ಆತ್ಮಾವಲೋಕನದ ಮಧ್ಯೆ..

ನಾನೊಬ್ಬ...ಕವಿ
ಕಣ್ಮುಚ್ಚಿದರೆ ಕಲ್ಪನಾ ವಿಲಾಸ ; ಕಣ್ತೆರೆದು ಬರಿಯಲೇ ಪ್ರಯಾಸ

ನೋಡ್ಲಿಲ್ಲವೇನೇ?
ತಳ ಹತ್ತಿದೆ ಹುಳಿ ಉಕ್ಕಿದೆ ಹಾಲು ಮರಳಿ

ನಾನೊಂದು...ಎನಿಗ್ಮಾ
ಸಿಹಿಯಾದ ಗುಟ್ಟು ; ಬಿಡಿಸಲಾರದ ಒಗಟು

ಎಲ್ಲಿರುವೆಯಮ್ಮ?
ಮೈಯೆಲ್ಲ ಅಂಟು ಸಿಗದೊಂದು ಶರಟು

ನಾನೋರ್ವ...ಗಾಯಕಿ
ಶ್ರುತಿ ಲಯ ಉಂಟು ; ಧ್ವನಿ ಸ್ವಲ್ಪ ಉರುಟು

ಕೇಳಿಲ್ಲಿ ಬಾರೇ..
ನಿನ್ನ ಕ್ಯಾರಿಯೋಕಿಯ ಜೋಕು ಮೆಚ್ಚಿ ಹೇಳಿದ್ದಾರೆ ಲಾಯಕ್ಕು

ನಾನೊಬ್ಬ...ಜಿಜ್ಞಾಸು
ಹೊಸತನ್ನು ಅರಿಯುವೆ ; ಬಹುಬೇಗ ಮರೆಯುವೆ

ತಿಳಿಯಲಿಲ್ಲವೇನೇ?
ಸರಕಾಯ್ತು ಹಳತು ತಂದಿಲ್ಲ ಹೊಸತು

ನಾನೊಂದು...*#$%^&* }:)