ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 16, 2024
ಅರಸಿನ ಪುಡಿಯನು ಬೆರೆಸುತ ಜಲದಲಿ
ಕರದಲಿ ಉಂಡೆಯ ಮಾಡಿದರೆ?
ತರುವಿನ ಕೊಂಬೆಗೆ ಮಾಡಿದ ಉಂಡೆಯ
ಸರದಿಯಲಂಟಿಸಿ ಇಟ್ಟಿಹರೇ?
ಬೆಟ್ಟದ ತುದಿಯಲಿ ಎತ್ತರ ಜಾಗದಿ
ಹುಟ್ಟಿದೆ ಗಿಡವಿದು ಚಂದದಲಿ
ಕೊಟ್ಟವರಾರದು ಬದುಕಲು ಜಲವನು
ಕಟ್ಟೆಯ ಕಟ್ಟಿದರಾರಲ್ಲಿ
ಏಣಿಯ ತರದಲಿ ಚಿಗುರಿದೆ ಎಲೆಗಳು
ಕಾಣಲು ಸುಂದರ ಎನಿಸುತಿದೆ
ಗೋಣನು ಗಗನಕೆ ಚಾಚಿದೆ ಗಿಡವಿದು
ಭಾನುವ ಕಿರಣದ ಆತುರದೆ
ಸ್ವಚ್ಛದ ಗುಡ್ಡಕೆ ಶೋಭೆಯ ತಂದಿದೆ
ಹಚ್ಚನೆ ಹಸುರಿನ ಪುಟ್ಟ ಮರ
ಪಚ್ಚೆಯ ಬಣ್ಣದ ಉದ್ದದ ಕಡ್ಡಿಯು
ಮೆಚ್ಚುಗೆ ಗಳಿಸಿದೆ ನೋಡುಗರ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 15, 2024
ಗಝಲ್-೧
ಯಾರು ನೋಡ ಬಾರದೆಂದು ಬಿರಿದು ಬಂದೆನು
ನೋವು ಕೊಟ್ಟ ಕೂಳರನ್ನು ಹುರಿದು ಬಂದೆನು
ಸಾವಿನಲ್ಲು ಸುಖವ ಪಡೆವ ಜನರು ಏತಕೊ
ಭಾವನೆಗಳ ಕೊಂದ ಇವರ ಜರಿದು ಬಂದೆನು
ದ್ವೇಷ ಇರುವ ಕಡೆಯಲೆಲ್ಲ ವಿಜಯ ಎಲ್ಲಿದೆ
ನಿನ್ನ ಮಾಯೆ ಮೋಹಕಿಂದು ಉರಿದು ಬಂದೆನು
ಕರುಣೆ ಎನುವ ಪದವು ಈಗ ಸೊರಗಿ ನಿಂತಿದೆ
ಮನಸಿನಿಂದ ಮದವ ಹೀಗೆ ತರಿದು ಬಂದೆನು
ಮೌನ ಇರಲು ಮಾತು ನೆಗೆದು ಬಂತೆ ಈಶನೆ
ಕೆಸರ ಕೈಲಿ ಮಾಲೆ ಕಂಡು ಮುರಿದು ಬಂದೆನು
***
ಗಝಲ್-೨
ಮನದ ಕಿಟಿಕಿಯದು ಮುಚ್ಚಿಹುದು ಗೆಳೆಯ
ತನುವ ಬಾಗಿಲೊಳು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 14, 2024
ಬಿರಿದಿಹ ತಾವರೆಯಂದದ ಮೊಗವು
ಅರಳಿದೆ ಮೊಗದಲಿ ಸುಂದರ ನಗುವು
ಹುಬ್ಬಲಿ ಕುಳಿತಿದೆ ಕಾಮನ ಬಿಲ್ಲು
ಗಲ್ಲವ ಸವರುವ ಆ ಮುಂಗುರುಳು||
ಹೆಣೆದಿಹ ತುರುಬಲಿ ಮಲ್ಲಿಗೆ ಹೂವು
ಸುತ್ತಲು ಹರಡಿದೆ ಮಲ್ಲೆಯ ಘಮವು
ಮುತ್ತಿನ ಸರವನು ಹೊತ್ತಿಹ ಕೊರಳು
ಉಂಗುರ ತೋರಿದೆ ಬೆಸೆದಿಹ ಬೆರಳು||
ಚೆಲುವೆಗೆ ಒಪ್ಪುವ ಸೀರೆಯ ಬಣ್ಣ
ಕಾಡಿಗೆ ಮೆರೆಸಿದೆ ಹೊಳೆಯುವ ಕಣ್ಣ
ಬಳುಕುವ ಬಳ್ಳಿಯ ಆ ನಡು ಸಣ್ಣ
ಬೀರುತಲಿರುವಳು ಹೂ ನಗುವನ್ನ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 13, 2024
ಮೋಸದ ಮಿಕ!
