ಸಂಪದದ ಆತ್ಮೀಯ ಬಳಗಕ್ಕೊಂದು ಪುಟ್ಟ ಮನವಿ

ಆತ್ಮೀಯರೇ,

        ನಮಸ್ಕಾರಗಳು .ಕಳೆದ 20 ವರುಷಗಳಿಂದ ಮಳಗಿ ಎಂಬ ಪುಟ್ಟ ಹಳ್ಳಿಯಲ್ಲಿ ಶಿಕ್ಷಕನಾಗಿ ಸೇವೆ ಸಲ್ಲಿಸುತ್ತಿರುವ ನಾನು ಇಲ್ಲಿಯ ಸುತ್ತಲಿನ ಹಳ್ಳಿಯ ಶಿಕ್ಷಕರನ್ನೆಲ್ಲಾ ಕಲೆಹಾಕಿ "ಗುರುಬಳಗ" ಎಂಬ ಟೀಮ್ ಕಟ್ಟಿ  ಆ ಮೂಲಕ ಗ್ರಾಮೀಣ ಮಕ್ಕಳಿಗಾಗಿ ಉಚಿತ ರಂಗ ತರಬೇತಿ,ಬೇಸಿಗೆ ಶಿಬಿರ,ಯೋಗಾಸನ ತರಬೇತಿ,ಇಂಗ್ಲೀಷ ತರಬೇತಿ ,ಮುಂತಾದ ಹಲವಾರು ಕಾರ್ಯಕ್ರಮ ಕಳೆದ 5 ವರುಷಗಳಿಂದ ಸಂಘಟಿಸುತ್ತಾ ಬಂದಿದ್ದೇವೆ.

    ಈ ಸಲದ ಎಸ್.ಎಸ್.ಎಲ್.ಸಿ ವಿದ್ಯಾರ್ಥಿಗಳಿಗಾಗಿ "ಎಸ್.ಎಸ್.ಎಲ್.ಸಿ ನಂತರ ಮುಂದೇನು?" ಎಂಬ ಮಾಹಿತಿ ಶಿಬಿರ ಸಂಘಟಿಸುತ್ತಿದ್ದು ಈ ಮೂಲಕ 38  ಬಡ ಕುಟುಂಬದ ಜಾಣ ವಿದ್ಯಾರ್ಥಿಗಳಿಗೆ ನೆರವಾಗುವದು ನಮ್ಮ ಸದುದ್ದೇಶ. ದಯವಿಟ್ಟು  ಈ ವಿದ್ಯಾರ್ಥಿಗಳಿಗೆ "ಎಸ್.ಎಸ್.ಎಲ್.ಸಿ ನಂತರ ಮುಂದೆ ಯಾವ ಯಾವ ಹೊಸ ಆಯ್ಕೆಗಳಿವೆ ಎಂಬ ಬಗ್ಗೆ  ಹಾಗೂ ಅವರಿಗೆ ಯಾವುದಾದರೂ ಶಿಷ್ಯವೇತನ ದೊರೆಯುವ ಅವಕಾಶಗಳ ಬಗ್ಗೆ ತಮಗೆ ತಿಳಿದಿರುವ ಮಾಹಿತಿ ನೀಡಲು ಈ ಮೂಲಕ "ಗುರುಬಳಗದ" ಪರವಾಗಿ ತಮ್ಮಲ್ಲಿ ವಿನಂತಿಸುತ್ತಿದ್ದೇನೆ.

               ತಮ್ಮ ಮಾಹಿತಿಯಿಂದ ಗ್ರಾಮೀಣ ಬಡ ಪ್ರತಿಭೆಗಳಿಗೊಂದು ದಾರಿತೋರಬಹುದೆಂಬ ಹಂಬಲಿಕೆಯೊಂದಿಗೆ

                                         ತಮ್ಮವ

                         ನಾರಾಯಣ ಭಾಗ್ವತ. ಶಿಕ್ಷಕ