ಬೆಲೆ

ಬೆಲೆ

By SACHIN KRISHNA B on Thu, 09/29/2011 - 14:56
ಕವನ

 ಹಸಿದಿದ್ದರೇ ಅನ್ನಕ್ಕೆ ಬೆಲೆ

ಹಸಿರಿದ್ದರೇ ಹುಲ್ಲಿಗೆ ಕಳೆ
ಉಸಿರಿದ್ದರೇ ಗಾಳಿಗೆ ಬೆಲೆ 
ಕೆಸರಿದ್ದರೇ ಗದ್ದೆಗೆ ಕಳೆ !
 
ಜೇಡನಿದ್ದರೇ ಬಲೆಗೆ ಬೆಲೆ 
ಮಿಂಚಿದ್ದರೇ ಮಳೆಗೆ ಕಳೆ 
ಮುಳ್ಳಿದ್ದರೇ ಗಡಿಯಾರಕ್ಕೆ ಬೆಲೆ 
ನಕ್ಷತ್ರವಿದ್ದರೇ ಆಕಾಶಕ್ಕೆ ಕಳೆ 
 
ಕತ್ತಲಿದ್ದರೇ ಮಿಂಚುಹುಳಕ್ಕೆ ಬೆಲೆ 
ಬೆಳಕಿದ್ದರೇ ದ್ರಶ್ಯಕ್ಕೆ ಕಳೆ 
ಚಳಿಯಿದ್ದರೇ ಉಣ್ಣೆಗೆ ಬೆಲೆ 
ಮಂಜಿದ್ದರೇ ಮುಂಜಾನೆಗೆ ಕಳೆ 
 
ಉತ್ತಿ-ಭಿತ್ತಿದರೇ ಭೂಮಿಯಲ್ಲಿ ಬೆಳೆ
ದುಂಬಿ ಇದ್ದರೇ ಹೂವಿಗೆ ಕಳೆ. . .
ಹೀಗೆ ಜಗದಲ್ಲಿದೆ ಎಲ್ಲದಕ್ಕೂ ಬೆಲೆ
ಅದನರಿತು ನಡೆದಾಗಲೇ ನಮಗೆ ನೆಲೆ ! 
 
 
 
 
 
 
 
 
 

Comments