ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 05, 2024
ಬಾಲ್ಯ ಮತ್ತು ವಾರ್ಧಕ್ಯ
ಬಾಲ್ಯವದು
ಮೂಡಣದ
ಚಿಲುಮೆಯ ಸೂರ್ಯ-
ಹೊಸ ಉತ್ಸಾಹ
ವಿಸ್ಮಯ
ಕೌತುಕದ ಬೆರಗು...
ವಾರ್ಧಕ್ಯವದು
ಪಡುವಣದ
ಬಸವಳಿದ ಆರ್ಯ-
ಸಾರವಿಲ್ಲದ
ಅದೇ ಅನುಭಾವ
ಹಳತೆಂಬ ಕೊರಗು!
***
ಆದರ್ಶಗಳ ಧೂಳೀಪಟ
ಅತ್ತ ಕಡೆ ರಾಮ
ಇತ್ತಕಡೆ ಗಾಂಧಿ
ಮಗದೊಂದು ಕಡೆ
ಧರ್ಮರಾಯರು-
ಮೇಲೆ ಅಳುತಿಹರು
ನೋಡಾ...
ರಾಜಕೀಯದೊಂಬರಾಟಕೆ
ಮಾತ್ರ ಅವರ ಹೆಸರು...
ಅವರಾದರ್ಶಗಳನು
ಯಾರೂ ಬಳಕೆ
ಮಾಡುತಿಲ್ಲವೋ
ಮೂಢಾ!
***
ಇತಿಹಾಸ
ತಿನ್ನುವ ಅನ್ನ
ಹೊಟ್ಟೆ ಬಟ್ಟೆ
ಆಶ್ರಯಕಾಗಿ-
ಎಂದೂ ಹುಟ್ಟಲಿಲ್ಲ
ರೋಚಕ
ಇತಿಹಾಸ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 04, 2024
ಮುರಳಿಯನ್ನು ಬದಿಯಲಿಟ್ಟು
ಹೆರಳ ಹೆಣೆವ ನೆಪದಲಿ
ಕರೆವ ಮೊದಲೆ ಬಂದೆ ನೀನು
ತರುಣಿ ಮನವು ಖುಷಿಯಲಿ
ಹರಡಿ ನಿಂತ ಹೆರಳನೆಲ್ಲ
ಕರದಲೊಟ್ಟುಗೂಡಿಸಿ
ಸರಿಯದಂತೆ ನೇಯ್ದ ಜಡೆಯ
ಪರಿಯನೆಂತು ಪೇಳಲಿ
ತುರುಬಿನಲ್ಲಿ ಹೂವನಿಟ್ಟೆ
ಮರೆಯಲಾರೆನೀಕ್ಷಣ
ತಿರುಗದಂತೆ ನನ್ನ ತಡೆದು
ಕರದಲಿಟ್ಟೆ ದರ್ಪಣ
ಅರಿಯಲಾರೆ ಹರಿಯೆ ನಿನ್ನ
ಬರೆದೆ ಪದವ ಪೋಣಿಸಿ
ಬಿರಿದ ಹೂವ ತಂದು ನಿನ್ನ
ಚರಣಕಿರಿಸಿ ಪೂಜಿಸಿ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 03, 2024
ಕಂಬಳಿಹುಳಗಳು
ಕಂಬಳಿ ಹುಳುಗಳು ದಾಳಿಯನಿಟ್ಟರೆ
ಗಿಡಗಳ ನಾಶವು ಇದು ಖಚಿತ
ಸನಿಹಕೆ ಹೋದರೆ ದೇಹಕೆ ತಗುಲಲು
ತ್ವಚೆಯಲಿ ತುರಿಕೆಯು ಇದು ಉಚಿತ
ಗಾತ್ರದೆ ಚಿಕ್ಕದು, ಗುಂಪಲಿ ಬರುವುದು
ಉಳಿಯದು ಗಿಡದಲಿ ಹಸಿರೆಲೆಯು
