ಬರಹಗಾರನ ಬಡಾಯಿ 

ನೀಳಾದೇವಿಯವರಿಗೆ ನಮಸ್ಕಾರ. ತಮ್ಮ ಪ್ರೋತ್ಸಾಹದಾಯಕ ಪ್ರತಿಕ್ರಿಯೆಗೆ ಧನ್ಯವಾದಗಳು ಸಹ. ನಿಮ್ಮಂತಹ ಸಹೃದಯಿ ಓದುಗರನ್ನು ತಲುಪುವ ಧ್ಯೇಯವೆ ಈ ಬರವಣಿಗೆಗೆ ನಿರಂತರ ಸ್ಪೂರ್ತಿ. ಜತೆಗೆ ಹೊಸ ವಿಚಾರದ, ತುಸು ವಿಭಿನ್ನ ದೃಷ್ಟಿಕೋನದ ಪರಿಚಯ ಮಾಡಿಸಿತಂತಾದೀತೇನೊ ಎನ್ನುವ ಹಂಬಲ. ಓದಿಸಿಕೊಂಡು ಹೋಗುವ ಮಟ್ಟದಲ್ಲೆ ಬರವಣಿಗೆ ಮುಂದುವರಿಸಬೇಕೆಂದು ಆಶಯವಂತೂ ಇದೆ. ಅದು ದಾರಿ ತಪ್ಪುವಂತೆ ಕಂಡರೆ ನಿಮ್ಮಂತಹವರು ತುಸು ಎಚ್ಚರಿಸಿದರೆ ತಿದ್ದಿಕೊಳ್ಳಲು ಅವಕಾಶವಾಗುತ್ತದೆ. ಸದ್ಯಕ್ಕೆ ಕಥಾನಕದ ನೆಪದಲ್ಲಾದರೂ ಕನ್ನಡದಲ್ಲಿ ಬರೆಯಲಾಗುತ್ತಿದೆಯಲ್ಲಾ ಎನ್ನುವುದೇ ದೊಡ್ಡ ತೃಪ್ತಿ.

ಇದನ್ನು ಸಾಧ್ಯವಾದಷ್ಟು ಬೇಗ ಮುಗಿಸಬೇಕೆಂದು ಹೊರಟ ಕಾರಣ, ಬೇರೆಯದನ್ನು ಓದಿ ಪ್ರತಿಕ್ರಿಯಿಸಲು ಮತ್ತು 'ಟಿಪ್ಪಣಿ ಸಹಿತ ಕವನ'ದ ಕಡೆ ಹೆಚ್ಚು ಗಮನ ಕೊಡಲಾಗುತ್ತಿಲ್ಲ. ನಿಮಗೆ ಮತ್ತು ನಿಮ್ಮ ಸ್ನೇಹಿತರ ಬಳಗಕ್ಕೆ ಪ್ರಿಯವಾದ 'ಟಿಪ್ಪಣಿ ಸಹಿತ ಕವನ'ದ ಆ ವಿಭಾಗಕ್ಕೂ ಮುಂದೆ ಹೆಚ್ಚು ಗಮನ ನೀಡಲು ಯತ್ನಿಸುತ್ತೇನೆ. ಪಿಡಿಎಫ್ ಪ್ರತಿ ಮಾಡಿಡುವುದು ಒಳ್ಳೆ ಸಲಹೆ. ಅದನ್ನು ಕಾರ್ಯಗತಗೊಳಿಸಿ ನಂತರ  ಕಳಿಸುತ್ತೇನೆ. (ಅಂದಹಾಗೆ ಸಂಪದದಲ್ಲಿ ಹಾಕಿದ ಎಲ್ಲಾ ಬರಹಗಳು ನನ್ನ ಬ್ಲಾಗಿನಲ್ಲೂ ಇವೆ - ಇನ್ನೂರಕ್ಕೆ ಮೇಲ್ಪಟ್ಟು - ಅಲ್ಲಿ ಒಂದೆ ಕಡೆ ಎಲ್ಲಾ ಬರಹಗಳು ಒಟ್ಟಾಗಿ ಸಿಗುತ್ತವೆ). ನಿಮ್ಮ ನಿರಂತರ ಅಭಿಮಾನಕ್ಕೆ ಮತ್ತೆ ಧನ್ಯವಾದಗಳು.