ಎಲ್ಲೆಲ್ಲಿ
ಶ್ರಮ ರಹಿತ
ಸುಲಭ
ಹಣ; ಸಂಪತ್ತಿನ
ಹರಿವು ಇದೆಯೋ
ಸಖಾ...
ಅಲ್ಲಲ್ಲಿ
ಲಪಟಾಯಿಸಲು
ಹೊಂಚುಹಾಕಿ
ಕಾದು ಕುಳಿತಿರುತ್ತದೆ
ಮೋಸದ
ಮಿಕ!
***
ವಿಶ್ವಮಾನವ ಸಂಸ್ಕೃತಿ
ನಾವು-
ಅವರಿಗೆ ಗೌರವದಿ
ಕೈಮುಗಿಯುವುದು
ಅವರು ನಮಗೆ
ಪ್ರತಿಯಾಗಿ
ಕೈಮುಗಿಯುವುದು...
ವಿಶ್ವ ಮಾನವ ಸಂಸ್ಕೃತಿ!
ಮಹಾ ರಾಜಕೀಯ
ಪರಿಣತರೆ-
ನೀವು ಕೂಪಮಂಡೂಕ...
ಅಷ್ಟು ಸುಲಭದಲಿ
ನಿಮಗಿದರ್ಥವಾಗದು!
***
ಶೂರ
ಐದು ದಿನಗಳ
ಕಾಲ
ನೈಜೀರಿಯಾ ಪ್ರಜೆ
ಹೊಟ್ಟೆಯೊಳಗಿದ್ದ
ಇಪ್ಪತ್ತು ಕೋಟಿ
…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 12, 2024
ರೆಕ್ಕೆ ಬಡಿದು ಗಗನಕೇರಿ
ಹಕ್ಕಿ ನಲಿಯುತಿದ್ದಿತು
ಸಿಕ್ಕಿದಂಥ ಕಾಳುಕಡಿಯ
ಹೆಕ್ಕಿ ತಿನ್ನುತಿದ್ದಿತು
ನೋಡಿ ಮನುಜ ಸಹಿಸದಾಗಿ
ಕೂಡಿ ಹಾಕಬಯಸಿದ
ಬೇಡಿ ತೊಡಿಸಿ ಹಕ್ಕಿಯನ್ನು
ಗೂಡಲಿರಸತೊಡಗಿದ
ಸ್ವಚ್ಛ ಮನದ ಹಕ್ಕಿಯೀಗ
ಇಚ್ಛೆಯಂತೆ ಹಾರದು
ಹುಚ್ಚು ಮನದ ನರನ ಆಟ
ಮೆಚ್ಚಲಾರ ದೇವನು
ತನ್ನ ಸುಖಕೆ ಪರರ ಕಾಡಿ
ತಿನ್ನಲೇನು ಸುಖವಿದೆ?
