ಕಣ್ಣು: ಪದ ಹಳತು, ಬಳಕೆ ಹೊಸತು

0
ಕನ್ನಡದಲ್ಲಿ ಪದಗಳನ್ನು ಸೇರಿಸಿ ಹೊಸಪದಗಳನ್ನು ಸೃಷ್ಟಿಮಾಡಿಕೊಳ್ಳುತ್ತೇವೆ. ಈಗೀಗ ಇಂಥ ಸಾಮರ್ಥ್ಯ ಭಾಷೆಗೆ ಕಡಮೆಯಾಗುತ್ತಿದೆಯೋ ಎಂಬ ಅನುಮಾನ ಕೆಲವರಲ್ಲಿಯಾದರೂ ಮೂಡಿದೆ. ಈ ಕಾಲಮ್ಮಿನಲ್ಲಿ ಕನ್ನಡದಲ್ಲಿ ಬಳಕೆಯಲ್ಲಿದ್ದ, ಈಗಿನ ಬರವಣಿಗೆಯಲ್ಲಿ ಕಾಣದಾಗಿರುವ ಕೆಲವು ಪದಗಳನ್ನು ನಿಮ್ಮ ಗಮನಕ್ಕೆ ತರುವ, ಆ ಮೂಲಕ ಮತ್ತೆ ಚಾಲ್ತಿಗೆ ತರುವ ಪ್ರಯತ್ನ. ಬೇರೆ ಬೇರೆ ಸಂದರ್ಭದ ಬರವಣಿಗೆಯಲ್ಲಿ ಬಳಸಬಹುದಾದ ಇಂಥ ಪದಗಳನ್ನು ನೀವೂ ಸೂಚಿಸಿ. ಸದ್ಯಕ್ಕೆ ಕಣ್ಣು ನನ್ನ ಆಸಕ್ತಿಯ ಪದ. ಕಣ್ಣು ಎಂಬುದರೊಡನೆ ಸೇರಿ ಸುಮಾರು ನೂರಕ್ಕೂ ಹೆಚ್ಚು ನುಡಿಬಳಕೆಗಳು ಕನ್ನಡದಲ್ಲಿವೆ. ಕಣ್ಗಾಣು (ಕಣ್+ಕಾಣ್) = ಮನಗಾಣು ಎಂಬುದಕ್ಕೆ ವಿರುದ್ಧವಾಗಿ ಕೇವಲ ಕಣ್ಣಿಂದ ಮಾತ್ರ, ನೋಟದಿಂದ ಮಾತ್ರ ಅರಿಯುವುದು. ಮನಗಾಣುವುದು ಅನುಭವದ ಸತ್ಯ, ಕಣ್ಗಾಣುವುದು ಕೇವಲ ತೋರಿಕೆಯ ಸತ್ಯ. ಉದಾ: ಅವನ ಪ್ರೀತಿಯನ್ನು ಮನಗಂಡೆ ಎಂದುಕೊಂಡಳು. ಆದರೆ ಅವನ ಪ್ರೀತಿ ಕೇವಲ ಕಣ್ಗಾಣುವ ಪ್ರೀತಿ. ಕಣ್ಚಲ್ಲ = ಸರಸಾಲೋಕನ. ಕಣ್ಣಿನಲ್ಲಿ ತೋರುವ ಮುಗುಳು ನಗು. ಉದಾ. ಹುಡುಗಿಯರ ಕಣ್ಚಲ್ಲಾಟಕ್ಕೆ ಮರುಳಾಗದವರು ಯಾರು? ಕಣ್ಗಿಚ್ಚು = ಕೋಪ ತುಂಬಿದ ದೃಷ್ಟಿ. ಕಣ್ಣಿನಲ್ಲಿ ಕಿಡಿ ಸುರಿಸಿದ ಎಂಬ ಮಾತು ಕೇಳಿಲ್ಲವೆ, ಅದರಂಥದು, ಆದರೆ ಹೊಸತು ಅನ್ನಿಸೀತು. ಉದಾ. ಅಪ್ಪನ ಕಣ್ಗಿಚ್ಚಿಗೆ ಮನೆಯೆಲ್ಲ ಸುಟ್ಟುಹೋಗುತ್ತದೆ ಅನಿಸಿತು.
‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಪ್ರತಿಕ್ರಿಯೆಗಳು

