ರೀ ಮತ್ತು ಸಾರೀ ಮತ್ತು ಸುರೆ

ಸಹವಾಸ ದೋಷ. ಯಾವುದೇ ಶಬ್ದ ಸಿಕ್ಕಿದರೂ-
ಅದು ಹೇಗೆ ಬಂದಿರಬಹುದು?
ಕನ್ನಡವೋ? ಇಂಗ್ಲೀಷೋ?
ಯಾಕೆ ಕನ್ನಡಕ್ಕೆ ಬಂತು?
ಯಾರು ತಂದರು? ಇದೇ ಕೆಲಸ ಈಗ ಸುರುಮಾಡಿದ್ದೇನೆ.

ಹೆಂಡತಿ ‘ರೀ..’ ಎಂದು ಕರೆದರೂ..ಉತ್ತರ ಕೊಡುವ ಬದಲು-
‘ರೀ’ ಇಂಗ್ಲೀಷ್‌ನಿಂದ ಬಂದುದೋ?
ಸಂಗೀತದಿಂದಲೋ?
‘ಸಾ..ರೀ..’ ಶಾಸ್ತ್ರೀಯ ಸಂಗೀತಕ್ಕೂ ಸಾರಿ(saree)ಗೂ ಸಂಬಂಧವಿದೆಯೋ?
ಸಾರಿ(sorry) ಇಂಗ್ಲೀಷ್ಗೆ ನಮ್ಮ ಶಾಸ್ತ್ರೀಯ ಸಂಗೀತದ ಕಾಣಿಕೆಯೋ?
... ..ತಲೆಗೆ ಮೊಟಕಿದಾಗಲೇ ಈ ಲೋಕಕ್ಕೆ ಬರುವುದು.

ಹೀಗೇ ವೈನ್ (wine) ಬಗ್ಗೆ ಬರೆಯಲು ಹೊರಟೆ-
‘Elixir of life’
‘Drink of God’ -‘ಸುರೆ’-ಸಹವಾಸ ದೋಷ-
‘ಸುರೆ’ಯನ್ನು ಕುಡಿದುದರಿಂದ ದೇವತೆಗಳು ‘ಸುರ’ರು.
ಸುರೆ ಬಿಟ್ಟು ಉಳಿದುದು (ಕಳ್ಳಭಟ್ಟಿ?) ಕುಡಿದವರು ‘ಅಸುರ’ರು.
ಎರಡೂ ಮಾಡದ ‘ಮಾನ’ವಂತರು ‘ಮಾನ’ವರು.
ಹಾಗಾದರೆ ನಾನು ಯಾರು?
ಅಮಲಿಳಿದ ಮೇಲೆ ವೈನ್ ಬಗ್ಗೆ ನಾಳೆ ಬರೆಯುವೆನು.

-ಗಣೇಶ.