ಮನಸ್ಸು ಮರೀಚಿಕೆ !

ಹಿಂದಿರುಗಿ ನೋಡಿದೆ

ಮತ್ತೆ ತಿರುಗಿ ನೋಡಿದೆ

ಹಿಂದೆ -ಮುಂದೆ ನೋಡಿದೆ

ಹೌದು ಅವಳೇ ಅದು

ಮನಸ್ಸು ಹೇಳಿತ್ತು

ಮತ್ತೆ ಹಿಂದೆ ನೋಡು

ಬುದ್ದಿ ಮೆತ್ತಗೆ ಗದರಿತ್ತು

ದ್ರಾಕ್ಷೆ ಹುಳಿ ,ಮುಂದೆ ನೋಡು

ಮನಸ್ಸಿಗೆ ಬುದ್ದಿ ಇಲ್ಲ

ಬುದ್ದಿಗೆ ಮನಸ್ಸಿಲ್ಲ !

ಕಣ್ಣಿಗೆ ಏನು ಚಿಂತೆ

ಹೊಡೆತ ಕೆನ್ನೆಗೆ ತಾನೇ

ಬುದ್ಧಿ-ತಂದೆ , ಮನಸ್ಸು-ಮಗ

ಅವಳೋ ?

ತಂದೆ ಮಾತು ಮಗನ ಕಿವುಡು

ಯಾರಿವಳು ?

ತಂದೆಗಂದೆ , ಸುಮ್ಮನಿರಬೇಕು

ಕಾಲಿಗಂದೆ ಹಿಂದಕ್ಕಿರಬೇಕು

ಕಣ್ಣಿಗಂದೆ , ಅವಳ ನೋಡು

ಯಾರಿವಳು ?

ಬುದ್ಧಿ-ತಾಯಿ ,ಮನಸ್ಸು-ಮಗಳು

ಅವನೋ?

ತಾಯಿ ಮಾತು ಮಗಳು ಕೇಳ್ತು

ಯಾರಿವನು, ಬಿಡು ಯಾರಾದರೇನು !

ಬಳಿ ಬಂದೆ , ಮುಂದೆ ಹೋದೆ

ಹಿಂದೆ ಬಂದೆ ಅಡ್ಡ ಹೋದೆ

ತುಟಿಗೂ ಕೆಲಸ ಕೊಟ್ಟೆ

'ಮೇಡಂ ಬಸ್ಸಿಗಾ ?'

ತಾಯಿ ಹೇಳ್ತು ಮಗಳು ಕೇಳ್ತು

ಸುಮ್ನಿರು !

ಮತ್ತೆ ಕೇಳಿದೆ

'ಮೇಡಂ ಬಸ್ಸಿದ್ಯಾ ! '

ಬಸ್ಸು ಬಂತು ಜನ ಹತ್ತಿದ್ರು

ಹುಡುಗೀನು ಹತ್ತಿದ್ಳು

ಹುಡುಗ ಏನ್ ಕಮ್ಮಿ

ತಾನು ಹತ್ತಿಯಾತು !

ಇನ್ನೂ ಕಣ್ಣು ಅವಳ ಮೇಲೆ

ಅವಳ ಮೊಬೈಲ್ ರಿನ್ಗಣಿಸೋ ತಂಕ !

'ರೀ ಹತ್ತ್ ನಿಮ್ಶ , ಬಂದೆ ರೀ !'

ಅಪ್ಪ ಕಿಸಕ್ ಅಂದ !

'ರೀ ಒಂದ್ ನಿಮ್ಶ , ಇಳ್ಯೋಕಿದೆ ರೀ '

ಅಪ್ಪ-ಮಗ ಇಲ್ಲ್ಕೊಂಡ್ ಆಯ್ತು!

'ಇಳ್ಯಾಕ್ ಹತ್ತಿರೋ , ಹತ್ತಾಕ್ ಇಳಿತೀರೋ ¨

ಕಂಡಕ್ಟರ್ ರೈಟ್ ಅಂದ .

ಮತ್ತೆ ಹಿಂದಿರುಗಿ ನೋಡಿದೆ

ಮತ್ತೆ ತಿರುಗಿ ನೋಡಿದೆ

ಹಿಂದೆ -ಮುಂದೆ ನೋಡಿದೆ

ಹೌದು ಇವಳೇ ಅದು , ಡೌಟೇ ಬೇಡ !

ಬುದ್ದಿಗೆ ಗೊತ್ತು

ಮನಸ್ಸಿಗೆ ತನ್ನ ಪ್ರಾಯ ಆಗಿಲ್ಲ !

ಬಳಿ ಬಂದೆ , ಮುಂದೆ ಹೋದೆ

'ಮೇಡಂ ಬಸ್ಸಿದ್ಯಾ ! ' . . .

ಪ್ರವೀಣ ಸಾಯ

(

ಇದು ನನ್ನ ಮೊದಲ ಕವನ ! ನವಿರಾದ ಹಾಸ್ಯ ಅಂತ ನಾವು ತಿಳಿದು ಬರೆದದ್ದು ಕೆಲವೊಮ್ಮೆ ಹಾಸ್ಯಾಸ್ಪದ ಆಗುವ ಸಂಭವಗಳಿರುತ್ತವೆ . ಹಾಗೇನಾದರು ಇದ್ದಲ್ಲಿ ದಯಮಾಡಿ ತಿಳಿಸಿ ! ನಗೆಪಾಟಲಾಗುವ ಮುಂಚೆ ನನ್ನ ಕವನ ಕಾಲ್ ಕೀಳುತ್ತದೆ :)

)

Rating