :-)

ಶ್ರೀಕರ್‌ಜಿ,
ಕಾಲೇಜು ದಿನಗಳಲ್ಲಿ ನಾವು ಕೆಲ ಮಿತ್ರರು "ಪ್ಲಾಂಚೆಟ್" ಮೂಲಕ ಸ್ಪಿರಿಟ್ ಕರೆಯುವುದನ್ನು ಪರೀಕ್ಷಿಸಲು ಮಾಡಿದ್ದೆವು. ಹುಟ್ಟಿದ ದಿನ, ಸ್ಥಳ ಇತ್ಯಾದಿ ಸಿಂಪ್‌ಲ್ ಪ್ರಶ್ನೆಗಳನ್ನು ಕೇಳಿ, ಉತ್ತರ ಸರಿಯಾಗಿದ್ದಾಗ ಆಶ್ಚರ್ಯ ಪಟ್ಟರೂ, ಕೈ ಇಟ್ಟಿರುವವರಲ್ಲಿ ಯಾರಿಗೋ ಒಬ್ಬರಿಗೆ ಗೊತ್ತಿದ್ದು ಸರಿಯಾಗಿರಬಹುದು ಅಂದುಕೊಂಡೆವು. ನಾವು ಯಾರೂ ಬಲ ಹಾಕದಿದ್ದರೂ, ಗ್ಲಾಸ್ ವೇಗವಾಗಿ ಮೂವ್ ಆಗಲು ಪ್ರಾರಂಭಿಸಿದಾಗ ಸ್ಪಿರಿಟ್ ಇರುವುದು ಖಾತ್ರಿಯಾಯಿತು. ಹೆಚ್ಚಿನ ಪರೀಕ್ಷೆಗೆ ಮುಂದಾಗದೇ ಗೌರವಯುತವಾಗಿ ಅದನ್ನು ಹಿಂದೆ ಕಳುಹಿಸಿದೆವು.

>>ಎರಡನೇ ಮಾಧ್ಯಮ: ಜನ್ಮದಿನಾಂಕ ಮತ್ತು ಸಮಯ.
ಜ್ಯೋತಿಷ್ಯದಲ್ಲಿ ನನಗೆ ನಂಬಿಕೆ ಇರಲಿಲ್ಲ. ದೇವರ ಭಕ್ತಿನೂ ಅಷ್ಟಕಷ್ಟೇ ಇದ್ದ ಕಾಲ. ನನ್ನ ತಾಯಿಗೆ ತುಂಬಾ ನಂಬಿಕೆ. ಬೆಂಗಳೂರಲ್ಲಿ ಕೆಲಸ ಸಿಕ್ಕಿ ತಾಯಿಗೆ ತಿಳಿಸಿದಾಗ "ಪಕ್ಕದಲ್ಲಿ ಕಬ್ಬಿಣದ ಕೆಲಸದ ಅಂಗಡಿ ಇದೆಯಾ?" ಎಂದು ವಿಚಾರಿಸಿದರು. "ಇಲ್ಲಾ" ಎಂದಿದ್ದೆ. "ಜ್ಯೋತಿಷ್ಯರು ಹೇಳಿದ್ರು" ಅಂದಾಗ ಹಾಸ್ಯ ಮಾಡಿದ್ದೆ. ಮಾರನೇ ದಿನ ಹೋಗಿ ನೋಡಿದಾಗ ಕಬ್ಬಿಣದ ಗಾಡ್ರೆಜ್, ಕಪಾಟು ಇತ್ಯಾದಿ ತಯಾರಿಸಿ ಬೇರೆ ಕಡೆ ಮಾರಾಟ ಮಾಡುವ ಹೆಸರಿಲ್ಲದ ಅಂಗಡಿ ಹಿಂಬದಿಯಲ್ಲೇ ಇತ್ತು. ಈಗ ಅದು ಇಲ್ಲವಾದರೂ ಒಂದಲ್ಲ ಒಂದು ಕಬ್ಬಿಣದ ಕೆಲಸದ ಅಂಗಡಿ ಅಕ್ಕಪಕ್ಕದಲ್ಲಿ ಇಂದಿನವರೆಗೂ ಇದ್ದೇ ಇದೆ! (ಸಪ್ತಗಿರಿವಾಸಿಗೆ ಕ್ಲೂ ೩೦೧ :) )

>>ಎರಡನೇ ಮಾಧ್ಯಮ: ಜನ್ಮದಿನಾಂಕ ಮತ್ತು ಸಮಯ.
ಜ್ಯೋತಿಷ್ಯದಲ್ಲಿ ನನಗೆ ನಂಬಿಕೆ ಇರಲಿಲ್ಲ. ದೇವರ ಭಕ್ತಿನೂ ಅಷ್ಟಕಷ್ಟೇ ಇದ್ದ ಕಾಲ. ನನ್ನ ತಾಯಿಗೆ ತುಂಬಾ ನಂಬಿಕೆ. ಬೆಂಗಳೂರಲ್ಲಿ ಕೆಲಸ ಸಿಕ್ಕಿ ತಾಯಿಗೆ ತಿಳಿಸಿದಾಗ "ಪಕ್ಕದಲ್ಲಿ ಕಬ್ಬಿಣದ ಕೆಲಸದ ಅಂಗಡಿ ಇದೆಯಾ?" ಎಂದು ವಿಚಾರಿಸಿದರು. "ಇಲ್ಲಾ" ಎಂದಿದ್ದೆ. "ಜ್ಯೋತಿಷ್ಯರು ಹೇಳಿದ್ರು" ಅಂದಾಗ ಹಾಸ್ಯ ಮಾಡಿದ್ದೆ. ಮಾರನೇ ದಿನ ಹೋಗಿ ನೋಡಿದಾಗ ಕಬ್ಬಿಣದ ಗಾಡ್ರೆಜ್, ಕಪಾಟು ಇತ್ಯಾದಿ ತಯಾರಿಸಿ ಬೇರೆ ಕಡೆ ಮಾರಾಟ ಮಾಡುವ ಹೆಸರಿಲ್ಲದ ಅಂಗಡಿ ಹಿಂಬದಿಯಲ್ಲೇ ಇತ್ತು. ಈಗ ಅದು ಇಲ್ಲವಾದರೂ ಒಂದಲ್ಲ ಒಂದು ಕಬ್ಬಿಣದ ಕೆಲಸದ ಅಂಗಡಿ ಅಕ್ಕಪಕ್ಕದಲ್ಲಿ ಇಂದಿನವರೆಗೂ ಇದ್ದೇ ಇದೆ! (ಸಪ್ತಗಿರಿವಾಸಿಗೆ ಕ್ಲೂ ೩೦೧ :) )