ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 24, 2024
ಚೀವ್ ಚೀವ್ ಎನ್ನುತ ಬಂದಿತು ಹಕ್ಕಿ
ಮರದಲಿ ಹೋಗಿ ಕೂತಿತು ಹಕ್ಕಿ
ಅಲ್ಲಿಂದಿತ್ತ ಇಲ್ಲಿಂದತ್ತ ತಿರುಗಿತು ಹಕ್ಕಿ
ಕೊಂಬೆಯ ಹಿಡಿದು ಜೋತಾಡಿತು ಹಕ್ಕಿ
ಕುಟ್ ಕುಟ್ ಎಂದು ಕುಟ್ಟಿತು ಕೊಂಬೆಗೆ
ಮೆಲ್ಲನೆ ಕಚ್ಚಿ ರಂದ್ರವ ಮಾಡಿತು ರೆಂಬೆಗೆ
ರಂದ್ರವ ಒಳಗೆ ತಲೆ ಮರೆಸಿ ಕೊಂಡಿದೆ
ಕಲಿಸಿದ ಗುರುವಿಗೆ ವಂದನೆ ಹೇಳಿದೆ
ನೋಡಿದ ನನಗೆ ಸಂತಸ ತಂದಿತು
ಮನದಲಿ ಏನೋ ಆಸೆ ಚಿಗುರಿತು
ಹಿಡಿಯಲು ಹೋದೆ ಹಕ್ಕಿಯ ನೀಗ
ಗುಯ್ ಗುಯ್ ಎನ್ನುತ ಹಾರಿತು ಬೇಗ.
-ಚಂದ್ರಶೇಖರ ಶ್ರೀನಿವಾಸಪುರ, ಕೋಲಾರ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 23, 2024
ತಂಪು ಜಾಗದಲಿಂತು
ಕೆಂಪು ಹವಳದ ತಟ್ಟೆ
ಕಂಪು ಸೂಸುತಲಿಹುದು ಯಾರದೆಂದೆ
ಹಳದಿ ಮುತ್ತಿದು ಚಂದ
ಬಳಿಗೆ ಬಂದಿದೆ ಭೃಂಗ
ಬೆಳೆದ ಗಿಡದಲಿ ಹೂವು ಅರಿತುಕೊಂಡೆ
ಹಸಿರಿನೆಲೆಗಳ ಗಿಡವು
ಬಸಿರಿನಂತಿದೆ ಮೊಗ್ಗು
ಕುಸುಮವರಳಿದೆ ಕೆಲವು ಮನವ ಸೆಳೆಯೆ
ನಸುಕು ಸರಿಯುತಲಿತ್ತು
ನಿಶೆಯ ಮುಸುಕನು ಸರಿಸೆ
ಬಿಸಿಲ ತರುವನು ರವಿಯು ತಿಮಿರ ಕಳೆಯೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 22, 2024
ಕುಳಿತಿಹ ಕಡೆಯಲಿ ಕುಳಿತಿರಲಾಗದೆ
ಇಳಿದಿಹೆ ನೆನೆಯಲು ಮಳೆಯೊಳಗೆ
ಮಳೆಹನಿ ನೆನೆಸಿದೆ ಚಳಿಯನು ತಾರದೆ
ಕಳೆದಿದೆ ಬೇಗುದಿ ನನ್ನೊಳಗೆ
ಇನಿಯನು ಬರುವನು ಮನವಿದು ಕಾದಿದೆ
ಕನಸಿನ ಚಿಲುಮೆಯು ಉಕ್ಕಲಿದೆ
ತನುಮನ ಬೆಸೆಯಲು ದಿನಗಳೆ ಕಾದಿಹೆ
ಜನುಮದ ಜೋಡಿಯು ಸಿಕ್ಕಲಿದೆ
ಕುಣಿಯುತ ಮಳೆಯಲಿ ದಣಿಯದು ದೇಹವು
ಕಣ ಕಣ ತುಂಬಿದೆ ಸಂತೋಷ
ಮಣಿಯುವೆ ನಲ್ಲಗೆ ತಣಿಸುವನಾತನು
ಚಣದಲಿ ತರುವನು ಉಲ್ಲಾಸ
ಆತುರ ತಂದಿದೆ ಕಾತರ ತುಂಬಿದೆ
ಕೋತಿಯ ತರದಲಿ ಆಡಿಸಿದೆ
