ಸಲಹೆ - ಮಾರುತ್ತರ

ಒಂದು ಸಲಹೆ:

ಸಲ್ಲದೀ ನಡವಳಿಕೆ ನೇಹಿಗ!

ಇಲ್ಲದಿಹ ಬೇಸರದ ಸೋಗಿನ

ಲೊಲ್ಲೆ ಗೆಳೆಯರ ಕೂಟವೆನ್ನುತ ತಿರುಗಿ ಕುಳಿತಿಹೆಯಾ?

ಮೆಲ್ಲ ಯೋಚಿಸು ಮತ್ತೆ ಜೀವನ

ದಲ್ಲಿ ಒಂಟಿಯ ದಾರಿ ಸೊಗಸಿರ

ದೆಲ್ಲರೊಳಗೊಂದಾದರೊಳಿತೆನುವುದನು ಮರೆತಿಹೆಯಾ?

ಮಾರುತ್ತರ:

ಹತ್ತರೊಂದಿಗೆ ಆಗಲಾರೆನು

ಮತ್ತೆ ಹನ್ನೊಂದನೆಯ  ಹಕ್ಕಿಯು

ಎತ್ತ ಹೋದರು ದಾರಿ ಹುಡುಕುವ  ಧೈರ್ಯ  ಜೊತೆಗಿರಲು

ಸುತ್ತು ದಾರಿಯು ಬೇಡ ಜಗದವ

ರೆತ್ತ  ನಡೆಯಲಿ  ಗುರಿಯ  ತಿಳಿದಿಹೆ

ನತ್ತಲೇ ನಡೆವಂತ ಮುಡಿವನು ನಾನು ತಾಳಿಹೆನು

 -ಹಂಸಾನಂದಿ

 ಚಿತ್ರಕೃಪೆ: ಪದ್ಯಪಾನ