"ಹೀಗೇಕಾಯಿತು?"

ನಡು ನೆತ್ತಿಯ ಮೇಲೆ 
ಸುಡು ಸೂರ್ಯ 
ನನ್ನ ಬಿಸಿ ರಕ್ತ 
ಇನ್ನಷ್ಟು ಬಿಸಿಯಾಯ್ತು,,

ಇಳಿ ಸಂಜೆಯಲಿ 
ಆತ ತಂಪಾದ 
ಜನ ಗುಂಪೆರೆದರು
ತಂಪಿನ ಕೆಂಪನು
ಕಣ್ತುಂಬಿಕೊಳ್ಳಲು 
ಮರುದಿನ ಮತ್ತೆ ಬರುವನೆಂದು ಗೊತ್ತಿದ್ದರೂ.....

ಬಾಳ ಸಂಜೆಯಲಿ
ನಾನು ತಣ್ಣಗಾದೆ,
ಜನ ಮಣ್ಣೆರೆದರು
ದೇಹದ ದುರ್ಗಂದವ
ದೂರವಿಡಲು 
ಮತ್ತೆಂದು ಬರಲಾರನೆಂದು ಗೊತ್ತಿದ್ದರು.....

"ಹೀಗೇಕಾಯಿತು?" ಅವಲೋಕಿಸಿದೆ 
ಆತ, ತನ್ನ ಸುಟ್ಟುಕೊಂಡು ಬೆಳಕು ನೀಡಿದ್ದ ....
ನಾನು, ಬೆಳಕಿನಲ್ಲಿ ಅದೆಷ್ಟೋ ಜನರ ತನು ಸುಟ್ಟಿದ್ದೆ....

ರಾಜಕಾರಣಿಯಾಗಿದ್ದೆ, 
ರಾಜ್ಯದವರ ಮನ ಕದಿಯುವುದರ ಬದಲು "ಮನಿ" ಕದ್ದಿದ್ದೆ,

--- ನವೀನ್ ಜೀ ಕೇ