ಮಾತಿಗೆ ನಿಂತರೆ ಸೋತೇ ಹೋಗುವೆ
ರಾತ್ರಿಗೆ ಸಿದ್ಧತೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 21, 2024
ದಿಟ್ಟ ತನದಲಿ ಹಯವ ಬಂಧಿಸಿ
ಕಟ್ಟಿ ಛಲದಲಿ ಸಮರಕೆಳಸಿದ
ಪುಟ್ಟ ಬಾಲರ ಕಂಡು ಭ್ರಮಿತನು ದೇವ ಶ್ರೀರಾಮ
ಸಿಟ್ಟುಗೊಳ್ಳದೆ ನುಡಿದನವರಲಿ
ಕೆಟ್ಟ ಹಟವನು ತೊರೆದು ಮೊದಲಲಿ
ಬಿಟ್ಟು ಕಳುಹಿರಿ ಯಜ್ಞ ಕುದುರೆಯ, ಬೇಡ ಸಂಗ್ರಾಮ
ಇಂತು ಲವ ಕುಶರಲ್ಲಿ ಮಮತೆಯು
ಬಂತು ಮನದಲಿ ರಾಮಚಂದ್ರಗೆ
ನಿಂತು ಬಾಲರ ತಬ್ಬುವಾಸೆಯು ಬೆಳೆದು ಮನದೊಳಗೆ
ಇಂಥ ಮಾತಿನ ಯತ್ನ ಸಾಗಿರೆ
ಹಂತ ಹಂತದಿ ಮಣಿಸಲಾಗದೆ
ಚಿಂತೆಯಾಯಿತು ನೊಂದ ಮನದಲಿ ತಂದ ಬೇಗುದಿಗೆ
ಮುಂದೆ ನಿಂತಿಹ ಮಕ್ಕಳಿಬ್ಬರ
ತಂದೆ ತಾನೆಂದರಿಯ ದೇವನು
ಕಂದರೀರ್ವರ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 20, 2024
ನನ್ನ ಹಳ್ಳಿಯ ಜನರ ಒಡಲಿದೊ
ಬರಿದೆ ಅಗ್ನಿ ಕುಂಡ
ಅಲ್ಲಿ ಬರದ ಕಾರ್ಮೋಡದಲ್ಲಿ
ನೇತಾರ ಇದ್ದು ದಂಡ
ಕೂಳು ಕೂಳಿಗು ಗತಿಯು ಇಲ್ಲದೆ
ಜನರ ವಲಸೆ ಹಾಡು
ಹವಾ ರೂಮಲೆ ಕುಳಿತ ನಾಯಕನ
ಹೊಟ್ಟೆ ಬಿರಿಯೆ ನೋಡು
ಡಿ. ಸಿ ಕುಳಿತ ಕಾರಲ್ಲಿ ಎ. ಸಿಯ
ಕಾರುಬಾರು ನೋಡು
ಹಳ್ಳಿ ಜನರ ಜೋಪಡಿಯ ತುಂಬಾ
ಬರಿದೆ ಗಾಳಿ ನೋಡು
ಜಲವು ಬತ್ತಿದ ಕೆರೆಯ ಮಣ್ಣಲಿ
ಸತ್ತ ದನದ ಕೊಂಬು
ನೀರು ಇಲ್ಲದೆ ಒಣಗಿ ಕರಟಿದ
ಭತ್ತ , ರಾಗಿ ಕಬ್ಬು
ಎಲುಬುಗೂಡಿನ ಹರೆಯ ಹೆಣ್ಣಿನ
ಮನದಿ ಆಸೆ ಇಲ್ಲ
ಜಲವು ಸಿಕ್ಕರೆ ಸಾಕು ಎನ್ನುತ
ಕೊಡದಿ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 19, 2024
ಭಾನು ಪಡುವಣ ಕಡಲಿಗಿಳಿದಿರೆ
ಬಾನಿಗೇರಿದ ಚಂದ್ರಮ
ತಾನು ರಾತ್ರಿಯ ರಾಜನೆನ್ನುತ
ಜಾಣನೆನ್ನುವ ಸಂಭ್ರಮ
ಗಿಡದ ಮೊಗ್ಗನು ನೋಡಿ ಚಂದಿರ
ತಡೆಯಲಾರದೆ ಹೋದನೆ
ಹಿಡಿವ ಬಯಕೆಯು ಮೂಡಿ ಮನದಲಿ
ಕಡೆಗೆ ಚುಂಬಿಸೆ ಬಂದನೆ?