ಎಲೆಗಳ ಮುಕ್ಕುವ ಭೀಕರ ಹುಳುಗಳ
ಕಾಟದಿ ಫಸಲಿಗೆ ಕತ್ತರಿಯು
ಕೋಶವ ನಿರ್ಮಿಸಿ ಒಳಗಡೆ ಸೇರುತ
ಸಿದ್ಧತೆ ಮುಂದಿನ ಹಂತಕ್ಕೆ
ಬಣ್ಣದ ರೆಕ್ಕೆಯ ಚಿಟ್ಟೆಗಳಾಗುತ
ಸೊಗಸನು ಬೀರಲು ವಿಶ್ವಕ್ಕೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
***
ಗಝಲ್
ಪ್ರೀತಿ ಹಚ್ಚೆಯನು ಹಚ್ಚಿಸಿಯೊಳಗೆ ಏಕೆ ಹೋದೆಯೋ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 02, 2024
ಕನ್ನಡ ನಾಡಿದು ನಮ್ಮದು ಎನ್ನುವ
ಹೆಮ್ಮೆಯು ಹರಿದಿದೆ ನರನಾಡಿ
ಕನ್ನಡ ಮಾತೆಗೆ ಮಣಿಯುವ ಭಕ್ತಿಯು
ನಮ್ಮಯ ಎದೆಯಲಿ ಮನೆಮಾಡಿ
ನೌಕರಿ ಹಿಡಿಯಲು ಬರುವರು ಕೆಲವರು
ಜೀವನ ಪಯಣಕೆ ರಹದಾರಿ
ಅಂಗಡಿ ಇರಿಸಲು ಬರುವರು ಹಲವರು
ಲಾಭವ ದೃಷ್ಟಿಯ ವ್ಯಾಪಾರಿ
ಕನ್ನಡ ಮಾತೆಯು ದೂರಕೆ ತಳ್ಳದೆ
ಮಡಿಲನ್ನೀವಳು ಮಮತೆಯಲಿ
ಬದುಕನು ನೀಡಿದ ಕನ್ನಡ ಮಾತೆಗೆ
ಗೌರವ ಇಲ್ಲವೆ ಇವರಲ್ಲಿ?
ಕನ್ನಡ ಅರಿಯದ ಯಾರನೊ ಕರೆವರು
ಬರೆಸಲು ಕನ್ನಡ ಬರಹಗಳ
ಏನಿದರರ್ಥವು ಯಾರಿಗೆ ಅರಿವುದು?
ಮಾಡುವರಿಂತಹನರ್ಥಗಳ||
-ಪೆರ್ಮುಖ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 01, 2024
ಈ ಕಾಲದಲ್ಲೂ
ಜಾತಿಗಳೆಂಬ ಹೆಗ್ಗಣಗಳು
ಇರುವುದು ವಿಶೇಷ
ಆ ಜಾತಿ ಈ ಜಾತಿ
ಎನ್ನುತ್ತಲೇ ನಾವು
ಅಜಾದಿಗಳು
ಜಾತ್ಯಾತೀತವೆನ್ನುವರ
ಕಂಡಾಗ, ನಗುವುದೋ
ಅಳುವುದೋ !
ಜನಸಾಮಾನ್ಯರೆ
ನೀವೇ ಹೇಳಿ...?
ಜಾತಿಯಿಂದಲೇ
ರಾಜಕೀಯ !
ಮಾಡುವವರಿಗೆ;
ಅನ್ನುವವರಿಗೆ,
ಪ್ರಜಾಪ್ರಭುತ್ವದ
ಕಿರೀಟ ಬೇಕೇನು ?
ಇಂದು
ರಾಜಕೀಯದಾಟದಲ್ಲಿ
ಓಟು ಹಾಕಿದವ
ಕೋಡಂಗಿ ,
ಹಾಕಿಸಿಕೊಂಡು ಮೆರೆದವನು
ವೀರಭದ್ರ !
