ಟೊರಾಂಟೋ ನಗರದ ಪಬ್ಲಿಕ್ ಲೈಬ್ರರಿ !

ಟೊರಾಂಟೋನಗರದ ಪಬ್ಲಿಕ್ ಲೈಬ್ರರಿ ನನಗೆ ಬಹಳ ಪ್ರಿಯವಾಯಿತು. ವಿಕಿಪಿಡಿಯ ಬರಹಗಾರನಾದ ನನಗೆ ಅಲ್ಲಿ ಬಹಳಷ್ಟು ಮಾಹಿತಿಗಳು ದೊರಕಿದವು. ಅದಲ್ಲದೆ, ಈ ಲೈಬ್ರರಿ ನಮ್ಮ ಮನೆಗೆ ಅತಿ ಹತ್ತಿರದಲ್ಲಿತ್ತು. ಮೇಲಾಗಿ ಅಲ್ಲಿನ ಲೈಬ್ರರಿ ಮುಖ್ಯಸ್ಥ ಬಹಳ ಹಸನ್ಮುಖಿ ಹಾಗು ನನಗೆ ಬೇಕಾದ ಮಾಹಿತಿಗಳನ್ನು ಒದಗಿಸುವಲ್ಲಿ ತುಂಬಾ ಸಹಕರಿಸಿದ. ಆ ನಗರದ ಜನರೇ ಹಾಗೆ. ನಾನು ಲೈಬ್ರರಿಯ ಮೊದಲನೆಯ ಮಹಡಿ ಹತ್ತಿ ಅಲ್ಲಿಂದ ಈ ಸುಂದರ ಚಿತ್ರ ತೆಗೆದುಕೊಂಡೆ. ಅಲ್ಲಿ ಕುಳಿತು ಅಭ್ಯಾಸ ಮಾಡುತ್ತಿರುವವರ ಮುಖ ಕಾಣದಂತೆ ನಿಗಾವಹಿಸಿ, ಎಂದು ಆಟ ಹೇಳಿದ ಅಷ್ಟೇ !  ನಿಂತಿರುವ ವ್ಯಕ್ತಿ, ಲೈಬ್ರೇರಿಯನ್ ಬಳಿ ಮಾಹಿತಿಗೋಸ್ಕರ ನಿಂತಿದ್ದಾನೆ. ಎಡಭಾಗದಲ್ಲಿ ಕಂಪ್ಯೂಟರ್ ಗಳಿವೆ. ಅವು ಅಲ್ಲಿ ಓದುವವರಿಗೆ ಲಭ್ಯ. ಆದರೆ ಮೊದಲೇ ಅವನ್ನು ಕೇಳಿ ಪಡೆದಿಟ್ಟಿರಬೇಕು ! 

ಬ್ರಿಟಿಷ್ ಲೈಬ್ರರಿಯನ್ನು ಹೋಲುವ ಈ ಸಾರ್ವಜನಿಕ ಪುಸ್ತಕಾಲಯ ಹಲವಾರು ಅತ್ಯುತ್ತಮ  ವ್ಯವಸ್ಥೆಗಳನ್ನು ಹೊಂದಿದೆ. ಇನ್ನೇನು ೩ ವರ್ಷಗಳಲ್ಲಿ ಈ ಲೈಬ್ರೈಗೆ ನೂರುವರ್ಷದ ಹುಟ್ಟುಹಬ್ಬ. ಈಗಾಗಲೇ ಅಲ್ಲಿಗೆ ಬಂದು ಭೇಟಿಕೊಡುವ ಪ್ರತಿ ನಾಗರಿಕನೂ ಅದನ್ನು ಹೇಗೆ ಅರ್ಥಪೂರ್ಣವಾಗಿ ಆಚರಿಸಬೇಕು ಎನ್ನುವ ಬಗ್ಗೆ ತಲೆಕೆಡೆಸಿಕೊಳ್ಳುತ್ತಿದ್ದಾರೆ. ತಮ್ಮ ದೇಶ, ಸಂಸ್ಕೃತಿ, ಕಲೆ, ಸಾಹಿತ್ಯ ಮೊದಲಾದವನ್ನು ಅವರು ಅದೆಷ್ಟು ಪ್ರೀತಿಸುತ್ತಾರೆ ! ತಮ್ಮ ನಗರದ ಪರಿಸರವನ್ನು ಅದೆಷ್ಟು ಸುಂದರವಾಗಿ ಇಡಲು ಪಡುವ ಕಳಕಳಿ ನಮಗೆ ಪಾಠ ಕಲಿಸುವಮ್ತಹದು. ಭಾರತೀಯರು ಇದರಲ್ಲಿ ಅತಿ ಹಿಂದೆ. ಉಡಾಫೆ, ಮಾತಿನಲ್ಲಿ ಸಿರಿಯಸ್ನೆಸ್ ಇಲ್ಲವೇ ಇಲ್ಲ. ತಮ್ಮ ಬಗ್ಗೆ, ಕೊಚ್ಚಿಕೊಳ್ಳುವ ಹವ್ಯಾಸ ಬೆಳೆಸಿಕೊಂಡಿದ್ದಾರೆ. ಬೇರೆಯವರ ಒಳ್ಳೆಯ ನಡವಳಿಕೆ, ಒಳ್ಳೆಯತನ, ಮೊದಲಾದುವನ್ನು ಕಲಿಯಲು ಪ್ರಯತ್ನಿಸಬೇಡವೇ !