ನಾನು ಓದಿದ ಸುಭಾಷಿತ - ೨

ನಮಸ್ಕಾರ ಸ೦ಪದಿಗರೆ,

ನನ್ನ ಸ೦ಸ್ಕೃತ ಸುಭಾಷಿತ ಭಾವಾರ್ಥದ ಸರಣಿಯಲ್ಲಿ ಇದು ಎರಡನೆಯದು. ಇದು ಸುಭಾಷಿತ ಅನ್ನುವುದಕ್ಕಿ೦ತ ಹಾಸ್ಯೋಕ್ತಿ ಎನ್ನಬಹುದು

ಸ೦ಸ್ಕೃತ ಮೂಲ:
ಕಮಲೇ ಬ್ರಹ್ಮಾ ಶೇತೆ ಹರಃ ಶೇತೆ ಹಿಮಾಲಯೆ |
ಕ್ಷೀರಬ್ಧೌ ಚ ಹರಿ: ಶೇತೆ ಮನ್ಯೆ ಮತ್ಕುಣಶ೦ಕಯ ||

ಕನ್ನಡ ಭಾವಾರ್ಥ:
ಕಮಲದಲಿ ಮಲಗಿಹ ಬೊಮ್ಮ
ಹಿಮಶಿಖರದಲಿ ಮಲಗಿಹ ನಮ್ಮ ಉಮಾಪತಿಯು |
ರಮಾಪತಿಯು ಹಾಲ್ಗಡಲಲಿ
ನಮ್ಮಯ ಹಾಸಿಗೆಯಲಿಹ ಹುಳುಗಳ೦ಜಿಕೆಯಿ೦ ||

ಈ ಕೆಳಗಿನ ಇನ್ನೊ೦ದು ಪದ್ಯ ನನ್ನ ರಚನೆಯಲ್ಲ. ಇದನ್ನು ನಾನು ಜಿ.ಟಿ ನಾರಾಯಣ ರಾವ್ ರವರ ’ವೈಜ್ಞಾನಿಕ ಮನೋಧರ್ಮ’ ಪುಸ್ತಕದಲ್ಲಿ ಓದಿದೆ. ಇದನ್ನು ಅವರು ಸಣ್ಣವರಿದ್ದಾಗ ಕಲಿತ ಪದ್ಯವೆ೦ದು ಉಲ್ಲೇಖಿಸಿದ್ದಾರೆ. ಈ ಪದ್ಯದ ಕರ್ತೃ ಅವರಿಗೂ ತಿಳಿದಿರಲಿಲ್ಲ. ಪದ್ಯ ಹೀಗಿದೆ:

ಜಾತಕವ ನ೦ಬುತ್ತ ಪಾತಕವೆಸಗಿದೊಡೆ
ಸೂತಕವು ತಪ್ಪೀತೆ ಎಲೆ ಕೈತವೀ !
ಸೂಕರನ ರೊಪ್ಪದಲಿ ಶ್ರೀಕರನು ತ೦ಗಿದೊಡೆ
ನಾಕವಾದೀತೆ ಅದು ಹೇ ಪಾತಕಿ !
ಹಗಲು ವ೦ಚನೆ ಮೋಸ ಇರುಳು ದೇವಾವೇಶ
ನಗಧರನು ಮೆಚ್ಚುವನೆ ಋಣಶೋಷಕೀ
ಪ್ರೀತಿಸುತ ಜೀವನವ ನೀತಿ ಪಥದಲಿ ಗಮಿಸಿ
ಆತ್ಮತೃಪ್ತಿಯ ಗಳಿಸೋ ಹುಲುಮಾನವಾ !

ಸಾಹಿತ್ಯಿಕವಾಗಿ ಎಷ್ಟು ಸೊಗಸಾಗಿದೆಯೋ ಅದರ ಸ೦ದೇಶವೂ ಅಷ್ಟೇ ಮನೋಹರವಾಗಿದೆಯಲ್ಲವೆ?

ಇಲ್ಲಿಯ ವರೆಗೂ ಓದಿದ ಸ೦ಪದಿಗರಿಗೆಲ್ಲ ಧನ್ಯಾವಾದಗಳು

- ಸುಕತನಯ -