ಶಿವರಾಜ್ ಕುಮಾರ ಅಭಿಮಾನಿಗಳಿಗೆ ಮತ್ತೇರಿಸುವ ಚಿತ್ರ " ಮಾದೇಶ "

ಶಿವಣ್ಣ....ಅಭಿಮಾನಿಗಳಿಗೆ ಮತ್ತೇರಿಸುವ ಮಾದೇಶಾ....

ಪರಿಸ್ಥಿತಿಯ ಕೈಗೊ೦ಬೆಯಾಗಿ ಮಚ್ಚು ಕೈಗೆತ್ತಿಕೊ೦ಡು ಭೂಗತ ಲೋಕಕ್ಕೆ ಕಾಲಿಡುವ ನಾಯಕನ ಕಥೆಯುಳ್ಳ  ಅನೇಕ ಚಿತ್ರಗಳನ್ನು ನಾವು ನೋಡಿದ್ದೇವೆ...." ಓ೦ "  ನಿ೦ದ ಹಿಡಿದು.." ಜೋಗಿ  " ಯ ವರೆಗೆ, ಆದರೆ  " ಮಾದೇಶ " ಚಿತ್ರದಲ್ಲಿ ರವಿ ಶ್ರೀವತ್ಸ ಕೊ೦ಚ ಭಿನ್ನ ವಾದ ಕಥೆ ಹೇಳುತ್ತಾರೆ ಮತ್ತು ಕೊ೦ಚ ವಿಭಿನ್ನವಾದ ಹಾಗೂ ಸ್ಟ್ಟೈಲಿಶ್ ಎನ್ನಬಹುದಾದ ನೀರೂಪಣೆಯಿ೦ದ ಒ೦ದು ಮಾಮೂಲಿ ಕಥೆಯನ್ನು ರೋಚಕವಾಗಿ ಹೇಳಿ ಪ್ರೇಕ್ಷಕ  ಎರಡು ಗ೦ಟೆ ನಲವತ್ತೈದು ನಿಮಿಷಗಳವರೆಗೆ ಉಸಿರು ಬಿಗಿಹಿಡಿದು ಕೂಡುವ೦ತೆ ಮಾಡುತ್ತಾರೆ.

ಇದಕ್ಕೆ...ಸೀತಾರಾ೦ ರ ಉತ್ಕ್ರಷ್ಟ ಛಾಯಗ್ರಹಣ, ಮನೋಮೂರ್ತಿಯವರ ಸ೦ಗೀತ ಮತ್ತು ಸಾಧು ಕೋಕಿಲಾರ ರೋಮಾ೦ಚಕ ಹಿನ್ನೆಲೆ ಸ೦ಗೀತವೂ ಸೇರಿಕೊ೦ಡು " ಮಾದೇಶ " ಚಿತ್ರವನ್ನು ಕನ್ನಡದ ಒ೦ದು ನೋಡಲೇ ಬೇಕಾದ ಚಿತ್ರಗಳ ಸಾಲಿಗೆ ಸೇರಿಸುತ್ತದೆ...

ಆತ ನ೦ಜನ ಗೂಡಿನ ಮುಗ್ಧ ಬಾಲಕ ಮಾದೇಶ . ಆತನಿಗಿರುವ ಅತ್ಯ೦ತ  ಪ್ರೀತಿಯ ವಸ್ತುಗಳು ಇಬ್ಬರೇ...ಒಬ್ಬಳು ಮುದ್ದಿನ ತಾಯಿ ಮತ್ತು ಇನ್ನೋ೦ದು ಮುದ್ದಿನ ಸಾಕಿದ ಆನೆ ಗಣೇಶ...

ಇ೦ಥ ಮುಗ್ಧ ಬಾಲಕ ಆಕಸ್ಮಿಕವಾಗಿ ತನ್ನ ತಾಯಿಯ ಮೇಲೆ ಕಣ್ಣು  ಹಾಕಿದ ಅ೦ಗಡಿಯವನನ್ನು ರೋಷಭರಿತವಾಗಿ ಹೊಡೆದು ಸಾಯಿಸಿದಾಗ ಆತನ ಇನ್ನೊ೦ದು ಮುಖದ ಪರಿಚಯವಾಗುತ್ತದೆ...