ಸ್ವಾಮಿ, ನೀವು ತುಂಬ ಕಷ್ಟ ಪಟ್ಟು ಕಳೆದು ಹೋದ ಪದ ಹುಡುಕುತ್ತಿದ್ದೀರಾ. ಆದರೆ ನಿಮ್ಮ ಕಣ್ಣ ಮುಂದೆಯೇ ಕಳೆದು ಹೋಗಿರುವ ಮತ್ತು ಕಳೆದು ಹೋಗುತ್ತಿರುವ ಪದಗಳನ್ನು ನೀವು ಗಮಿನಿಸಿಲ್ಲ. ಅವುಗಳಿಗೆ ಉದಾಹರಣೆ - ಅಪ್ಪ, ಅಮ್ಮ, ಅಣ್ಣ, ಅಕ್ಕ, ತಮ್ಮ, ತಂಗಿ, ಅತ್ತೆ, ಮಾವ, ಚಿಕ್ಕಮ್ಮ, ಚಿಕ್ಕಪ್ಪ, ಇತ್ಯಾದಿ. ಇವುಗಳ ಸ್ಥಾನವನ್ನು ಡ್ಯಾಡಿ, ಮಮ್ಮಿ, ಬ್ರದರ್, ಸಿಸ್ಟರ್, ಅಂಕಲ್, ಆಂಟಿಗಳು ಆಕ್ರಮಿಸಿದ್ದಾರೆ. ಏನಂತೀರಾ? ಸಿಗೋಣ, ಪವನಜ
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಸರಿ ಪವನಜ ಅವರೆ. ಅಪ್ಪ ಅಮ್ಮ ಇತ್ಯಾದಿ ಸಂಬಂಧಗಳೇ ಕಳೆದುಹೋಗಿರುವಾಗ ಸಂಬಂಧಗಳನ್ನು ಸೂಚಿಸುವ ಬಡಪಾಯಿ ಪದಗಳು ಉಳಿಯುತ್ತವೆಯೇ! ನಮ್ಮ ಸಂಬಂಧಗಳನ್ನೆಲ್ಲ ಇಂಗ್ಲಿಷಿನಲ್ಲಿ ಹೇಳುತ್ತಿರುವುದು ನಮ್ಮ ಸಂಬಂಧಗಳೆಲ್ಲ ಬದಲಾಗಬಾರದ ರೀತಿಯಲ್ಲಿ ಬದಲಾಗಿರುವುದರ ದ್ಯೋತಕವಷ್ಟೆ. ಈ ಅಪರೂಪವಾಗುತ್ತಿರುವ ಬಳಕೆಯನ್ನು ಎತ್ತಿ ತೋರಿಸುವ ಉದ್ದೇಶ ಕನ್ನಡವನ್ನು ಕ್ರಿಯೇಟಿವ್ ಆಗಿ ಬಳಸುವ ಎಳೆಯರ ಬುದ್ಧಿ ಮನಸ್ಸುಗಳನ್ನು ಕೆಣಕುವುದು ಅಷ್ಟೆ. ನಾಗಭೂಷಣ
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಈ ಪದ ಕಣ್ಮರೆಯಾಗಿಲ್ಲ ಆದರೆ ಬಳಸುವುದು ಕಡಿಮೆಯಾಗಿದೆ, ಯಾಕೆ ಅಂದ್ರೆ ಅದಕ್ಕಿಂತಾ cheap ಆಗಿ 'mostly' ಅನ್ನೊ ಶಬ್ದ ಬಂದಿದೀಯಲ್ಲ ಅದಕ್ಕೆ! (ತುಟ್ಟಿ ಅನ್ನೋ ಪದದ ಬಳಕೆ ಕೂಡ ಕಡಿಮೆಯಾಗಿದೆ, ಬಹುಶಃ ಇದೇ ಕಾರಣಕ್ಕಿರಬೇಕು) ಇಂತಿ, ಶ್ಯಾಮ ಕಶ್ಯಪ ಇರುವುದೆಲ್ಲವ ಬಿಟ್ಟು, ಇರದುದದೆಡೆಗೆ ತುಡಿವುದೇ ಜೀವನ
ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಇದಕ್ಕೆ ಸ್ವಲ್ಪ ’ಹೆಚ್ಚುಕಡಿಮೆ’ ಮಾಡ್ಕೊಳ್ಳಿ ಸಾಮಿ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಹಾಗೆಲ್ಲ ಪರಿತಪಿಸಿ ’ಕಂಗೆಡ’ಬೇಡಿ ಸಾಮಿ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಕಡೆಗಣ್ಣೋಟ ಮತ್ತು ವಾರೆನೋಟ/ಓರೆನೋಟ ಅಂದರೆ ಕಡೆಗಣಿಸಿದ ನೋಟವೇ? ಓರೆಗಣ್ಣವಳ ನೋಟವೇ? ಓರಗಿತ್ತಿಯರ ಪರಸ್ಪರ ಸಿಟ್ಟಿನ ನೋಟವೇ? ಬಿಡಿಸಿ ಹೇೞಿ ಸಾಮಿ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಕಣ್ಣಿನ ಒಂದು ಕಡೆಯಿಂದ ( ಅಂದರೆ ನೇರವಾಗಿ ಅಲ್ಲ) ನೋಡಿದ ನೋಟ ,
ಓ(ವಾರೆ)ರೆಯಾಗಿ ನೋಡಿದ ನೋಟ

"ಕನ್ನಡದ ಪುಲ್ಲೆನಗೆ ಪರಮ ಪಾವನ ತುಳಸಿ"

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.