ಚಿಕುನ್‌ಗುನ್ಯಾಕ್ಕೆ ಪರಿಹಾರವಿದೆ

ಮೊದಲೇ ಹೇಳಿಬಿಡುತ್ತೇನೆ: ಚಿಕುನ್‌ಗುನ್ಯಾ ರೋಗಕ್ಕೆ ನಿಶ್ಚಿತ ಮದ್ದಿಲ್ಲ.

ಇದಕ್ಕೆ ಇದುವರೆಗೆ ಪರಿಣಾಮಕಾರಿ ಮದ್ದು ಕಂಡು ಹಿಡಿದಿಲ್ಲ. ಈ ನಿಟ್ಟಿನಲ್ಲಿ ಪ್ರಯೋಗಗಳು ನಡೆಯುತ್ತಿವೆಯಾದರೂ, ಸ್ಪಷ್ಟ ಫಲಿತಾಂಶ ದಕ್ಕಿಲ್ಲ. ಆದರೆ, ನೋವಿನ ತೀವ್ರತೆ ಕಡಿಮೆ ಮಾಡಬಲ್ಲ ಹಲವಾರು ಮದ್ದುಗಳಿವೆ. ಅವುಗಳಲ್ಲಿ, ಅಡ್ಡ ಪರಿಣಾಮಗಳಿಲ್ಲದ ಆಯುರ್ವೇದ ಪದ್ಧತಿಯನ್ನು ಹಾಸನದ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಯುರ್ವೇದ ಮೆಡಿಕಲ್‌ ಕಾಲೇಜ್‌ (ಎಸ್‌ಡಿಎಮ್‌) ಅಭಿವೃದ್ಧಿಪಡಿಸಿದೆ.

ರೋಗದಿಂದ ಉಂಟಾಗುವ ತೀವ್ರ ಜ್ವರ ಹಾಗೂ ಕೀಲು ನೋವು ಕಡಿಮೆ ಮಾಡುವುದರ ಜೊತೆಗೆ ಸೊಳ್ಳೆ ನಿವಾರಣೆ ಕ್ರಮಗಳಿಗೂ ಎಸ್‌.ಡಿ.ಎಂ. ಟ್ರಸ್ಟ್‌ ಒತ್ತು ಕೊಡುತ್ತಿದೆ. ಆಯುರ್ವೇದ ಶಾಸ್ತ್ರದಲ್ಲಿ ಹೇಳಲಾದ ’ಸಂಧಿಗ ಜ್ವರ’ ಹಾಗೂ ’ಆಮವಾತ’ ರೋಗಗಳ ಲಕ್ಷಣಗಳನ್ನು ಚಿಕುನ್‌ಗುನ್ಯಾ ಒಳಗೊಂಡಿದ್ದರಿಂದ, ಈ ರೋಗಗಳಿಗೆ ಬಳಸುವ ಔಷಧಗಳನ್ನು ’ಉಚಿತವಾಗಿ’ ನೀಡುವ ಮೂಲಕ ಟ್ರಸ್ಟ್‌ ಜನಪರ ಕೆಲಸವನ್ನು ಪ್ರಾರಂಭಿಸಿದೆ.

ಇತ್ತೀಚೆಗೆ ದಕ್ಷಿಣ ಕನ್ನಡದ ವಿವಿಧೆಡೆ ಟ್ರಸ್ಟ್‌ ಹಮ್ಮಿಕೊಂಡಿದ್ದ ಉಚಿತ ರೋಗ ತಪಾಸಣೆ ಹಾಗೂ ಔಷಧ ವಿತರಣೆ ಶಿಬಿರಗಳಲ್ಲಿ ಈ ಔಷಧಗಳು ಪರಿಣಾಮಕಾರಿ ಎಂಬುದು ಗೊತ್ತಾಗಿದೆ. ಸುಮಾರು 20,000 ರೋಗಿಗಳು ಗುಣಮುಖರಾಗಿದ್ದು ಎಸ್‌.ಡಿ.ಎಂ. ವೈದ್ಯರ ಆತ್ಮವಿಶ್ವಾಸ ವೃದ್ಧಿಸಿದೆ.

ಆಸಕ್ತರು e-mail: sdm_ayu_hsn@yahoo.co.in ಗೆ ಅಥವಾ ದೂರವಾಣಿ: 08172-256 460/256 461/256 463/256 465ಗೆ ಸಂಪರ್ಕಿಸಬಹುದು.

- ಚಾಮರಾಜ ಸವಡಿ