ಹೌದು, ಈಗ ಹೊಸ ವ್ಯಾಕರಣ, ಹೊಸ ವಿವರಣೆಗಳ ಅಗತ್ಯವಿದೆ. ಈಗಿನ ವಿದ್ಯಾಭ್ಯಾಸ ಕ್ರಮ, ಚಿಂತನೆಗಳ ವೈಖರಿಗೆ ತಕ್ಕ ಹಾಗೆ ಆಡು ಭಾಷೆಯೂ ಬದಲಾಗುತ್ತಿದೆ. ಬರವಣಿಗೆಯೂ ಇದೇ ನಿಟ್ಟಿನಲ್ಲಿ ಸಾಗಬೇಕಾದ ಅನಿವಾರ್ಯತೆ ಇದೆ. ಇಲ್ಲದಿದ್ದಲ್ಲಿ ವಿಶ್ವದಲ್ಲಿ ನಮಗೆ ಸ್ಥಾನ ಮಾನ ಸಿಗಲಾರದು. ಬಾವಿಯೊಳಗಿನ ಕಪ್ಪೆಯಂತಾಗದೆ, ಪ್ರಪಂಚದಲ್ಲಿ ನಾವೂ ಒಂದಾಗಬೇಕು. ಜಗತ್ತಿನಲ್ಲಿ ನಮ್ಮ ಸ್ಥಾನವನ್ನು ಅರಿತು ಗ್ಲೋಬಲೀಕರಣವನ್ನು ಸ್ವಾಗತಿಸುವವರು, ಎರವಲು ಪದಗಳನ್ನು ಕನ್ನಡ ಪದಗಳೇ ಎಂದು ಸ್ವೀಕರಿಸಬೇಕು. ಹಾಗೇ ಸುಲಭವಾಗಿ ಅರ್ಥವಾಗುವ ಯಾವುದೇ ಭಾಷೆಯ ಪದಗಳನ್ನು ನಮ್ಮದಾಗಿಸಿಕೊಳ್ಳಬೇಕಿದೆ. ಮಸೂರ ಎನ್ನುವ ಪದ ತಲೆಯೊಳಗ ಸುಲಭವಾಗಿ ಸೇರುವುದಿಲ್ಲ. ಆದರೆ ಲೆನ್ಸ್ ಅಂದರೆ ಓದು ಬರದವನಿಗೂ ಅರ್ಥವಾಗುವ ಸನ್ನಿವೇಶದಲ್ಲಿ, ಲೆನ್ಸೇ ಕನ್ನಡ ಪದವೆಂದು ಸ್ವೀಕರಿಸುವ ಅವಶ್ಯಕತೆ ಇದೆ.

ತವಿಶ್ರೀನಿವಾಸ