ಬಾಳಬುತ್ತಿ
ನೆನ್ನೆ ಕಳೆದಿದೆ ನಾಳೆ ಬರಲಿದೆ
ಇಂದು ನಿನ್ನದಾಗಿದೆ ಎಂಬ ಮಾತುಗಳು
ಆಗಿವೆಯೇ ಅರ್ಥಹೀನ ತತ್ವಗಳು
ಹಿಡಿತಕೂ ಸಿಗದೆ ಓಡುತಿರಲು ದಿನಗಳು
ಏನನು ಹಿಡಿಯಲು ಹಾರುತಿಹೆವು
ಯಾರ ಕಾಣಲು ಓಡುತಿಹೆವು
ಕೂಡಿ ಕಳೆದು ಗುಣಿಸಿ ಭಾಗಿಸಿ
ಯಾವ ಲೆಖ್ಖದುತ್ತರ ಹುಡುಕುತಿಹೆವು
ಸುಂದರ ನಾಳೆಗಳ ಕನಸಿನಲಿ
ಇಂದೆಂಬ ನೆನ್ನೆಯ ಕನಸು ಕಮರಿತೇ
ನಾಳೆಯಡುಗೆಯ ಚಿಂತೆಯಲಿ
ಇಂದಿನೂಟದ ರುಚಿ ಹಳಸಿತೇ
ಇಂದಿಗೆ ನೆನ್ನೆಯ ನೆನಪು
ಇಂದು ನಾಳೆಯ ನೆನಪು
ಯಾವ ನೆನ್ನೆಯವರೆಗೀ ನೆನಪು
ಎಲ್ಲಿಯ ನಾಳೆಯವರೆಗೀ ನೆನಪು
ಭವ್ಯ ಭವಿಷ್ಯತ್ತಿಗಾಗಿ ಕೂಡಿಡುತಿಹೆವು
ಇಂದನ್ನು ನೆನಪುಗಳ ಬುತ್ತಿಗಳಲಿ
ದೊರಕುವುದೆಂತು ಸಮಯ ಸವಿಯಲದನು
ಓಡುತಿರಲು ಕಾಣದ ಕೊನೆ ತಲುಪಲು
- ವಿನುತ
Rating
Comments
ಉ: ಬಾಳಬುತ್ತಿ
In reply to ಉ: ಬಾಳಬುತ್ತಿ by msudan86
ಉ: ಬಾಳಬುತ್ತಿ
ಉ: ಬಾಳಬುತ್ತಿ
In reply to ಉ: ಬಾಳಬುತ್ತಿ by umeshhubliwala
ಉ: ಬಾಳಬುತ್ತಿ
ಉ: ಬಾಳಬುತ್ತಿ
In reply to ಉ: ಬಾಳಬುತ್ತಿ by bhavanilokesh mandya
ಉ: ಬಾಳಬುತ್ತಿ
ಉ: ಬಾಳಬುತ್ತಿ
In reply to ಉ: ಬಾಳಬುತ್ತಿ by Seetharmorab
ಉ: ಬಾಳಬುತ್ತಿ