ಅಭ್ಯಾಸ ೯ ೨೭.೦೨.೨೦೧೧ ರಂದು ಪ್ರಸನ್ನ ಕುಲಕರ್ಣಿಯವರ ಮನೆಯಲ್ಲಿ.

By gopinatha on Sun, 02/27/2011 - 15:14

ಇಂದಿನ ಕುಮಾರ ವ್ಯಾಸ ಭಾರತದ ಮೂರನೆಯ ಹಾಗೂ ಕೊನೆಯ ಕಂತಿನ "೯ ನೆಯ ಅಭ್ಯಾಸ " ಸಂಪದಿಗರೇ ಆದ ಪ್ರಸನ್ನ ಕುಲಕರ್ಣಿಯವರ ಮನೆಯಲ್ಲಿಯಾಗಿತ್ತು. ತಾಯಿ ಅಜ್ಜಿ ಹಾಗೂ ಮಗಳು ಪಾವನಿ ನಾಲ್ಕು ತಲೆಮಾರು ನೋಡುವ ಭಾಗ್ಯ ನಮ್ಮದಾಗಿತ್ತು ಈ ಸಾರಿ ಎಂದಿನಂತೆ ಬೆಳಗಿನ ಭೂರಿ ಉಪಹಾರದ ಜತೆಯಲ್ಲಿ.

ಈ ಸಾರಿ ಪ್ರಭು ಮೂರ್ತಿಯವರೂ ನನ್ನ ಜತೆ ಬರ್ತೇನೆ ಎಂದಿದ್ದರು . ಸಮಯದ ಪಕ್ಕಾ ಪರಿಪಾಲಕ ಸರಿಯಾಗಿ ಏಳೂಮುಕ್ಕಾಲಿಗೇ ಹಾಜರ್. ನನ್ನ ಕೆಂಪಿ ( ಬಜಾಜ್ ದ್ವಿ ಚಕ್ರಿ) ಯಾಕೋ ತುಂಬಾ ಸಮಯದ ನಂತರ ಅವಳನ್ನು ಆರಿಸಿಕೊಂಡದ್ದಕ್ಕೋ ಏನೋ ಶುರುವಾಗಲು ಸುಮಾರು ಹತ್ತು ಹದಿನೈದು ನಿಮಿಷ ಮೊಂಡಾಟ ತೋರಿದಳು.ಆದರೂ ನಾವು ಪ್ರಸನ್ನರ ಮನೆಗೆ ೯ ಕ್ಕೆ ತಲುಪಿದಾಗ ಅಥಿತಿಗಳು ಬರಲಾರಂಬಿಸಿರಲಿಲ್ಲ..

ನಂತರ ಕುಮಾರ ವ್ಯಾಸ ನ ಕರ್ನಾಟ ಭಾರತ ಕಥಾ ಮಂಜರಿಯಲ್ಲಿ ಗುರುಗಳು ಆರಿಸಿಕೊಂಡದ್ದು ಅರ್ಜುನ ನ ಅಮರಾವತಿಯ ದರ್ಶನ ಹಾಗೂ ಭಾರತ - ಅರ್ಜುನ ಮತ್ತು ಅನಿಮಿಶ ನಗರಿಯವಳಾದ ಊರ್ವಶಿಯ ನಡುವಿನ ಕಥೆ.

ಭಾರತದ ನೆಲದ ಭೂಮಿಯ ಬಲವತ್ತರವು ದೇಹ ವಿಶೇಷ ವಿಧಿಯುಳ್ಳ ಗಂಡಿಗೆ ಆಕೆ ತನ್ನ ವಂಶದ ಮೂಲ ತಾಯಿಯಾಗಿ ಕಂಡರೆ ಊರ್ವಶಿಗೆ ಆತ ನೊಬ್ಬ ಗಂಡೆದೆಯ ಗುಣಶೀಲ ರಾಜನಾಗಿ ಕಂಡು ಬಂದಿದ್ದ. ಕುಮಾರವ್ಯಾಸ ಈ ಅತ್ಯಂತ ಕ್ಲಿಷ್ಟ ಸನ್ನಿವೇಷವನ್ನು ಅಷ್ಟೇ ಸುಂದರತೆಯಿಂದ ನವಿರಾಗಿ ಸಹಿತಸ್ಯ ಭಾವಪೂರ್ಣವಾಗಿ ಹೊರಗೆಡಹಿದ್ದಾನೆ.
ಗುರುಗಳು ಈ ಮೇಲಿನ ಪ್ರಸಂಗವನ್ನು ವಿವರಿಸುತ್ತಾ ಸಮಕಾಲೀನ ಸಂಧರ್ಭಕ್ಕೆ ಹೇಗೆ ಪ್ರಸಕ್ತ ಪ್ರಸಂಗವು ಹೊಂದಿಕೊಳ್ಳುತ್ತದೆ ಎಂದು ಅಷ್ಟೇ ಔಚಿತ್ಯಪೂರ್ಣವಾಗಿ ವಿವರಿಸಿದ್ದಾರೆ ಎಂಬುದನ್ನು ನಾನು ಹೇಳುವುದಕ್ಕಿಂತ ನೀವೇ ಮನಸಾರೆ ಆ ಸವಿಯುಣ್ಣುವುದುತ್ತವು.