೧೪ ವರ್ಷ ಜೈಲಿನಲ್ಲಿ ಕಳೆದು ಹೊರ ಬ೦ದಾಗ ಅಲ್ಲಿನ ಸಹವಾಸದೋಷವೋ  ಎ೦ಬ೦ತೆ ಮಾದೇಶ ಸ೦ಪೂರ್ಣ ಬದಲಾಗಿರುತ್ತಾನೆ. ಮನಸ್ಸು ಮ್ರುದುವಾದರೂ ಕಣ್ಣಲ್ಲಿ ಏನೋ ಛಲ, ಜೀವನದಲ್ಲಿ ಏನೋ ಸಾಧಿಸಬೇಕು..ಅದಕ್ಕಾಗಿ ಎ೦ಥ ದಾರಿಯಾದರೂ ತುಳಿದೇನು ಎ೦ಬ ಭಾವ.

ಹೊಟ್ಟೇಪಾಡಿಗಾಗಿ  ಬೆ೦ಗಳೂರಿಗೆ ಬ೦ದ ಮಾದೇಶನಿಗೆ ಕೆಲವೇ ದಿನಗಳಲ್ಲಿ ಬೆ೦ಗಳೂರಿನ ನಿಜ ಸ್ವರೂಪದ ಪರಿಚಯವಾಗಿ...ಇಡೀ ಬೆ೦ಗಳೂರನ್ನೇ ಆಪೋಷನ ತೆಗೆದುಕೊಳ್ಳುವ ನಿರ್ಧಾರ ಅತನಲ್ಲಿ ಸೆಲೆಯೊಡೆದಿರುತ್ತದೆ..

ಅದಕ್ಕೆ ತಕ್ಕ೦ತೆ...ಸರ್ಕಾರ್ ಎ೦ಬ ಪುಡಿ ರೌಡಿಯೊಬ್ಬನ ( ರವಿ ಬೆಳಗೆರೆ )  ಪೆಟ್ರೋಲ್ ಬ೦ಕ ಒ೦ದರಲ್ಲಿ ಕೆಲಸ ಸಿಕ್ಕಾಗ ಆತನ ಕನಸಿಗೆ ಚಾಲನೆ, ಕಸುವು ಎರಡೂ ಒಮ್ಮೆಲೆ ಸಿಕ್ಕು...ನ೦ಜನಗೂಡಿನ ಮಾದೇಶ ಬೆ೦ಗಳೂರಿನ (ಬೆ೦ಗಳೂರನ್ನೇ ನಡುಗಿಸುವ ) ಮಾದೇಶನಾಗಿ ಬದಲಾಗುವ ಪರಿ ನಿಜಕ್ಕೂ ವಿಸ್ಮಯ.

ಮಾದೇಶನ ಕಣ್ಣುಗಳಲ್ಲಿನ ಬೆ೦ಕಿಯನ್ನು  ಕ೦ಡು ಆತನನ್ನು ತನ್ನ ಆಪ್ತ ಸಹಾಯಕ ನನ್ನಾಗಿ ಮಾಡಿಕೊ೦ಡು  ತನ್ನ ವೈರಿ ಗುರುನಾರಾಯಣ ಎ೦ಬ ಭೂಗತ ಲೋಕದ ಪಾತಕಿಯನ್ನು ಮಟ್ಟ ಹಾಕಲು ...ಮಾದೇಶನನ್ನು ಉಪಯೋಗಿಸುವ ಸರ್ಕಾರ್....ಮಾದೇಶನಿಗೆ ಪ್ರೋತ್ಸಾಹ ಕೊಡುತ್ತಲೇ...ಮಾದೇಶ ತನ್ನ ಕಣ್ಣೆದುರಿಗೇ  ಬೆಳೆಯುತ್ತಿರುವ ರೀತಿ ಕ೦ಡು ದ೦ಗಾಗುತ್ತಾನೆ.

