ಬೇಡಿಕೆ

ಸ್ವಾಮಿ ನಿನ್ನಲಿ ಬೇಡಿಕೊಳ್ಳುವೆ
ಪ್ರೇಮ ಸಂತೋಷಗಳನು !
ವ್ಯೋಮಕೇಶನೆ ಬಾಳಿನೊಲ್ಮೆಯೆ
ನೇಮವಲದಿನ್ನೇನನು !!

ಕರ್ಮ ಸಾರ್ಥಕ ಮರ್ಮದಿಂದಲೇ
ಧರ್ಮವೆಂದದನೊಪ್ಪಿಹೆ !
ಜನ್ಮ ಧರ್ಮವ ಬಿಡದೆ ಸ್ಮೃತಿ ತಾ
ನೆಮ್ಮಿದಂತೆಯೆ ಬದುಕಿಹೆ !!

ನಿತ್ಯ ಸತ್ಯೋತ್ಸವವು ಜೀವನ
ಕತ್ತಲೆಗಳನು ಕಳೆಯಲಿ !
ಚಿತ್ತ ತಾವರೆಯಂತೆ ವಿಕಸನ
ಸತ್ಯ ಸೂರ್ಯೋದಯದಲಿ !!

ಮಿಥ್ಯೆಯಡಗಲಿ ಸ್ವಾರ್ಥ ಮುಳುಗಲಿ
ಮೃತ್ಯುವನು ತಾ ಗೆಲ್ಲಲಿ !
ಯತ್ನವೆಲ್ಲವು ಫಲಿಸಿ ಬೆಳಗಲಿ
ಜ್ಯೋತಿಯಂತೆಯೇ ಹೊಮ್ಮಲಿ !!

. - ಸದಾನಂದ