ತನ್ನ ಪ್ರೇಯಸಿ ಹೂವು ನೈದಿಲೆ-
-ಯನ್ನು ಸೋಮನು ಮರೆತನೆ
ಮುನ್ನ ಯೋಚನೆ ಮಾಡಲಾರದೆ
ಚೆನ್ನ ಮೊಗ್ಗಿಗೆ ಸೋತನೆ?
ಶಶಿಗೆ ಮೊಗ್ಗಿದು ಭ್ರಮೆಯ ತಂದಿತೆ
ಬಸಿರು ಹೊತ್ತಿಹ ಗಿಡವಿದು
ಖುಷಿಯ ತಾಳದೆ ಭ್ರಮರವಾದನೆ
ತುಸುವೆ ವಿಚಲಿತನಾದುದು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: …
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 18, 2024
ವಿಷದ ಹಾವಿನ ಜೊತೆಯಲಾಡುವೆ
ಕುಸಿದು ಹೋದೆನು ನೋಡಿ ಭಯದಲಿ
ಮಸೆದು ಹಲ್ಲನು ಜರೆದು ಹರಿಯನು ಮಾತೆ ರೋಷದಲಿ
ಹಸಿವೆಗೆನ್ನುತ ನನ್ನ ಕೇಳದೆ
ಮೊಸರು ಗಡಿಗೆಯನೆತ್ತಿಕೊಳ್ಳುವೆ
ತುಸುವೆ ಬೆಣ್ಣೆಯನರಸಿ ಗಡಿಗೆಯನೊಡೆದೆ ನೋಡಲ್ಲಿ||
ಕರುಣೆಯಿಲ್ಲದ ದನುಜ ಕಾಡಿರೆ
ದುರುಳರಂತ್ಯವ ಗೈವೆನೆನ್ನುತ
ಕರದ ಮುಷ್ಟಿಯ ಬಿಗಿದು ನಡೆದರೆ ನನಗೆ ಭಯ ತರದೆ?
ತರಳ ನೀನಿದೊ ಪುಟ್ಟ ಬಾಲಕ
ಕರೆದ ಕೂಗಿಗೆ ತಿರುಗಿ ನೋಡದೆ
ಮರುಳನಂತೆಯೆ ನೀನು ನಡೆದರೆ ನನಗೆ ಭಯವಿರದೆ||
ನಂದ ಕಂದನ ತುಂಟತನವಿದು
ನಂದಗೋಕುಲ ಮಂದಿಗಚ್ಚರಿ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 17, 2024
ಗಂಡು -- ಓ ಸಖಿಯೆ ನಿನ್ನ ಒಲವಿಗಾಗಿ ಹಂಬಲಿಸುತ್ತಿರುವೆ
ಬಳಿ ಬಂದು ಕೈಹಿಡಿದು ಪ್ರೀತಿ ಕೊಡಲಾರೆಯಾ ||ಪ||
ತೇಲಿ ಬಿಡೇ ತೇಲಿ ಬಿಡೇ ತೇಲಿ ಬಿಡೇ
ಒಲವಿನಲ್ಲಿ ನನ್ನನೆಂದು ತೇಲಿಬಿಡೇ
ಬಾಳ ದೋಣಿ ಜೀವದಲೆಲಿ ಸಾಗುತಿದೆ
ನೀನು ಬಂದು ನನಗೆಯಿಂದು ಮುತ್ತು ಕೊಡೇ || ತೇಲಿಬಿಡೇ||
ನಿನ್ನ ಬಂಧಿಯಿಂದು ಮೋಹಪಾಶದೊಳಗೆ
ಉಸಿರುನಿಂತ ವೇದನೆಯಲ್ಲಿ ನರಳುತಿಹೆ
