ಜಮಾನಾದ ಜೋಕುಗಳು - ೨೭: ಅನಾನಸ್ ಹಣ್ಣು ಬೆಳೆದವನ ಪರಿಸ್ಥಿತಿ!

ಜಮಾನಾದ ಜೋಕುಗಳು - ೨೭: ಅನಾನಸ್ ಹಣ್ಣು ಬೆಳೆದವನ ಪರಿಸ್ಥಿತಿ!

By makara on Tue, 01/06/2015 - 10:26

    ಒಬ್ಬ ರೈತ ತನ್ನ ಹೊಲದಲ್ಲಿ ಹೊಸದಾಗಿ ದ್ರಾಕ್ಷಿ ಹಣ್ಣನ್ನು ಬೆಳಿಸಿದ್ದ. ತನ್ನ ಜಮೀನಿನಲ್ಲಿ ಬಿಟ್ಟ ಮೊದಲ ಫಲವನ್ನು ತಮ್ಮನ್ನಾಳುವ ಅರಸನಿಗೆ ಕೊಡಬೇಕೆಂಬುದು ಆ ದೇಶದ ಸಂಪ್ರದಾಯ. ಅದರಂತೆ, ಆ ರೈತ ಒಂದಷ್ಟು ಹಣ್ಣುಗಳನ್ನು ತೆಗೆದುಕೊಂಡು ಹೋಗಿ ರಾಜನಿಗೆ ಸಮರ್ಪಿಸಿದ. ಹಣ್ಣನ್ನು ತಿಂದ ರಾಜ ಕೆಂಡಾಮಂಡಲವಾದ; ಏಕೆಂದರೆ ಆ ಹಣ್ಣು ಬಹಳ ಹುಳಿಯಾಗಿತ್ತು.  ಇದಕ್ಕೆ ಕಾರಣ ಆ ರೈತನ ಹೊಲದ ಮಣ್ಣಿನಲ್ಲಿ ಸವಳು ಅಂದರೆ ಉಪ್ಪಿನ ಅಂಶ ಹೆಚ್ಚಾಗಿತ್ತು. ಕುಪಿತಗೊಂಡ ರಾಜ ತಕ್ಷಣವೇ, ತನ್ನ ಸೇವಕರಿಗೆ  ಆಜ್ಞಾಪಿಸಿದ, "ಇಂಥ ಹಣ್ಣನ್ನು ತಂದು ಕೊಟ್ಟ ಆ ರೈತನ ಗುದದ್ವಾರದಲ್ಲಿ ಆ ಹಣ್ಣುಗಳನ್ನು ತುರುಕಿ". ಇನ್ನೇನು ಆ ಶಿಕ್ಷೆಯನ್ನು ಅಮಲು ಮಾಡಬೇಕು, ಅಷ್ಟರಲ್ಲಿ ಆ ರೈತ ಪೆಕ-ಪೆಕನೆ ಬಿದ್ದು ಬಿದ್ದು ನಗಲಾರಂಭಿಸಿದ. ಇದರಿಂದ, ಆಶ್ಚರ್ಯಚಕಿತನಾದ ರಾಜನು, ಅವನ ನಗುವಿಗೆ ಕಾರಣವೇನೆಂದು ಕೇಳಿದ. ಆಗ ಆ ರೈತ ಹೇಳಿದ, "ಮಹಾಸ್ವಾಮಿ, ಅಲ್ಲಿ ಅನಾನಸ್ ಹಣ್ಣು ಹಿಡಿದುಕೊಂಡು ನಿಂತಿದ್ದಾನಲ್ಲ ಅವನು ಕೂಡ ಆ ಹಣ್ಣನ್ನು ನನ್ನ ಸವಳು ಹೊಲದ ಪಕ್ಕದ ಹೊಲದಲ್ಲೇ ಬೆಳೆದದ್ದು, ಅದಕ್ಕೇ ಅವನ ಪರಿಸ್ಥಿತಿಯನ್ನು ನೆನೆಸಿಕೊಂಡು ನಗು ಬಂತು!"  
(ಬಹುಶಃ ಇದನ್ನು ಪ. ರಾಮಕೃಷ್ಣ ಶಾಸ್ತ್ರಿಯವರು ೭೦ ದಶಕದಲ್ಲಿ ಕರ್ಮವೀರದಲ್ಲಿ ಪ್ರಕಟಿಸಿದ್ದಂತೆ ನೆನಪು)

 

Rating
No votes yet

Comments

Submitted by makara Tue, 01/06/2015 - 18:15

ಪಾರ್ಥರೆ,
ಈ ಕಥೆಯಲ್ಲಿ ನಗುವಿನ ಜೊತೆಗೆ ಚಿಕ್ಕದೊಂದು ನೀತಿ ಅಡಗಿದೆ. "ಅದೇನೆಂದರೆ ಬೇರೆಯವರ ಕಷ್ಟದ ಮುಂದೆ ನಮ್ಮದು ಕಷ್ಟ ಚಿಕ್ಕದೆಂದುಕೊಂಡು ನಗುವುದನ್ನು ಕಲಿಯೋಣ"

Submitted by venkatb83 Wed, 01/07/2015 - 14:17

ಜೀ - ನಿಮ್ಮ ಈ ಜೋಕೂ ಸಹಾ ನಾ ಈಗಲೇ ಹೊಸದಾಗಿ ಓದಿದ್ದು ...!!
ಜೋಕಿನ ಅಂತ್ಯ ಬೇಜಾನ್ ನಗೆ ಉಕ್ಕಿಸುತ್ತೆ ..:(()),
ಇದನ್ನ ಸವಿಸ್ತಾರವಾಗಿ ಪ್ರತಿಕ್ರಿಯೆಯಲ್ಲಿ ಹೇಳಿರುವಿರಿ ..
ಪ :ರಾಮ ಕೃಷ್ಣ ಶಾಸ್ತ್ರಿ ಅವರು ತೆಂಕ ಕಾರಂದೂರು ಅವರೇನಾ?
ಅವರು ಈಗಲೂ ಹಲವು ಮಾಸಿಕ ದೈನಿಕಗಳಿಗೆ ಕಥೆ -ಕೃಷಿ ಸಂಬಂಧಿ ಬರ್ಹಗಳನ್ನು ಬರೆಯುತ್ತಾರೆ.
ಮಟ್ ಮಟ ಮಧ್ಯಾಹ್ನ ಒಳ್ಳೆ ನಗೆ ತರಿಸಿದಿರಿ ..
ಶುಭವಾಗಲಿ
ನನ್ನಿ
\|/

Submitted by makara Fri, 01/09/2015 - 21:58

ನಿಮ್ಮ ಮೆಚ್ಚುಗೆಯ ಪ್ರತಿಕ್ರಿಯೆಗೆ ಧನ್ಯವಾದಗಳು ಸಪ್ತಗಿರಿಯವರೆ.
ನೀವು ಹೇಳುತ್ತಿರುವ ರಾಮಕೃಷ್ಣ ಶಾಸ್ತ್ರಿಗಳು ಮತ್ತು ನಾನು ಇಲ್ಲಿ ಉಲ್ಲೇಖಿಸಿರುವ ಪ. ರಾಮಕೃಷ್ಣ ಶಾಸ್ತ್ರಿಗಳು ಬಹುಶಃ ಒಬ್ಬರೇ ಅಲ್ಲವೆನಿಸುತ್ತದೆ. ಏಕೆಂದರೆ, ನಾನು ಹೇಳಿರುವ ಶಾಸ್ತ್ರಿಗಳು, ನಮಗಿಂತಲೂ ಬಹಳ ಹಿರಿಯರು.