ಸ್ವಾತಂತ್ರ್ಯವೆಂದರೆ ಭಯ ಮತ್ತು ನಮಗೆ ಸ್ವಾತಂತ್ರ್ಯವೇ ಇಲ್ಲ

5

ಫಿಯರ್ ಆಫ್ ಫ್ರೀಡಂ ಎಂಬುದು ಎರಿಕ್ ಫ್ರಾಂ ಎಂಬ ಲೇಖಕನ ಒಂದು ಪುಸ್ತಕದ ಹೆಸರು. ನಿಜವಾಗಿ ನಮಗೆಲ್ಲ ಸ್ವಾತಂತ್ರ್ಯವೆಂದರೆ ಭಯ. ಸ್ವಂತವಾಗಿ ಆಲೋಚಿಸುವ, ಕ್ರಿಯೆಯಲ್ಲಿ ತೊಡಗುವ, ನಮ್ಮ ಕ್ರಿಯೆಗಳಿಗೆ, ಬದುಕಿಗೆ ನಾವೇ ಜವಾಬ್ದಾರರಾಗುವ ಸ್ವಾತಂತ್ರ್ಯವನ್ನು ಹೊಂದುವುದಕ್ಕೆ ನಮಗೆಲ್ಲ ಭಯ. ಹಿರಿಯರು ಹೇಳಿದಂತೆ, ನಮ್ಮ ಸಂಸ್ಕೃತಿ ಹೇಳಿದಂತೆ, ಶಿಕ್ಷಣ ಕಲಿಸಿದಂತೆ, ನಮ್ಮ ಸುತ್ತಲ ಹತ್ತು ಜನ ಇರುವಂತೆ ಬದುಕುವುದು ನಮಗೆಲ್ಲ ಸುಲಭ ಮತ್ತು ಇಷ್ಟ. ಸ್ವತಂತ್ರವಾಗಬೇಕೆಂಬ ಆಸೆ, ಕಲ್ಪನೆಗಳು ಮಾತ್ರ ನಮ್ಮಲ್ಲಿವೆ. ನಮ್ಮ ಪ್ರತಿಯೊಂದು ಕೆಲಸಕ್ಕೂ ನಮ್ಮ ಮನಸ್ಸು ಸಮರ್ಥನೆಯನ್ನು ಹುಡುಕುತ್ತಲೇ ಇರುವಾಗ, ಬೇರೆಯವರ ಒಪ್ಪಿಗೆಯನ್ನು ಅಪೇಕ್ಷಿಸುತ್ತ ನಿರೀಕ್ಷಿಸುತ್ತ ಇರುವಾಗ ಸ್ವತಂತ್ರವಾಗುವುದು ಹೇಗೆ ಸಾಧ್ಯ? ಸ್ವತಂತ್ರವಾಗಿರುವಂತೆ ತೋರಿಸಿಕೊಳ್ಳುವವರನ್ನು ಒಪ್ಪುತ್ತೇವೆ, ನಿಜವಾಗಿ ಸ್ವತಂತ್ರವಾಗಿರುವವರನ್ನು ದ್ವೇಷಿಸುತ್ತೇವೆ, ಅಲ್ಲವೆ?
ನಮಗೆ ಸ್ವಾತಂತ್ರ್ಯವೇ ಇಲ್ಲ ಎಂಬುದು ಕಂಬಾರರ ಕನ್ನಡ ಕವಿತೆಯೊಂದರ ಸಾಲು. ನಮ್ಮ ಆಲೋಚನೆಗಳು ನಮ್ಮವಲ್ಲ, ನಮ್ಮ ವಿಚಾರಗಳು ನಮ್ಮವಲ್ಲ, ನಮ್ಮ ಕನಸುಗಳು ನಮ್ಮವೇ ಅಲ್ಲ, ನಮ್ಮ ಆತಂಕಗಳು ನಮ್ಮವೇ ಅಲ್ಲ, ನಮ್ಮ ದೇಹ ನಮ್ಮ ಇಷ್ಟದಂತೆ ಇರುವುದಿಲ್ಲ, ನಮ್ಮ ಮನಸ್ಸು ನಮ್ಮ ಬುದ್ಧಿಯಮಾತು ಕೇಳುವುದಿಲ್ಲ. ನಮ್ಮೊಳಗೆ ತುಂಬಿಕೊಂಡಿರುವುದೆಲ್ಲ, ನಮ್ಮ ವ್ಯಕ್ತಿತ್ವಕ್ಕೆ ಕಾರಣವಾಗಿರುವುದೆಲ್ಲ ಬೇರೆಯವರು, ಅಪ್ಪ, ಅಮ್ಮ, ಸಮಾಜ, ಶಿಕ್ಷಣ, ಭಾಷೆ, ನಮಗೆ ಇಷ್ಟವಾದ ರಾಜಕೀಯ ಪಕ್ಷ, ಸಂಸ್ಕೃತಿ ಇತ್ಯಾದಿಗಳು ನಮ್ಮೊಳಗೆ ತಿದ್ದಿರುವುದಲ್ಲದೆ ಬೇರೇನೂ ಅಲ್ಲ. ನಾವು ನಿಜವಾಗಿ ಸ್ವತಂತ್ರರಾಗಬೇಕೆಂದರೆ ಯಾವುಯಾವುದನ್ನೆಲ್ಲ ಮುಖ್ಯ, ನಮ್ಮದು ಎಂದುಕೊಂಡಿದ್ದೇವೆಯೋ ಅವನ್ನೆಲ್ಲ ನೀಗಿಕೊಳ್ಳಬೇಕಲ್ಲವೆ? ವಚನಕಾರರು ಹೇಳುವಂತೆ "ನಿರಾವಲಂಬಿ"ಗಳು ಆಗಬೇಕಲ್ಲವೆ? ಹಾಗೆ ಯಾವ ಮಾನಸಿಕ ಅವಲಂಬನೆಯೂ ಇಲ್ಲದೆ, ಸ್ವತಂತ್ರರಾಗುವುದಕ್ಕೆ ನಮಗೆ ನಿಜವಾಗಿಯೂ ಸಾಧ್ಯವಿದೆಯೋ ಅಥವ ಸ್ವಾತಂತ್ರ್ಯವೆಂಬುದು ಕೇವಲ ಸಾಧಿಸಲಾಗದ ಆದರ್ಶವೋ? ಸ್ವಾತಂತ್ರ್ಯದಿನದ ಸಮಯದಲ್ಲಿ ಈ ಯೋಚನೆಗಳು ಕಳವಳ ಹುಟ್ಟಿಸುತ್ತವೆ. ಮತ್ತೆ ಇಲ್ಲಿ ಹೇಳಿರುವ ಮಾತುಗಳು ಕೂಡ ಎಲ್ಲೆಲ್ಲೋ ನಾನು ಓದಿ ತಿಳಿದದ್ದೇ ಅನ್ನುವ ಸಂಗತಿ ಸ್ವಾತಂತ್ರ್ಯ ಎಷ್ಟು ಕಷ್ಟ ಅನ್ನುವುದನ್ನೇ ಹೇಳುವಂತಿದೆ!