ಅನ್ನುವಂತಾಗಿದೆ
ಛಲವಾದಿಯೆ !!
-ಹಾ ಮ ಸತೀಶ ಬೆಂಗಳೂರು
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 31, 2024
ಸೇವಾ ಭಾಗ್ಯವ ಕರುಣಿಸೆಯಾ
ಕಾದಿರುವೇ ನಾ, ಜಗದೊಡೆಯಾ||ಪ||
ನಂಬಿ ಬಂದಿರುವೆ ನಿನ್ನಡಿಗೆ
ತಾಮಸ ಏತಕೆ ಓ ಪ್ರಭುವೆ
ಕಂದನ ಮೊರೆಯಾ ನೀ ಕೇಳು ದೇವಾ
ಒಲವಿಂದ ಬಂದೀಗ ಸಲಹೆಂದು ಬೇಡುವೆ||ಅ.ಪ.||
ಕೈಜೋಡಿ ಮುಂದೇ ನಿಂತಿರುವೆ
ನೀನೇಕೆ ನನ್ನಲಿ ಮುನಿದಿರುವೆ
ಈಶಾ ಪರಮೇಶಾ ಕನಿಕರಿಸು
ದುರಿತವ ತಕ್ಷಣ ಪರಿಹರಿಸು
ನಿನ್ನಯ ಪಾದ ನಂಬಿದೆ ದೇವಾ
ಮುಕ್ಕಣ್ಣ ಪಾಲಾಕ್ಷ ಗಿರಿಜೇಶ ಶಂಕರ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 30, 2024
ಹಾರುವ ಹಕ್ಕಿಯ ಗೂಡಲಿ ಬಂಧಿಸೆ
ಹಾರುವುದೆಂತದು ಹೊರಗಡೆಗೆ
ಹೂವಿನ ದಳಗಳ ಒಳಗಡೆ ಸಿಲುಕಿದ
ದುಂಬಿಯು ಬಂಧಿತ ಹೂವೊಳಗೆ
ಪ್ರೀತಿಯ ನೋಟದ ಔತಣ ತೊರೆವೆನೆ?
ಕಣ್ಣಲೆ ನೀಡುವೆ ಕರೆಯೋಲೆ
ಸರಸದ ಸವಿಯಲಿ ಮೈಯನು ಮರೆತಿರೆ
ಬಂಧಿತನಾದೆನು ಒಲವಿನಲೆ
ಜಗವನು ಮರೆಸುವ ಒಲವಿನ ಸಿಂಚನ
ಪುಳಕಿತಗೊಳಿಸುವೆ ಪ್ರೇಮದಲಿ
ವೇಳೆಯ ಕಳೆಯದೆ ಬಾರೆಯ ಸನಿಹಕೆ
ಸೇರಿಕೊ ನನ್ನಯ ತೋಳಿನಲಿ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 29, 2024
೧.
ನಿಶೆಯಿದ್ದರೆ ಮನದಲಿ ಗೆಲುವು ಖಚಿತ
ಕಸುವಿದ್ದರೆ ಮನದಲಿ ಗೆಲುವು ಖಚಿತ
ಜೀವವಿದ್ದರೆ ಮನದಲಿ ಗೆಲುವು ಖಚಿತ
ಒಲವಿದ್ದರೆ ಮನದಲಿ ಗೆಲುವು ಖಚಿತ
ತನುವಿದ್ದರೆ ಮನದಲಿ ಗೆಲುವು ಖಚಿತ
ಹಣವಿದ್ದರೆ ಮನದಲಿ ಗೆಲುವು ಖಚಿತ
ಮೌನವಿದ್ದರೆ ಮನದಲಿ ಗೆಲುವು ಖಚಿತ
ಗುಣವಿದ್ದರೆ ಮನದಲಿ ಗೆಲುವು ಖಚಿತ
ಎಚ್ಚರವಿದ್ದರೆ ಮನದಲಿ ಗೆಲುವು ಖಚಿತ
ಸವಿಯಿದ್ದರೆ ಮನದಲಿ ಗೆಲುವು ಖಚಿತ
***
೨.
