ಗೊತ್ತಿದ್ದರೂ ಕೇಳುವ ಹತ್ತು ಮಳ್ಳ ಪ್ರಶ್ನೆಗಳು

(ಮಿಂಚಂಚೆಯಲ್ಲಿ ಬಂದದ್ದು)

೧) ಸಿನಿಮಾ ತೇಟರ್-ನಲ್ಲಿ: ಗೆಳೆಯರು ಸಿಕ್ಕಾಗ,

ಮಳ್ಳತನದಿಂದ ಕೇಳೋದು : ಏನ್ ಗುರು, ಇಲ್ಲಿ?

ಉತ್ತರ : ಬ್ಲಾಕ್ ನಲ್ಲಿ ಟಿಕೆಟ್ ಮಾರ್ತಿದಿನಮ್ಮ, ಗೊತ್ತಿಲ್ವ?

೨) ಬಸ್-ನಲ್ಲಿ ಹೈ-ಹೀಲ್ಡ್ ಚಪ್ಪಲಿ ಮೆಟ್ಟಿಕೊಂಡ ಆಂಟಿ, ಕಾಲು ತುಳಿದಾಗ,

ಮಳ್ಳತನದಿಂದ ಕೇಳೋದು : ಸಾರಿ, ನೋವಾಯ್ತಾ?

ಉತ್ತರ : ಇಲ್ವಲ್ಲ.., ಇವತ್ತು ಅಸಸ್ತೇಸಿಯ ತುಗೊಂಡಿದಿನಿ, ಇನ್ನೊಂದ್ ಸಲ ತುಳಿದು ಟ್ರೈ ಮಾಡಿ...

೩) ಪರಿಚಯದವರು ತೀರಿಕೊಂಡಾಗ, ಕಣ್ಣು ತುಂಬಿಕೊಂಡ ಹತ್ತಿರದವರೊಬ್ಬರು,

ಮಳ್ಳತನದ ಕೇಳೋದು : ಪ್ರಪಂಚದಲ್ಲಿ ಇಸ್ಟೊಂದ್ ಜನರಲ್ಲಿ, ಯಾಕೆ ಇವರಿಗೇ ಹಿಂಗಾಗಬೇಕು?

ಉತ್ತರ : ಯಾಕೆ? ನಿಮಗಾಗಬೇಕಿತ್ತಾ?

೪) ಹೊಟೇಲ್ ನಲ್ಲಿ, ವೇಟರ್ ನನ್ನು,

ಮಳ್ಳತನದಿಂದ ಕೇಳೋದು : ಬಟರ್ ಪನೀರ್ ಮಸಾಲಾ ಚೆನ್ನಾಗಿದೆಯ?

ಉತ್ತರ : ಇಲ್ಲ, ತುಂಬಾ ಕೆಟ್ಟದಾಗಿದೆ, ಅದನ್ನು ಕೆಟ್ಟು ಹೋದ, ಸಿಮೆಂಟ್ ಹಾಕಿ ಮಾಡಿದ್ದೇವೆ.

೫) ನೆಂಟರಿಸ್ಟರು ಸೇರಿರುವಾಗ,

ಮಳ್ಳತನದಿಂದ ಕೇಳೋದು : ಪುಟ್ಟ, ತುಂಬಾ ದೊಡ್ಡವನಾಗಿದ್ದೀಯಾ!!?

ಉತ್ತರ : ತಾವೇನು ಕುಗ್ಗಿ ಚಿಕ್ಕವರಾಗಿಲ್ವಲ್ಲ.

೬) ಗೆಳತಿಯೊಬ್ಬಳು ಮದುವೆ ಆಗುತ್ತಿರುವದನ್ನು ಹೇಳಿದಾಗ,

ಮಳ್ಳತನದಿಂದ ಕೇಳೋದು : ಹುಡುಗ ಚೆನ್ನಾಗಿದಾನ?

ಉತ್ತರ : ಇಲ್ಲ, ಅಂವ ಕುಡುಕ, ಹೆಂತೀನ ಹೊಡಿಯೋನಂತೆ, ರೌಡಿ.. ದುಡ್ಡಿದೆ ಅಂತ ಆಗ್ತಿರೋದು..

೭) ಸರಿ ರಾತ್ರಿ ಫೋನ್ ಮಾಡಿ, ನಿದ್ದೆ ಕೆಡಿಸಿದಾಗ,

ಮಳ್ಳತನದಿಂದ ಕೇಳೋದು : ಮಲಕೊಂಡಿದ್ದೆಯ?

ಉತ್ತರ : ಇಲ್ಲ, ಆಫ್ರಿಕಾದ ಜುಲು ಜನಾಂಗದವರು ಮದ್ವೆ ಆಗ್ತಾರ ಇಲ್ವ ಅಂತ, ರಿಸರ್ಚ್ ಮಾಡ್ತಿದ್ದೆ, ಮಲಗಿದ್ದೆ, ಅನ್ಕೊಂಡಿಯ?

೮) ಉದ್ದವಿದ್ದ ಕೂದಲು, ಕಡಿಮೆ ಆಗಿದ್ದು ನೋಡಿ,

ಮಳ್ಳತನದಿಂದ ಕೇಳೋದು: ಕಟಿಂಗ್ ಮಾಡಿಸಿಕೊಂಡಿಯ?

ಉತ್ತರ : ಇಲ್ಲ, ಇದು ಯುಗಾದಿ ಟೈಮಲ್ವ, ಹಳೆ ಕೂದಲು ಉದುರಿ ಹೊಸ ಕೂದಲು ಬರುತ್ತಿದೆ.

೯) ಡೆಂಟಿಸ್ಟ್ ಡಾಕ್ಟರ್-ನ,

ಮಳ್ಳತನದಿಂದ ಕೇಳೋದು : ನೋಯಲ್ಲ, ಅಲ್ವ?

ಉತ್ತರ : ಇಲ್ಲ, ಸುಮ್ನೆ, ನೆತ್ತರು ಸುರಿಯುತ್ತೆ ಅಸ್ಟೇ.

೧೦) ನೀವು ಸಿಗರೇಟ್ ಸೇದುವದನ್ನು ನೋಡಿ, ಹೊಸತಾಗಿ ಪರಿಚಯವಾದ ಹುಡುಗಿ,

ಮಳ್ಳತನದಿಂದ ಕೇಳೋದು : ಸೋ, ನೀವು, ಸ್ಮೋಕ್ ಮಾಡ್ತಿರ?

ಉತ್ತರ : ಓ!.. ಇಸ್ಟೊತ್ತೂ ಚಾಕ್ ಪೀಸ್ ಆಗಿತ್ತಿದು, ಇದೇನಿದು, ಇದಕ್ಕೆ ಉರಿ ಹತ್ಕೊಂಡಿದೆ?