ಓ--ಮನಸೇ.....ಕವನ

ಓ...ಮನಸೇ....

ನೀನಿರುವುದು ಕಣ ಕಣಗಳಲಿ
ಕಾಣದಿರುವುದು ಕಣ್ಣು ಕಣ್ಣುಗಳಲಿ
ಕರೆದು ಜಯಿಸುವರುಂಟು ನಿನ್ನ,
ಕರೆಯದೇ-ಕೇಳದೇ ನೀ ಬರುವೆ,
ಗೆಲುವಿನ-ಒಲವಿನ ಒಡನಾಟಕೆ.

ಕೈಕೊಡುವೆ ಆಗಾಗ
ಅಂಗಲಾಚಿದಾ...ಗ
ಅಂತೆಯೇ ಅರಿತಾ...ಗ
ಆದೆಯಾ? ಅಮೃತಮಯ!!!

ಬರೀ ವಿಸ್ಮಯ!!!
ನಿನ್ನ ಆಕಾರ, ವಿಕಾರ, ವಿನಿಮಯ
ಆಳುವೆ ನಮ್ಮೆಲ್ಲರ ಅಂತರಂಗ ಕಾಯ,
ಆಚಾರ, ವಿಚಾರ, ಗಮನೀಯ.

ಚಲಿಸುವೇ ನೀ
ಚಂಚಲದಿಂದ... ಚೈತನ್ಯದವರೆಗೆ
ಆದರೂ ಆಗಿಹೆ ನೀ
ಶಾಶ್ವತ-ಅನನ್ಯ.

ಆತ್ಮವಷ್ಟೇ ಅಲ್ಲ ನೀನು
ಪರಮಾತ್ಮನೂ ಹೌದು ನೀನು
ಮೋಹ, ನೇಹ, ಕಲಹ ವಲ್ಲದ ನೀನು
ದಾಸೋಹಂ ಎಂದರೆ ನಾನು
ಕೇಳುವೆಯೇನೋ???????????