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.

ಪ್ರತಿಕ್ರಿಯೆಗಳು

Hello Mr Swamy, I am nandu, had met you with Belagere tata. I cant help but empathise this feeling of yours. Its so true. A similar thought process hit me when i recently visited the US. There I had to face a completely different environment where people lived and thought very differently. This setup made me realise that we all live with fixed thinking patterns. Patterns which are inculcated in us by our brought up. Digging deeper i felt that the Indian brought up makes people more dependent on the environment. Namma swatantryavannu naavu baalyadalle kaledukollutteve. Doddavaraadante adu bhayavaagi parinamisutte enisuttade. I was faced with situations which i had never envisaged before. And i had no one to help me out. This forced me to think for myself and find my own solutions. And believe me the whole experience left me with a sense of elation. May be i was breaking the bonds i had imposed on myself for so long. Monne DVG yavara essay oduttidde. Avara ondu suggestion bahala ishta vaayitu. That to develop an overall personality people need to travel to different countries and read up on their histories. From my personal experience i can say - this is very true.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಸಾಧ್ಯವಾದಷ್ಟೂ ಕನ್ನಡದಲ್ಲಿ ಬರೆಯಿರಿ. ಕನ್ನಡದಲ್ಲಿ ಬರವಣಿಗೆ ಉತ್ತೇಜಿಸುವುದಕ್ಕೆ ಹುಟ್ಟು ಹಾಕಿರುವಂತದ್ದು ಈ ಪ್ರಾಜೆಕ್ಟ್. ಆಂಗ್ಲದಲ್ಲಿ ಬರೆದ ಕಾಮೆಂಟುಗಳಿಗೆ ಕತ್ತರಿ ಬೀಳುವುದು. ಕನ್ನಡದಲ್ಲಿ ಹೇಗೆ ಟೈಪ್ ಮಾಡುವುದು ಎಂಬುದರ ಬಗ್ಗೆ ಮಾಹಿತಿ ಬೇಕಿದ್ದರೆ [:FAQ|FAQ] ಓದಿ. -- "ಹೊಸ ಚಿಗುರು, ಹಳೆ ಬೇರು"
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಇನ್ನು ಮೇಲೆ ಕನ್ನಡದಲ್ಲೆ ಬರೆಯುತ್ತೇನೆ. :D
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.