ಮುಂಜಾನೆ

Submitted by Premashri on Sun, 09/30/2012 - 20:15

ಮೂಡಣದಿ ಪಲ್ಲವಿಸಿದೆ ಚೆಲುವು
ನೇಸರನ  ಹಾಡಿನ ಪಲ್ಲವಿಯು
ನಭದಲಿ ಹೊಂಗಿರಣಗಳ ಆಗಮನ
ಇಳೆಯಲದೇನು ಹೊಸಸಂಚಲನ !

ಬಣ್ಣ ಬಣ್ಣದ ಹೂಗಳು ಮುಗುಳ್ನಗಲು
ಚಿಟ್ಟೆ ದುಂಬಿಗಳಿಗೆಲ್ಲ ರಸದೌತಣವು
ಸುಮಲತೆಗಳಲಿ ಮುತ್ತಿನ ಹಿಮಮಣಿಗಳು
ಮರೆಯಾಗಿ  ತೊಟ್ಟಿಕ್ಕುವ  ಕಣ್ಮಣಿಗಳು !

ಹಕ್ಕಿಬಳಗದ  ಚಿಲಿಪಿಲಿ  ಸ್ವರಮೇಳಗಳು
ತಂಗಾಳಿಗೆ ನಲಿಯುವ  ಹಸಿರಸಿರಿಗಳು
ಪಲ್ಲಕ್ಕಿ  ತೇಲುತಿದೆ  ಬೆಳ್ಳಕ್ಕಿಸಾಲುಗಳು
ತೆರೆದಿದೆ ಮನಮೋಹಕ ನವಕಾವ್ಯವು !

Rating
No votes yet

Comments

venkatb83

Wed, 12/05/2012 - 15:58

ಸೂರ್ಯೋದಯವನ್ನು ಕಣ್ಣಾರೆ ಕಂಡಸ್ತೆ ಸಂತಸವಾಯ್ತು..ಆ ದೃಶ್ಯ ಕಣ್ಣ ಮುಂದೆ ಬಂತು.....
ಅದೇನು ಸೂರ್ಯೋದಯವನ್ನು ನೋಡಿಲ್ಲವೇ? ಎನ್ನಬಹ್ದು ನೀವು- ನಾ ಎಮಳಗೋದು ಲೇಟು-ಏಳೋದು ಲೇಟು....ನಾ ಎದ್ದಾಗ ಸೂರ್ಯ ಮನೆ ಮೇಲೆ ಬಂದಿರುತ್ತಾನೆ..!!

ಶುಭವಾಗಲಿ..

\|