ಅಮ್ಮ

ನಿನ್ನಯಾ ಗರ್ಭದಿ ಸಂಜಾತಶಿಶುವು ನಾನು
ನವಮಾಸಗಳ ಹೊತ್ತೆನ್ನ ಬೆಳೆಸಿದೆ  ನೀನು  
ನಿನ್ನುಸಿರಲಿ ಭಾಗವ ಪಡೆದುಸಿರಿಸಿದೆ ನಾನು   
ನಾನತ್ತ ಮೊದಲದಿನದಿ ಬರದಪ್ಪಿನಕ್ಕೆ ನೀನು  ||1||

ನಿನ್ನಕ್ಕರೆಯ ಅಮೃತದ ಸವಿಯನುಂಡೆ ನಾನು
ಅಮೃತದಾ ಕಳಸವ ಸದಾತುಂಬಿರಿಸಿದೆ ನೀನು
'ಅಮ್ಮ'ಯೆಂದೊಡೆ ಸ್ವರ್ಗಾದಪೀಗರೀಯಸಿಯ ಕಂಡೆ ನಾನು
ಸುವಿಶಾಲತೆಯ ಆಳವರಿಯದ  ಮಮತಾಸಾಗರವು ನೀನು ||2||
  
ರಂಕನಾದರೂ   ರಾಜನಾದರೂ  ನಿನ್ನಮಗನೇ  ನಾನು
ಸದಾ ಮಾತೃಛಾಯೆಯೊಂದ ನನಗೀಯುತಿರು ನೀನು
ದೈವಕೃಪದಿ ನನ್ನೀಜನ್ಮದಿ ನಿನ್ನಮಗುವಾಗಿಹೆ ನಾನು
ನೂರೂಜನ್ಮಕೂ ನನ್ನಮ್ಮನಾಗಿ ಧರೆಗಿಳಿಯಮ್ಮ ನೀನು ||3||

© ರಾಘವ ಹರಿವಾಣಂ