ಜರ್ಮನಿಯ ಕಲಾವಿದನ ಕಣ್ಣಲ್ಲಿ ಬೆಂಗಳೂರ ಆಟೋ

ವಿದೇಶಿಗರಿಗೆ ಇಲ್ಲಿಯ ಜನನಿಬಿಡ ಪ್ರದೇಶಗಳು -ಜನ ಜೀವನ -ಟ್ರಾಫಿಕ್ಕು ಸಾರಿಗೆ ಇತ್ಯಾದಿ ಕುತೂಹಲದ ವಸ್ತುಗಳು -ಈ ವಿಡ್ಯೋದಲ್ಲಿ ಕೆಲವೇ ನಿಮಿಷಗಳಲ್ಲಿ ಒಬ್ಬ ಆಟೋ ಡ್ರೈವರನ ದೈನಂದಿನ ಜೀವನದ ಹಲವು ಅಂಶಗಳು ಚೆನ್ನಾಗಿ ಮೂಡಿ ಬಂದಿವೆ ..
ದಾರಿ ಮಧ್ಯೆ ಆಟೋ ಕೆಟ್ಟು ನಿಲ್ಲುವ - ಆಟೋ ನಿಲ್ಲಿಸಿ ಅದರಲ್ಲೇ ಮಲಗುವ ಸನ್ನಿವೇಶಗಳು ಕಣ್ಣಿಗೆ ಕಟ್ಟುವಂತಿವೆ ..
ಹಂಚಿಕೊಂಡದ್ದಕ್ಕೆ ನನ್ನಿ
ಶುಭವಾಗಲಿ
\|/

ಅತಿ ಉತ್ತಮ‌ ಚಿತ್ರ . ನಮ್ಮಲ್ಲಿ ಪರಿಣಾಮಕಾರಿ ಅನಿಮೇಷನ್ ವಿಡಿಯೋಗಳು ಕಡಿಮೆ ಅನ್ನಿಸುತ್ತೆ ಅಲ್ಲವೇ? . ಜೀವನದ‌ ಹಲವು ಮುಖಗಳನ್ನು ಈ ಮೂಲಕ‌ ಸೆರೆಹಿಡಿಯಬಹುದು

