'ಲೀಡ್ ಕೈಂಡ್ಲೀ ಲೈಟ್' (ಕರುಣಾಳು ಬಾ ಬೆಳಕೆ) ಹಾಡಿನ ಕುರಿತೊಂದಿಷ್ಟು.

1833 ರಲ್ಲಿ ಜಾನ್ ಹೆನ್ರಿ ನ್ಯೂಮನ್ ರಚಿಸಿದ ಗೀತೆ ‘ ಲೀಡ್, ಕೈಂಡ್ಲೀ ಲೈಟ್’ ‘ ಗೀತೆಯನ್ನು ‘ದಿ ಪಿಲ್ಲರ್ಸ್ ಆಫ್ ಕ್ಲೌಡ್’’ ಹಾಡಿನ ಹೆಸರು. ಈ ಗೀತೆಯನ್ನು ತನ್ನ 31ನೆಯ ವಯಸ್ಸಿಗೆ ಪಾದ್ರಿಯಾದ ನ್ಯೂಮನ್ ಇಟಲಿಯಲ್ಲಿ ಅನಾರೋಗ್ಯದಿಂದ ಬಳಲುತ್ತ , ತನ್ನ ಇಂಗ್ಲೆಂಡಿಗೆ ಪ್ರಯಾಣಿಸುವ ಸಂದರ್ಭದಲ್ಲಿ , ಹಡಗಿನಲ್ಲಿ ರಚಿಸಿದ್ದು. ಜನಸಮುದಾಯಗಳಲ್ಲಿ, ಸೈನ್ಯಗಳಲ್ಲಿ, ಸಮೂಹ ಗೀತೆಗಳಲ್ಲಿ ಈ ಹಾಡನ್ನು ಹಲವಾರು ರಾಗಗಳಲ್ಲಿ ಜಗತ್ತಿನ ತುಂಬ ಹಾಡುತ್ತಾರೆ. ಈಗ ಇತ್ತೀಚೆಗೆ 2011 ಹಾಗೂ 2012 ರಲ್ಲಿಯೂ ಕೂಡ ಈ ಹಾಡಿಗೆ ಹೊಸ ಹೊಸ ರಾಗ ಲಯಗ¼ನ್ನು ಸಂಯೋಜಿಸುವ ಕೆಲಸ ನಡೆದಿದೆ ಎಂದರೆ ಹಾಡಿನ ಜೀವಂತಿಕೆಯನ್ನು. ಆನಪ್ರಿಯತೆಯನ್ನು ಗ್ರಹಿಸಬಹುದು. ಸುಮಧುರ ಹಾಗೂ ಜನಜನಿತವಾಗಿತ್ತೆಂದರೆ 1909 ರಲ್ಲಿ ಬ್ರಿಟನ್ ದ ಅದಿರು ಗಣಿ ದುರಂತವೊಂದರಲ್ಲಿ ನೂರಾರು ಜನ ಕಾರ್ಮಿಕರು, ಮಕ್ಕಳು ಹತರಾಗಿದ್ದು ದುರಂತ. ಅಂತಹ ಸಂದರ್ಭದಲ್ಲಿ 34 ಜನ ಒಂದೆಡೆ ಈ ಹಾಡನ್ನು ಹಾಡುತ್ತ ಜೀವ ಹಿಡಿದಿಡುತ್ತ, ಹಲವಾರು ಗಂಟೆಗಳಷ್ಟು ದೀರ್ಘ ಸಮಯದ ನಂತರ ಬದುಕಿದ ಇವರನ್ನು ಹೊರತೆಗೆಯಲಾಗುತ್ತದೆ. ಇವರನ್ನು ಆ ಕತ್ತಲೆಯ ನೆಲದಾಳದಲ್ಲಿ ಬದುಕಿಸಿದ್ದು ಈ ಗೀತೆ. ‘ಲೀಡ್, ಕೈಂಡ್ಲೀ ಲೈಟ್’, . 1912 ರಲ್ಲಿ ಮುಳುಗುತ್ತಿದ್ದ ಟೈಟಾನಿಕ್ ಹಡಗಿನಲ್ಲಿ ಮುಳುಗುತ್ತ ನೂರಾರು ಪ್ರಯಾಣಿಕರು ಬದುಕುಳಿಯುವ ಆಶೆಯೊಂದಿಗೆ ಈ ಹಾಡನ್ನು ಹಾಡುತ್ತ ಮುಳುಗಿದ್ದುದನ್ನು ಅದಾರು ಮರೆತಾರು?. ಜಗತ್ತಿನ ಅನೇಕಾನೇಕ ಸಂಸ್ಥೆಗಳು, ಸಂಘಗಳು ಈ ಹಾಡಿನ, ‘ಲೀಡ್ ಕೈಂಡ್ಲೀ ಲೈಟ್’ ನ್ನು ತಮ್ಮ ಧ್ಯೇಯವಾಕ್ಯವನ್ನಾಗಿ ಮಾಡಿಕೊಂಡಿವೆ. ಕನ್ನಡದಲ್ಲೂ ಕೂಡ, ಇದು ಅನುವಾದವೇ, ಎಂಬಷ್ಟು ಅದ್ಭುತವಾಗಿ, ಬಿ.ಎಂ.ಶ್ರೀಕಂಠಯ್ಯನವರು, ಈ ಹಾಡನ್ನು ಅನುವಾದಿಸಿದ್ದಾರೆ.ಬಿ ಎಂ ಶ್ರೀ ಯವರ 'ಇಂಗ್ಲೀಷ ಗೀತೆಗಳು', ಸಂಕಲನದ ಗೀತೆ.  ನಂಬಲಸಾಧ್ಯವಾದ ಅನುವಾದ. ಹಾಡು ಯಾವುದು ಗೊತ್ತೇ, ‘ಕರುನಾಳು ಬಾ ಬೆಳಕೆ, ಮುಸುಕಿದೀ ಮಬ್ಬಿನಲಿ, ಕೈ ಹಿಡಿದು ನಡೆಸೆನ್ನನು’…………….ಕಷ್ಟದಡವಿಯ ಕಳೆದು, ಬೆಟ್ಟಹೊಳೆಗಳ ಹಾದು ಇರುಳನ್ನು ನೂಕದಿಹೆಯಾ?, ಒಂದು ಓರಿಜಿನಾಲಿಟಿ ಇರುವ, ಈ ನೆಲದ ಈ ಮಣ್ಣಿನ ಕವಿತೆಯಾಗಿ ಮೂಡಿದ ಅದ್ವಿತೀಯ ಹಾಡು ಹಾಗೂ ಅಷ್ಟೇ ಪ್ರಬುದ್ಧ ಅನುವಾದ . ಹಾಡುಗಳು ಈ ಕೆಳಗಿವೆ. ಹಲವಾರು ರಾಗ ಧಾಟಿಗಳಲ್ಲಿ, ಚಿತ್ರಗೀತೆಯಾಗಿಯೂ ಕೂಡ, ಜನಪದದಲ್ಲಿ ಒಂದು ಭಾವಗೀತೆಯಾಗಿ ಹಾಸುಹೊಕ್ಕಾದ ಈ ಹಾಡುಗಳ ಮೂಲ ಮತ್ತು ಅನುವಾದಗಳು ಹೀಗಿವೆ.