ನವೀನರೆ ನಮಸ್ಕಾರ ಮತ್ತು ಧನ್ಯವಾದಗಳು. ಬರೆಯುವುದು ಅನಿವಾರ್ಯ 'ಧರ್ಮ' ನನಗೆ ಎನ್ನುವುದಂತೂ ನಿಜ. ಸಂಪದದಂತಹ ವೇದಿಕೆಯಿಂದಾಗಿ ಅದನ್ನು ಓದಿ ಮೆಚ್ಚಿ ಪ್ರೋತ್ಸಾಹಿಸುವ ಸಹೃದಯಿ ಸಂಪದಿಗರಿರುವುದೂ ಅಷ್ಟೆ ನಿಜ. ಹೇಗೂ ಓದುವವರಿದ್ದಾರೆಂಬ ಉಢಾಫೆಯಲ್ಲಿ ಬರಹದ ದಾರಿ ತಪ್ಪಿಸಿಬಿಡುವೆನೇನೊ ಎನ್ನುವ ಆತಂಕವಿರುವುದು ಅಷ್ಟೆ ನಿಜ. ಅದರಲ್ಲೂ ಚೊಚ್ಚಲ ಕಾದಂಬರಿಯ ಹೆರಿಗೆ ಬೇರೆ :-) - ಜತೆಗೆ ಹೆತ್ತವರಿಗೆ ಹೆಗ್ಗಣ ಮೂದ್ದು ಅನ್ನೋದೂ ಇದೆಯಲ್ಲ !? ಆದರೆ ಸಂಪದದಂತಹ ಸೋಶಿಯಲ್ ಮೀಡಿಯಾ ವೇದಿಕೆಯ ಅನುಕೂಲವೆಂದರೆ, ಕೊನೆತನಕ ಕಾಯದೆ ನಡುನಡುವೆ ಪ್ರತಿಕ್ರಿಯೆ ನೀಡುತ್ತಿರಬಹುದು, ತಿದ್ದುತ್ತಿರಬಹುದು. ಆನ್ ದಿ ಜಾಬ್ ಟ್ರೈನಿಂಗಿನ ಹಾಗೆ - ಬರೆಯುತ್ತಲೆ ಕಲಿಯುತ್ತ ಹೋಗಬಹುದು.

ಒಟ್ಟಾರೆ ನೀವಂದಂತೆ ಓದುವ ಸಹೃದಯರಂತೂ ಇದ್ದೆ ಇದ್ದಾರೆ - ಅದೇ ಧೈರ್ಯ :-)

ಗಣೇಶ್ ಜಿ ನಮಸ್ಕಾರ ಹಾಗು ಧನ್ಯವಾದಗಳು, ನಿಮ್ಮ ಮಾತು ನೂರಕ್ಕೆ ನೂರು ನಿಜ. ಸಂಪದದ ಸಹೃದಯೀ ಓದುಗ ಬಳಗದ ದೆಸೆಯಿಂದಾಗಿ ಬರಹಗಳು ಸ್ವಯಂಸ್ಪೂರ್ತಿಯಿಂದಲೆ ರೆಕ್ಕೆಪುಕ್ಕ ಕಟ್ಟಿಕೊಂಡಂತೆ ಹರಡಿಕೊಳ್ಳುವುದರಲ್ಲಿ ಅಚ್ಚರಿಯೇನೂ ಇಲ್ಲ. ನನ್ನ ನಿಜವಾದ ಆತಂಕವಿರುವುದು ಓದುವುದಿಲ್ಲ ಅನ್ನುವುದಕ್ಕಿಂತ ಬರಹ ಓದಿಸಿಕೊಳ್ಳುವ ಮಟ್ಟದಲ್ಲಿ ಮುಂದುವರೆಯುತ್ತಿದೆಯೊ ಇಲ್ಲವೊ ಎನ್ನುವ 'ಸ್ವಯಂಪಾಕದ' ಕುರಿತಾದ ಅನುಮಾನವಷ್ಟೆ...:-)

ಕವಿಗಳೆ ನಮಸ್ಕಾರ ಹಾಗು ಧನ್ಯವಾದಗಳು. ಬರಿ ಓದುವುದು ಮಾತ್ರವಲ್ಲ, ನಿರಂತರ ಪ್ರತಿಕ್ರಿಯೆ ಸಲಹೆ ಸೂಚನೆಗಳೊಂದಿಗೆ ಪ್ರೋತ್ಸಾಹಿಸುತ್ತಲೆ ಇದ್ದೀರಿ. ಬರೆವವನಿಗೆ ಮತ್ತೇನು ತಾನೆ ಬೇಕು? ಒಂದು ವಾರದಿಂದೀಚೆಗೆ ಕೆಲವು ತಾಂತ್ರಿಕ ಕಾರಣಗಳಿಂದಾಗಿ ನಾನು ಸಂಪದಕ್ಕೆ ಭೇಟಿ ನೀಡಿ ಪ್ರಕಟಿಸಲು / ಉತ್ತರಿಸಲು ಆಗುತ್ತಿಲ್ಲ. ಆದರೆ ಈ ವಾರ ಎಲ್ಲವು ಸುಗಮವಾಗಿರುತ್ತದೆಯೆಂಬ ನಿರೀಕ್ಷೆಯಿದೆ. ಅಲ್ಲಿಂದಾಚೆಗೆ ಮತ್ತೆ ಮಾಮೂಲಿನಂತೆ ತೊಡಗಿಸಿಕೊಳ್ಳುತ್ತೇನೆ.