ತನ್ನ ಹಾಗೆ ಪ್ರಾಣಿ ಪಕ್ಷಿ
ಮುನ್ನ ಅರಿಯಬೇಕಿದೆ
ಜೀವಿಯಾಗಿ ಬಂದಮೇಲೆ
ಭಾವ ನೂರು ಮನದಲಿ
ನೋವು ನಲಿವು ಸಹಜ ತಾನೆ
ಬೇವು ಬೆಲ್ಲದಂದದಿ
ಪರರ ಸುಖವ ಕಸಿದು ನಿನಗೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 11, 2024
ಒಲವಿನ ಪತ್ರವ ತಲುಪಿಸು ಎನ್ನುತ
ಚೆಲುವನ ಬಳಿಗೆ ಕಳಿಸಿದ್ದೆ
ಬಲುಹಿತ ಎನಿಸುವ ಗೆಲುವಿನ ಸುದ್ದಿಗೆ
ಕಳವಳದಿಂದ ಕಾದಿದ್ದೆ
ಗಿಳಿಮರಿ ನಿನ್ನನು ಕಳಿಸಿದ ಕಾರ್ಯವ
ಕಳಕಳಿ ಯಿಂದ ಮುಗಿಸಿದೆಯ
ಬಳುವಳಿ ಇತ್ತನೆ ಗೆಳೆಯನು ನಿನ್ನಲಿ
ತಿಳಿಸಲು ನೀನು ಬಂದಿಹೆಯ
ಹಸಿವಿಗೆ ಉಣ್ಣಲು ಅಶನವನೀಯಲೆ
ಬಸವಳಿದಿರುವೆ ನೀನೀಗ
ಹಸುವಿನ ಮನವಿದು ಕಸಿವಿಸಿಗೊಂಡೆನು
ಕುಶಲವೆ ಇನಿಯ ಹೇಳೀಗ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 10, 2024
ಬಾಲಕೃಷ್ಣ ಏಕೆ ಹೀಗೆ ಬಂದು ಮಡಿಲು ಸೇರಿದೆ
ಎಲ್ಲಿ ಏನು ಯಾರಿಗೆಲ್ಲ ತಂಟೆಯನ್ನು ಮಾಡಿದೆ
ಅಲ್ಲಿ ಇಲ್ಲಿ ಬೆಣ್ಣೆ ಮುದ್ದೆ ಕದ್ದು ಮೆದ್ದು ಬಂದೆಯಾ
ಸುಮ್ಮನಿರುವ ಕಂದನಲ್ಲ ನನಗೆ ಏಕೋ ಸಂಶಯ
ಉರಗ ಹಿಡಿದು ಶಿರವ ಮೆಟ್ಟಿ ನೃತ್ಯವಾಡಿ ಬಂದೆಯಾ
ದುರುಳ ದನುಜರನ್ನು ಅಟ್ಟಿ ಮುಷ್ಟಿಯಲ್ಲಿ ಕೊಂದೆಯಾ
ಹಸಿವಿನಿಂದ ನೊಂದೆಯೇನು ಕೊಂಚ ಹಾಲು ನೀಡಲೇ
ತಿನುವೆಯೇನು ಮುದ್ದೆ ಬೆಣ್ಣೆ ತಂದು ಕೊಡಲೆ ಈಗಲೆ
ತುಂಟ ಕಂದ ಸುಮ್ಮನಿರಲು ತಾಯಿ ಮನದೆ ತಳಮಳ
ನೂರು ಪ್ರಶ್ನೆ ಉದಿಸಿ ಮನದೆ ಯಶೋದೆಗಿಂದು ಕಳವಳ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 09, 2024
ಕಂಪು ಸೂಸುವ ಕೆಂಪು ಮಿಶ್ರಿತ
ಹಳದಿ ಬಣ್ಣದ ತೊಳೆಗಳು
ಶುಚಿಯಲಿಟ್ಟಿಹ ರುಚಿಯಲದ್ಭುತ