ನಾಡಿಗರೆ ನಮಸ್ಕಾರ. ಅನಿಮೇಶನ್ ತುಂಬಾ ಚೆನ್ನಾಗಿದೆ. ಅದರ ಎಳೆ ಹಿಡಿದು ಒಂದು ತೆಳು ಹಾಸ್ಯದ ಕವನ ಹೆಣೆದು ಹಾಕಿದ್ದೇನೆ :-)
.
ಬಾಡ್ಗೆ ಆಟೊ, ಜರ್ಮನ್ ಥಾಟು !
_________________________
.
ಆಟೋ ರಾಜನ ಜೀವನ ಚಿತ್ರ
ಜರ್ಮನ್ನನ ಕಣ್ಣಲ್ಲಿ ಕಂಡಂತೆ ಹತ್ರ
ಬೆಂಗ್ಳೂರಿನ ತುಡುಗು ಆಟೊ ಪಿಡುಗು
ಮೂರೇ ಚಕ್ರ ದಬಾಯಿಸ್ಕೊಂಡ್ ನುಗ್ಗು ||
.
ಬಸ್ಸು ಸ್ಕೂಟರು ಸೈಕಲ್ಲು ಕಾರು
ರಸ್ತೆ ಮಧ್ಯ ಹಸು ಮಲ್ಗೊ ತಕರಾರು
ಬೆಳ್ಬೆಳಿಗ್ಗೆನೆ ದಮ್ಮು, ಆಟೋಲೆನೆ ಟ್ರಿಮ್ಮು
ಸ್ಟಾರ್ಟಾಗಿ ಹೊರಟಾಂದ್ರೆ, ಸ್ಮಾರ್ಟಾಗಿ ಜುಮ್ಮು ||
.
ಲೇನಲ್ಲಿ ಸಂದೀಲಿ, ಸಿಕ್ದಂಗೆ ತೂರು
ಯಾಕಪ್ಪ ಚೌಕಾಶಿ, ಕಾಣ್ಸಲ್ವ ಮೀಟ್ರು
ಐಟೀನೊ, ಬಿಟಿನೊ, ಸಿಟಿ, ಚಿಕನ್ನು, ಚಿಲ್ರನ್ನು
ಟ್ರಾಫಿಕ್ನಲ್ಲೇನೆ ಆಡ್ಕೊಂತ, ಗಂಟೆಗಟ್ಲೆ ಸಿಕ್ಬಿದ್ರೂನು ||
.
ಸ್ಟ್ಯಾಂಡಲ್ಲು ಪೇಪರು, ರೆಸ್ಟಿಂಗು ರೇರು
ತಾತ ಅಜ್ಜಿ ಹುಡ್ಗ ಹುಡ್ಗಿ ರೆಸ್ಟೆಲ್ಲಿ ಪೀಕವರು
ರೈಡಿಂಗಲೆ ಹಾಡಕ್ಕೊಂಡು, ಫಾರಿನ್ಚಡ್ಡಿ ಗಿರಾಕಿ
ಸರಿಯಾದ್ ಟೈಮಲಿ ಕೈ ಕೊಡ್ತಲ್ಲ, ಕೆಟ್ನಿಲ್ತಲ್ಲ ಬಾಕಿ ||
.
ಆಚೆ ಗ್ಯಾರೇಜ್ಸುಂದ್ರಣ್ಣ, ಜಲ್ದಿ ಸ್ವಲ್ಪ ಬಾಪ್ಪ
ಪೇಟ್ರೋಲ್ಯಾಕೆ ಲೀಕಾಗೈತೆ ಮುಚ್ಬೇಕಲ್ಲ ಪೈಪ
ಸ್ಪ್ಯಾನರು ನಟ್ಟು ಬೋಲ್ಟು ಕುಸ್ತಿ ನೆಟ್ಗಾಯ್ತಲ್ಲ ಸದ್ಯ
ಓಡ್ತಿರಲಣ್ಣ ನೋಡ್ಕೋಳೋಣ ಬಾಡ್ಗೆ ಹೊಡೀತಾ ದರಿದ್ರ ||
.
ಕತ್ಲಾಗ್ತಿದ್ರೆ ಕ್ಲಬ್ಬು ಪಬ್ಬು ಮಬ್ಬು ತಬ್ಬು ಜಾಸ್ತಿ
ಗಿರಾಕಿ ಸುದ್ದಿ ನಮಗ್ಯಾಕೆ, ತಳ್ಳೊಗಾಡಿ ಬಾಯಾಡ್ತಿ
ಬಾರಲ್ ಹತ್ಲಿ, ನೇತಾಡ್ತ ಸುತ್ಲಿ, ಬಾಡ್ಗೆ ಕೊಟ್ರೆ ಸಾಕಪ್ಪ
ಆಯ್ತಂದ್ರೆ ಕಲೆಕ್ಷನ್ ರೆಕ್ಸ್ ಜಾಕೀಚಾನು, ಟಾಕೀಸಲ್ಲಿ ನಾನಪ್ಪ ||
.
ಬಾಯ್ಲೊಂದ್ಸಾಂಗು, ಡ್ರೈವಿಂಗ್ಲೆ ಸ್ಮೋಕಿಂಗು
ಖಾಲಿ ಸೆಕೆಂಡ್ ಶೊ ರೋಡಲಿ , ನಾನೆ ಕಿಂಗೂ
ಮನೆ ಮುಂದೆನೆ ಠಿಕಾಣ, ಆಟೋಲೇನೆ ಮಲಗೋಣ
ಬೆಳಗೆಬ್ಸೊ ಗಿರಾಕಿ ಬಾಡ್ಗೆ ಜಮಾಯ್ಸಿ, ತಿರ್ಗಾ ಅದೆ ಪುರಾಣ ||
.
.
ಧನ್ಯವಾದಗಳೊಂದಿಗೆ 
ನಾಗೇಶ ಮೈಸೂರು

ಹರಿಪ್ರಸಾದ ನಾಡಿಗರವರೆ ,ನಿಜಕ್ಕೂ ಉತ್ತಮ ಅನಿಮೇಶನ್ ವಿಡಿಯೋ ನೀಡಿರುವಿರಿ ತಮಗೆ ಧನ್ಯವಾದಗಳು