ಜೀವನವೆಂದರೇನು?

"ಇರುವ ಭಾಗ್ಯವ ನೆನೆದು ಬಾರೆನೆಂಬುದ ಬಿಡು ಹರುಷಕ್ಕಿದೆ ದಾರಿ" - ಡಿ.ವಿ.ಜಿ.

(ಹಾಸಿಗೆ ಇದ್ದಷ್ಟು ಕಾಲು ಚಾಚು)

"ಇರುವುದೆಲ್ಲವ ಬಿಟ್ಟು ಇರದುದರೆಡೆಗೆ ತುಡಿವುದೆ ಜೀವನ" - ಎಂ.ಗೋಪಾಲಕೃಷ್ಣ ಅಡಿಗ

(ಕಾಲು ಚಾಚಲು ಬೇಕಾಗುವಷ್ಟು ಹಾಸಿಗೆಯನ್ನು ಸಂಪಾದಿಸು)

"ಉತ್ತರಗಳ ಹುಡುಕಾಟವೇ ಜೀವನ" - ಡಾ.ರಾಜಕುಮಾರ್

(ನಿರಂತರ ಹೋರಾಟ!)

ಕ್ಷಿಪ್ರಗತಿಯಲ್ಲಿ ಬದಲಾಗುತ್ತಿರುವ ಸಾಮಾಜಿಕ ಹಾಗೂ ಸಾಹಿತ್ಯಕ ದೃಷ್ಟಿಕೋನಗಳಿಗೆ ಕನ್ನಡಿ ಹಿಡಿದಂತಿವೆ ಈ ಮೇಲಿನ ಮೂರು ಮಾತುಗಳು. ಕಳೆದ ಶತಮಾನ ಮೂರು ಪ್ರಮುಖ ಘಟ್ಟಗಳಲ್ಲಿ ಅಭಿವ್ಯಕ್ತಗೊಂಡಿರುವ ಈ ದರ್ಶನದ ಬಗ್ಗೆ ನಿಮ್ಮ ಅಭಿಪ್ರಾಯವೇನು?