'ದಿ ಪಿಲ್ಲರ್ ಆಫ್ ಕ್ಲೌಡ' "

Lead, Kindly Light, amidst th'encircling gloom, Lead Thou me on!

The night is dark, and I am far from home,

Lead Thou me on!

Keep Thou my feet; I do not ask to see

The distant scene; one step enough for me.

I was not ever thus, nor prayed that

Thou Shouldst lead me on;

I loved to choose and see my path;but now Lead Thou me on!

I loved the garish day, and, spite of fears,

Pride ruled my will.

Remember not past years!

So long Thy power hath blest me, sure it still

Will lead me on.

O'er moor and fen, o'er crag and torrent, till

The night is gone,

And with the morn those angel faces smile,

Which I have loved long since, and lost awhile!

Meantime, along the narrow rugged path,

Thyself hast trod, Lead,

Saviour, lead me home in childlike faith,

Home to my God.

To rest forever after earthly strife In the calm light of everlasting life

ಕರುನಾಳು ಬಾ ಬೆಳಕೆ ಮುಸುಕಿದಿ ಮಬ್ಬಿನಲಿ

ಕೈಹಿಡಿದು ನಡೆಸೆನ್ನನು

ಇರುಳುಗತ್ತಲೆಯಾ ಗವಿ ಮನೆದೂರ ಕನಿಕರಿಸಿ

ಕೈಹಿಡಿದು ನಡೆಸೆನ್ನನು…

ಹೇಳಿನನ್ನಡಿ ಇಡಿಸು ಬಲುದೂರ ನೋಟವನು

ಕೇಳದೊಡನೆಯೇ ಸಾಕು ನನಗೊಂದು ಹೆಜ್ಜೆ

ಮೊನ್ನೆ ಇಂತಿರದಾದೆ ನಿನ್ನ ಬೇಡದೇಹೋದೆ

ಕೈಹಿಡಿದು ನಡೆಸೆನ್ನನು

ಇಷ್ಟು ದಿನ ಸಲಹಿರುವೆ ಈ ಮೂರ್ಖನನು ನೀನು

ಮುಂದೆಯೂ ಕೈಹಿಡಿದು ನಡೆಸದಿಹೆಯಾ?

ಕಷ್ಟದಡವಿಯ ಕಳೆದು ಬೆಟ್ಟಹೊಳೆಗಳ ಹಾದು

ಇರುಳನ್ನು ನೂಕದಿಹೆಯಾ?

ಬೆಳಗಾಗ ಹೊಳೆಯದೆ ಹಿಂದೊಮ್ಮೆ ನಾನೊಲಿದು

ಈ ನಡುವೆ ಕಳಕೊಂಡ ದಿವ್ಯ ಮುಖ ನಗುತ

ಕರುನಾಳು ಬಾ ಬೆಳಕೆ ಮುಸುಕಿದೀ ಮಬ್ಬಿನಲಿ

ಕೈಹಿಡಿದು ನಡೆಸೆನ್ನನು