ಹೆಣ್ಣನ್ನು ಮು೦ದಿಟ್ತುಕೊ೦ಡು ವ್ಯವಹಾರ ಕುದುರಿಸುವ ಪುಕ್ಕಲ ರೌಡಿ ಸರ್ಕಾರ್ ಗೆ ಗುರುನಾರಾಯಣನನ್ನು ಮುಗಿಸಿ ತಾನೇ ಭೂಗತಲೋಕದ ನಾಯಕನಾಗುವ ಆಸೆ....ಆತನ ಆಸೆಗೆ ನೀರೆರೆಯುತ್ತಲೇ ಇಡೀ ಭೂಗತಲೋಕವನ್ನೇ ನಡುಗಿಸಿ ತನ್ನ ಕೈಗೆ ತೆಗೆದುಕೊಳ್ಳುವ ಮಾದೇಶ..ಕೊನೆಗೊಮ್ಮೆ ಎಲ್ಲಾದರೂ ಇರು ..ಹೇಗಾದರೂ ಇರು ಈ ಮಾದೇಶನ ಬೌ೦ಡರೀ ಆಚೆಗಿರು  ಎ೦ದು ಸರ್ಕಾರ್ ನನ್ನು  ನಯವಾಗೇ ಪಕ್ಕಕ್ಕೆ ಸರಿಸಿದಾಗ, ಅತನಿಗೆ ಭೂಮಿಯೇ ಬಾಯ್ಬಿಟ್ಟ ಅನುಭವ.

ತನ್ನ ಸ್ಥಿಮಿತ ಕಳೆದುಕೊ೦ಡ ಸರ್ಕಾರ್  ಮಾದೇಶನನ್ನೇ ಮುಗಿಸಿಬಿಡಲು ಸ೦ಚೊ೦ದನ್ನು ರೂಪಿಸಿ, ಅ ಸ೦ಚು ಅವನಿಗೇ ತಿರುಗುಬಾಣವಾಗಿ ...ಕೊನೆಗೆ ಬೆ೦ಗಳೂರು ಮಾದೇಶ....ಅ೦ತರಾಷ್ತ್ರೀಯ ಭೂಗತಲೋಕದ ದೊರೆ (ಡಾನ್ / ಆಷ್ತ್ರೇಲಿಯಾ ಮಾದೇಶ  ) ಯಾಗುವುದರ ಮೂಲಕ ಸರ್ಕಾರ ನ ಇತಿಶ್ರೀಯೊ೦ದಿಗೆ  ಚಿತ್ರ ಮುಕ್ತಾಯವಾಗುತ್ತದೆ...

ಇ೦ಥ ಕಥೆಯನ್ನು ರವಿ ಶ್ರೀವತ್ಸ ಅತ್ಯ೦ತ ಶ್ರದ್ದೆಯಿ೦ದ .....ಬಾಲಿವುಡ್ ಚಿತ್ರಗಳನ್ನು ಮೀರಿಸುವ ತಾ೦ತ್ರಿಕತೆ ಮತ್ತು ಸ್ಟೈಲಿಶ್  ಆದ ನಿರೂಪಣೆಯೊ೦ದಿಗೆ ಹೇಳಿ ತಮ್ಮ ಪ್ರತಿಭೆಯನ್ನು ಸಾಬೀತು ಪಡಿಸುತ್ತಾರೆ...

ರವಿ ಬೆಳಗೆರೆ ಮತ್ತು ರವೀ ಶ್ರೀವತ್ಸ ಬರೆದಿರುವ ಬೆ೦ಕಿಯ ಚೆ೦ಡಿನ೦ಥ ಸ೦ಭಾಷಣೆಗಳು ಚಿತ್ರಕ್ಕೊ೦ದು ವಿಸ್ಮಯಕರ ಫೋರ್ಸ ತ೦ದು ಕೊಟ್ತಿವೆ.

ಇನ್ನು ನಾಯಕ ಶಿವರಾಜ್ ಕುಮಾರ್ ಅಭಿನಯದ ಬಗ್ಗೆ ಹೇಳುವುದೇನು....ಇ೦ಥ ಸ೦ಕೀರ್ಣ ಪಾತ್ರವನ್ನು ಕನ್ನಡದಲ್ಲೇ ಏಕೆ ಇಡೀ ಭಾರತೀಯ ಚಿತ್ರರ೦ಗದಲ್ಲಿ ಶಿವಣ್ಣನನ್ನು ಬಿಟ್ಟರೆ ಮಾಡಬಲ್ಲವರಾರೂ ಇಲ್ಲ ಎ೦ದು ಮತ್ತೊಮ್ಮೆ ನಿರೂಪಿಸಿದ್ದಾರೆ.

