ಮನದ ಬಯಕೆಗಳು (ಶ್ರೀ ನರಸಿಂಹ 72)

ಸಹಜ ಮೆಚ್ಚಿದುದನ್ನೆಲ್ಲ ಮನಸು  ಪಡೆಯಲಿಚ್ಚಿಸುವುದು

ಅರ್ಹನಿಹೆನೆನದಕೆಂಬುದ ನೀ ಮೊದಲರಿಯಬೇಕಿಹುದು

ಪಡೆಯ ಬಯಸದಿರು  ನೀ ಮೆಚ್ಚಿದುದ  ಒತ್ತಾಯದಿಂದ

ಪಡೆದರೂ ನಿನದನು ನೆಮ್ಮದಿಯು  ದೊರಕದದರಿಂದ

ಸದ್ವಿಚಾರ,ಸದ್ಬಯಕೆಗಳನೇ ಹೊಂದಿರಬೇಕು ಮನವು

ಅಸಹಜ ಬಯಕೆಗಳಿಂದಲಾಗುವುದು  ಮನ ಮಲಿನವು

ಬಯಕೆಯೊಳಗಿರಿಸಿ ಹೊರಗಿಲ್ಲವೆನ್ನಲದು ಕಪಟತೆಯೂ

ಒಳ,ಹೊರಗೆ ಬಯಕೆಗಳ ತ್ಯಜಿಸಲದುವು ಸಾಧನೆಯೂ

ತನುವಿಗಂಟುವ ಕೊಳೆಯ ಜಲದಿಂದಲಿ ತೊಳೆದು ತೆಗೆವಂತೆ

ಮಲಿನ ಮನವ ತೊಳೆಯೆ ಶ್ರೀನರಸಿಂಹನ ಜಪವೆ ಜಲದಂತೆ