ಎನಿಸುವಂತಹ ಫಲಗಳು
ಸಿಹಿಯ ಜೇನಿಗೆ ಬಹಳ ಹತ್ತಿರ
ಕಹಿಯ ಮರೆಸುವ ಹಣ್ಣಿದು
ಮನೆಯ ಅಂಗಳ ಸನಿಹ ಗಿಡದಲಿ
ಮನವ ಸೆಳೆದಿಹ ಹಲಸಿದು
ಬಣ್ಣ ಕಾಣಲು ತಿನ್ನುವಾಸೆಯು
ನನ್ನ ಮನದಲಿ ಬಂದುದು
ವರ್ಷದಾದಿಗೆ ಹರ್ಷವಿತ್ತುದು
ಬಲಿತ ಹಣ್ಣಿದು ದೊರೆತುದು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 08, 2024
ನಾಡು ನುಡಿಗಾಗಿ ಹೋರಾಡಿದ ಮಹಾನುಭಾವರು
ಕುಗ್ರಾಮವನು ಅಳಿಸಿ ಸೌಲಭ್ಯಗಳ ನೀಡಿದವರು
ಎಲ್ಲಾ ಧರ್ಮಗಳ ಸಾರವೊಂದೇ ಎಂದುಲಿದವರು
ಮನೆಮನೆಯಲೂ ಪರಿವರ್ತನೆಗೆ ಶ್ರಮಿಸಿದವರು
ಶಿಕ್ಷಣಕ್ಕಾಗಿ ನೂತನ ಸಂಸ್ಥೆಗಳ ಹುಟ್ಟುಹಾಕಿದವರು
ಬಡವರ ಏಳಿಗೆಯೇ ಗ್ರಾಮದೇಳಿಗೆಯೆಂದವರು
ಮೂಲಭೂತ ಸೌಕರ್ಯಗಳ ಕಲ್ಪಿಸಿದವರು
ಶಾಲೆ ವೃತ್ತಿ ಉದ್ಯೋಗಕ್ಕಾಗಿ ಹೋರಾಡಿದವರು
ಭಾಷೆಯ ಬೆಳವಣಿಗೆಗೆ ಅಕ್ಷರ ಜ್ಯೋತಿ ಹಚ್ಚಿದವರು
ನಿಸ್ವಾರ್ಥ ಸೇವೆಯ ಅಮೂಲ್ಯ ಮಾಣಿಕ್ಯವೆನಿಸಿದವರು
ಸರಳ ಸಾಮಾನ್ಯ ಜನಪರ ಹಿತ ಚಿಂತಕರು
ಸಮಾಜದ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
February 08, 2024
ನಮ್ಮ ಮನೆಯಾ ಅಂಗಳ ಪಕ್ಕಾ
ಬೆಳೆದಿದೆ ಹಸಿರಿನ ಗಿಡವಿದು ಎಕ್ಕಾ
ಹೂವಿನ ಗೊಂಚಲು ಬಿಟ್ಟಿದೆ ಗಿಡವು
ಅವುಗಳ ನಡುವಲಿ ಮೊಗ್ಗಿದೆ ಕೆಲವು
ಎರಡಿದೆ ಜಾತಿಯು ಎಕ್ಕದ ಗಿಡದಿ
ಕೆಲಗಿಡ ಹೂಗಳು ಬೆಳ್ಳನೆ ಬಣ್ಣದಿ
ಬೇಗನೆ ಒಣಗದು ಅರಳಿದ ಹೂವು
ಅಡಗಿದೆ ಗಿಡದಲಿ ಔಷಧ ಗುಣವು
ದೇವನ ಪೂಜೆಗೆ ಬಳಸಲು ಬಹುದು
ಕೀಳದೆ ಗಿಡದಲಿ ಇಡಲೂ ಬಹುದು
ಪೋಣಿಸಿ ಮಾಡಿದ ಮಾಲೆಯು ಸೊಗಸು
ಮಾಲೆಯ ಮೊಳೆಯಲಿ ನೇಲಿಸಿ ಉಳಿಸು||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್