ಕೈಯ ಬೆಸೆದು ಮೈಯ ತಬ್ಬು ನನ್ನೊಲವೆ
ಬದುಕಿಯಿರುವೆ ಒಂದು ಕ್ಷಣ ನಿನ್ನಯೆದುರೆ ||ತೇಲಿಬಿಡೇ||
ರಾತ್ರಿಯಾಗೆ ಹಾಲ್ ಬೆಳಕೂ ಚುಚ್ಚುತಿಹುದೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 17, 2024
ಭಾಸ್ಕರನು ಸಪ್ತ ಅಶ್ವಗಳನ್ನೇರಿ ಕ್ರಮಿಸುವ ದಿನವಿಂದು
ಅರುಣೋದಯ ಕಾಲದಲ್ಲಿ ಸಲಿಲದಿ ಪವಿತ್ರ ಸ್ನಾನವಿಂದು
ಭಗವಾನ್ ಸೂರ್ಯನಾರಾಯಣನಿಗೆ ಅರ್ಘ್ಯ ನೀಡುವೆವಿಂದು
ಜಗದ ಜೀವರಿಗೆ ದೀರ್ಘಾಯುಷ್ಯ ಕರುಣಿಸುವ ಸಮಯವಿಂದು
ದಾನ ಧರ್ಮಗಳ ಮಾಡುವ ಪುಣ್ಯ ಪರ್ವಕಾಲವಿಂದು
ರಥಸಪ್ತಮಿಯ ವಿಶೇಷ ಪೂಜೆ ಆರಾಧನೆಯಿಂದು
ಅನ್ನದಾತರು ಸುಗ್ಗಿ ಚಟುವಟಿಕೆಗಳನ್ನು
ಪ್ರಾರಂಭಿಸುವ ದಿನವಿಂದು
ನೇಸರನ ಕಿರಣ ಉಲ್ಲಾಸ ಉತ್ಸಾಹ ಮೈಮನಕಿಂದು
ಆದಿತ್ಯ ದಿನಕರ ಅರ್ಕ ತರಣಿತೇಜ ದಿನಮಣಿಯೆ
ನಿನ್ನ ಕಿರಣಗಳ ಪಸರಿಸಿ ಭೂದೇವಿಯ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 16, 2024
ಅರಸಿನ ಪುಡಿಯನು ಬೆರೆಸುತ ಜಲದಲಿ
ಕರದಲಿ ಉಂಡೆಯ ಮಾಡಿದರೆ?
ತರುವಿನ ಕೊಂಬೆಗೆ ಮಾಡಿದ ಉಂಡೆಯ
ಸರದಿಯಲಂಟಿಸಿ ಇಟ್ಟಿಹರೇ?
ಬೆಟ್ಟದ ತುದಿಯಲಿ ಎತ್ತರ ಜಾಗದಿ
ಹುಟ್ಟಿದೆ ಗಿಡವಿದು ಚಂದದಲಿ
ಕೊಟ್ಟವರಾರದು ಬದುಕಲು ಜಲವನು
ಕಟ್ಟೆಯ ಕಟ್ಟಿದರಾರಲ್ಲಿ
ಏಣಿಯ ತರದಲಿ ಚಿಗುರಿದೆ ಎಲೆಗಳು
ಕಾಣಲು ಸುಂದರ ಎನಿಸುತಿದೆ
ಗೋಣನು ಗಗನಕೆ ಚಾಚಿದೆ ಗಿಡವಿದು
ಭಾನುವ ಕಿರಣದ ಆತುರದೆ
ಸ್ವಚ್ಛದ ಗುಡ್ಡಕೆ ಶೋಭೆಯ ತಂದಿದೆ
ಹಚ್ಚನೆ ಹಸುರಿನ ಪುಟ್ಟ ಮರ
ಪಚ್ಚೆಯ ಬಣ್ಣದ ಉದ್ದದ ಕಡ್ಡಿಯು
ಮೆಚ್ಚುಗೆ ಗಳಿಸಿದೆ ನೋಡುಗರ…