----ಹುಟ್ಟಿನಿಂದಾಚೆಗೆ, ಮತ್ತೆ ಸಾಯದಂತೆ----

ಹುಟ್ಟಿದ ದಿನದಂದು, ತಾನು ಹುಟ್ಟಿದ್ದು 
ಯಾಕೆಂದು ಪ್ರಶ್ನೆ ಕಾಡಿದಾಗ
ಕಳವಳವಾಗಿತ್ತು, 
ಹುಟ್ಟಿನ ಸತ್ಯ ತಿಳಿಯುವ ಸಾಹಸ ಬೇಕೆ ?
ಈ ಪರದಾಟದ ಪರಮಾನ್ನ ಬೇಕೇ ?

ದಿನವೂ ಅದೆಷ್ಟು ಜೀವಗಳು 
ಹುಟ್ಟಿ ಹುಟ್ಟಿ ಮತ್ತೆ ಸಾಯುತ್ತವೆ,
ಹುಟ್ಟಿಸುವ ಜೀವಗಳಿಗೆ 
ಹುಟ್ಟುವವರು ಯಾರೆಂದು ಗೊತ್ತೇ ?

ಸಾಯುವುದೇ ಖಚಿತವೆಂದಮೇಲೆ 
ಹುಟ್ಟುವುದು ಯಾಕೆ, ಸಾಯಲಿಕ್ಕೆ ?
ಸಾಧಿಸಲಿಕ್ಕೆ !!!! ???????

ಇದ್ದ-ಬದ್ದ ಬುದ್ದಿಯನೆಲ್ಲ 
ಜಗದ ಗಮನ ಸೆಳೆಯುವಲ್ಲಿ ಅಡವಿತ್ತು.
ಹುಟ್ಟಿದ ಜೀವಗಳಿಗೆ ಹೆಸರಿಟ್ಟು
ಕುಣಿದು, ದಣಿದು, ಅನ್ಯರ ಕಾಲೆಳೆದು,
ತಾನು ಏನಾದರೇನು ??
ಸಾಯಲೇ ಬೇಕಲ್ಲ, ಎಲ್ಲ ಬಿಟ್ಟು, ಎಲ್ಲ ಮರೆತು 

ಸತ್ತಾಗಲು ಒಂದು ಬದುಕಿದೆ, 
ಹಾಗಾದರೆ ಬದುಕಿಗೆ ಕೊನೆ ಇಲ್ಲವೇ ?
ಹುಟ್ಟಿಗೆ ಸಾವು ವಿರುದ್ದ "ಪದ" ಮಾತ್ರ ಏನು ??

ಓಡಬೇಕೆನಿಸುತ್ತಿದೆ ಈ ಹುಟ್ಟಿನಿಂದಾಚೆಗೆ,
ಮತ್ತದರ ಸಾವಿನಿಂದಾಚೆಗೆ,
ಸಾಗರವ ದಾಟಿದರು ಭೂಮಿ ಗುಂಡಗೆ ಅಂತೆ,,,
ಹೋಗುವುದು ಎಲ್ಲಿಗೆ ?

ಧರ್ಮದ ಹೆಸರಿನ ಮರ್ಮ ಮತ್ತು ಕರ್ಮ,
ಗಡಿಯ ಬೇಲಿ, ಗುಡಿ, ಶಿಲುಬೆ, 
ಬಟ್ಟೆಯೊಳಗಿನ ವೇಷ, ಭಾಷೆ,
ಎಲ್ಲವನು ಬಿಟ್ಟು, ಕೊನೆ ಮೊದಲಿಲ್ಲದೆಡೆಗೆ,,,

ಹೋಗಬೇಕು ನನ್ನೊಳಗೆ,
ಮೌನದ ನಿರ್ವಾತಕ್ಕೆ, 
ಮತ್ತೆ ಹುಟ್ಟದ, ಇನ್ನೆಂದೂ ಸಾಯದ, ನಿರ್ವಾಣಕ್ಕೆ,