ಸವಿಯನಿಂದು ಕೊಡಲು ಹೋದೆ ತೆಗೆದುಕೊಳ್ಳಲಿಲ್ಲ
ಮತ್ತಿನಲ್ಲಿ ಮುದ್ದಿಸಲು ಕಾದೆ ಪಡೆದುಕೊಳ್ಳಲಿಲ್ಲ
ಮೋಹವಿಂದು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 28, 2024
ಕಣಕಣದಲ್ಲಿಯು ಬೆರೆತಿಹ ಪ್ರೇಯಸಿ
ತನುಮನ ನಿನ್ನನೆ ಆಶಿಸಿದೆ
ಸನಿಹಕೆ ಬಂದರೆ ದೂರಕೆ ಸರಿಯುವೆ
ಇನಿಯನ ಕಾಡುವೆ ಇದು ಸರಿಯೆ?
ನಗುವಿನ ಮೊಗದಲಿ ಗಲ್ಲದ ಈ ಗುಳಿ
ಕಚಗುಳಿ ಇಡುತಿದೆ ಮುಂಗುರಳು
ತಾರೆಯ ಹೊಳಪಿನ ಸುಂದರ ಕಣ್ಗಳು
ಕಾಡುತಲಿರುವುದು ಹಗಲಿರುಳು
ನೆನಪಿನ ಹಕ್ಕಿಗೆ ಸರಪಳಿ ಬಿಗಿಯುತ
ಮನಸಿನ ಗೂಡಲಿ ಬಂಧಿಸಿದೆ
ಕನಸನು ಕಾಣಲು ಆಸ್ಪದೆ ಎಲ್ಲಿದೆ?
ಮನವಿದು ವಿರಹದಿ ನಿದ್ರಿಸದೆ
ಒಲವಿನ ಬೇಡಿಕೆ ಇರಿಸಿದೆ ನಿನ್ನಲಿ
ಒಲ್ಲೆನು ಎನ್ನದೆ ಬಳಿ ಬಾರೆ
ಬಲ್ಲೆನು ನಿನ್ನಲಿ ಅವಿತಿಹ ಪ್ರೇಮವ
ಬದುಕಲಿ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 27, 2024
ಗದ್ದುಗೆಯನೇರುವುದು ಎದ್ದು ಮೆರೆದಾಡುವುದು
ಸುದ್ದಿಯಲ್ಲಿಯೆ ಇರುವ ಮಹದಾಸೆ ಜೊತೆಗೆ
ಹದ್ದಿನಂತೆಯೆ ಇರುವ ಜಿದ್ದು ತುಂಬಿದ ಮನದಿ
ಕದ್ದು ಕೋಳಿಯ ತಿನುವ ಕುಹಕ ನಡವಳಿಕೆ.
ಅದ್ದುತ್ತ ವಾಂಛೆಗಳ ಸಿದ್ಧಿಸಲು ಬಯಕೆಗಳು
ಗೆದ್ದು ಬರಲೇ ಬೇಕು ಎನುವ ಹಪ ಹಪಿಕೆ
ಉದ್ದುತಲಿ ನಯವಿನಯ ಉದ್ದಂಡ ನಟನೆಗಳ
ಖುದ್ದಾಗಿ ಮಾಡುತ್ತ ಸದ್ದು ದಿನ ಬಳಕೆ
ಪೆದ್ದುತನವೇನಲ್ಲ ಮದ್ದಿರದ ರೋಗವಿದು
ಬಿದ್ದರೂ ಮೂಗು ಮಣ್ಣಾಗಿರದ ಹಾಗೆ
ಮುದ್ದು ಮಾಡುತಲಿದ್ದ ಮರಿಯನ್ನೆ ಹಸಿವಾಗಿ
ಮೆದ್ದು ಬಿಡುವಂತಿರುವ ಮಾರ್ಜಾಲ ಹೀಗೆ
…