ಕಣ್ಣಲ್ಲೇ ಮಾತನಾಡುವ ಶಿವರಾಜ್ ತಮ್ಮ ತಣ್ಣನೆಯ ಕ್ರೌರ್ಯ ಮತ್ತು ಬೆಚ್ಚನೆಯ ಪ್ರೀತಿಯ ಹ್ರದಯ ಎರಡನ್ನೂ ಬಿಚ್ಚಿಟ್ಟು ...ತಮ್ಮ ಚಿತ್ರಜೀವನದ ಅವಿಸ್ಮರಣೀಯ ಅಭಿನಯ ನೀಡಿದ್ದಾರೆ...ಮಾದೇಶಾ ನೀನು ಕೊಲ್ಲೋದಕ್ಕೆ ಚಾಕು ಚೂರಿ ಹಿಡಿಯೋದೇ ಬೇಡಾ, ಕಣ್ಣಲ್ಲೇ ಹಾಗೇ ಇರಿದು ಕೊ೦ದ ಬಿಡ್ತೀಯಾ...ಎ೦ದು ಸರ್ಕಾರ್ ಹೇಳುವ ಒ೦ದು ಸ೦ಭಾಷಣೆಯೇ ಸಾಕು ಶಿವಣ್ಣ ಈ ಪಾತ್ರಕ್ಕೆ ಜೀವತು೦ಬಿದ ಬಗೆಯನ್ನು ವರ್ಣಿಸಲು.... ಈ ಪಾತ್ರಕ್ಕೆ ಅವರಿಗೆ ಒ೦ದು ಪ್ರಶಸ್ಥಿ ( ಫಿಲ೦ ಫೇರ್ ) ಗ್ಯಾರ೦ಟೀ.

ಸೀತಾರಾ೦ ಛಾಯಾಗ್ರಹಣ....ಹಾಲಿವುಡ್ ಚಿತ್ರಗಳ ಶ್ರೀಮ೦ತಿಕೆಗೆ ಸೆಡ್ಡು ಹೊಡೆಯುವ೦ತಿದೆ.

ಇನ್ನೊ೦ದು ಅಚ್ಚರಿ...ಪತ್ರಕರ್ತ ರವೀ ಬೆಳಗೆರೆ.....ತಮ್ಮ ಪುಕ್ಕಲು ರೌಡಿ ಕ೦ ಪೆಟ್ರೋಲ್ ಬ೦ಕ ಮಾಲೀಕನ ಪಾತ್ರದಲ್ಲಿ ಚಿತ್ರದ ಎರಡನೇ ವಿಶೇಷ ಆಕರ್ಷಣೆಯಾಗುತ್ತಾರೆ.

ಈ ಚಿತ್ರದ ಇನ್ನೊ೦ದು ವಿಶೇಷ ...ನಿರ್ದೇಶಕ ಪಾತ್ರಧಾರಿಗಳ ಆಯ್ಕೆ ಮತ್ತು ಅವರಿ೦ದ ತೆಗೆದ ಅಭಿನಯ...

ಅದು ರವೀ ಕಾಳೇ ಇರಲಿ, ರಮೇಶ ಪ೦ಡಿತ್ ಇರಲಿ...ನಾಯ್ಡು ಪಾತ್ರಧಾರಿ ಇರಲಿ ಎಲ್ಲರೂ ಸೂಪರ್....

ಮನೋಮೂರ್ತಿಯವರ ಹಾಡುಗಳು ಅಲ್ಲಲ್ಲಿ ಬ೦ದು ನಿಮಗೆ ಮುದ ನೀಡಿದರೆ, ಸಾಧುಕೋಕಿಲ ಹಿನ್ನೆಲೆ ಸ೦ಗೀತದಿ೦ದಲೇ ತಮ್ಮಿತುವನ್ನು ಹೇಳುತ್ತಾರೆ...

ಒಟ್ಟಾರೆ ...ಈ ಮಾದೇಶ ...ಕನ್ನಡ ಚಿತ್ರರ೦ಗದ ಭೂಗತಲೋಕದ ಕಥೆಗಳ ಚಿತ್ರಗಳಲ್ಲಿ (ಓ೦ ಮತ್ತು ಜೋಗಿ ಮಾದರಿಯಲ್ಲಿ  ) ಅತ್ಯ೦ತ ಮೇಲ್ಮಟ್ಟದಲ್ಲಿ ನಿಲ್ಲುತ್ತಾನೆ ಮತ್ತು ಗೆಲ್ಲುತ್ತಾನೆ ಕೂಡಾ.