ಮಗದೊಂದಿಷ್ಟು ತರಲೆ ಕವನಗಳು!

ಸಮಾನಾಭಿರುಚಿ

ನನಗೆ ಈ ಗಂಡಸರನ್ನು ಕಂಡರೆ ಆಗೋಲ್ಲ

ಪಾಷಾಣ ಹೃದಯಿಗಳು ಎಂದಳು ಹುಡುಗಿ

ನನಗೂ ಹೆಂಗಸರನ್ನು ಕಂಡರೆ ಹಿಡಿಸೋಲ್ಲ

ಕರುಣೆಯಿಲ್ಲದ ಕಲ್ಲುಗಳು ಎಂದ ಹುಡುಗ

ಅರೆ! ನಮ್ಮಿಬ್ಬರದು ಸಮಾನಾಭಿರುಚಿ!

ತಡ ಯಾಕೆ? ಆಗೋಣ ಈಗಲೇ ಜೋಡಿ!

ಸ್ವರ್ಗೀಯ ಗಾನ

ರಿ! ನನ್ನ ಹಾಡನ್ನು ಕೇಳಿ ನಮ್ಮ ಮಹಿಳಾ ಸಂಘದ ಅಧ್ಯಕ್ಷಿಣಿ

ನನ್ನದು ಸ್ವರ್ಗೀಯ ಗಾನ ಎಂದು ಹೊಗಳಿದರು!

ಹೌದು ಕಣೇ! ಅನುಮಾನವೇ ಇಲ್ಲ! ನೀನು ಅಲ್ಲಿರಲೇ ಲಾಯಕ್ಕು

ಎಂದು ಗಂಡ ಮುಗುಮ್ಮಾಗಿ ಉತ್ತರಿಸಿದನು!!

ನೋ ಬಾರ್!

ದೇವದಾಸ ಕನ್ಯೆ ಬೇಕೆಂದು ನೀಡಿದ ಜಾಹೀರಾತು

ಏಜ್ ನೋ ಬಾರ್! ಕ್ಯಾಸ್ಟ್ ನೋ ಬಾರ್!

ಸ್ಟೇಟ್ ನೋ ಬಾರ್! ಕಲರ್ ನೋಬಾರ್!

ಆದರೆ ಹುಡುಗಿ ಅಪ್ಪ, ವುಡ್ ಬಿ ಫಾದರ್ ಇನ್ ಲಾ

ಶುಡ್ ಓನ್ ಅಟ್ ಲೀಸ್ಟ್ ಒನ್ ಬಾರ್!

ಬಾರ್ ಇರುವುದೇ ನಮಗಾಗಿ

ಬ್ರಾಂಡ್ ಇರುವುದೇ ನಮಗಾಗಿ

ಬ್ರಾಂದಿ ಬೇಕೆ? ವಿಸ್ಕಿ ಬೇಕೆ?

ಕುಡಿಯಿರಿ ಎಲ್ಲಾ ಹಾಯಾಗಿ

ಒಂದೇ ಬಾರಿನ ಕುಡುಕರು ನಾವು

ಸೋದರರಂತೆ ನಾವೆಲ್ಲ! 

ದೇವರ ಆಣೆ ನಿಮ್ಮನ್ನು ಬಿಟ್ಟು

ಎಂದಿಗೂ ಕುಡಿಯೋಲ್ಲ!!!

ಬಾ...ರ್ ಇಇಇರು..ವು..ದೇ ನಿಮ್..ಮಗಾ..ಗಿ!!!

ಅಕಟಕಟಾ!

ಅಕಟಕಟ! ಯಾವ ಆಸ್ಪತ್ರೆಯಲ್ಲಿ

ನಾನು ಆಗಿರುವೆನೋ ಡಾಕ್ಟರ್!

ಅಲ್ಲಿಯೇ ಕೆಲಸ ಮಾಡುತಿಹಳು

ನರ್ಸ್ ಆಗಿ ನನ್ನ ಹಾಫ್ ಬೆಟರ್!

ಏನು ದುರದೃಷ್ಟವಯ್ಯ ನನ್ನದು

ಹೆಂಡತಿಯನ್ನು ಕರೆಯಬೇಕಾಗಿದೆ

ಎಲ್ಲರ ಮುಂದೆ ಸಿಸ್ಟರ್..ಸಿಸ್ಟರ್!!

 -------- 

-ನಾಸೋ

www.yakshaprashne.org

http://1.bp.blogspot.com/_T3vO7zzx7CU/RvPuBJV7r6I/AAAAAAAAB2g/wOhOCGF8Jhw/s400/b1.jpg