ಕವನಗಳು

ವಿಧ: ಕವನ
December 02, 2020
ಸುಂದರ ಸಂಜೆಯ ಪಡುವಣ ದಿಕ್ಕಿಗೆ ಮೂಡಿದೆ ಬೆರಗಿನ ಹೊಂಬಿಸಿಲು ಸಂಧ್ಯಾ ಕಾಲದಿ ಭೂರಮೆ ಅನುಪಮ ರೂಪವ ಧರಿಸುತ ಮೆರೆದಿಹಳು||   ಮೆಲ್ಲನೆ ನೇಸರ ನಿದಿರೆಗೆ ಜಾರಲು ಅಂಬರ ಹೊದ್ದಿದೆ ಹೊಂಬಿಸಿಲು ಪ್ರೇಯಸಿ ಬಯಸಿದ ಪ್ರೇಮಿಯ ಹೃದಯವು ತಳಮಳಗೊಳ್ಳಲು ಮನಮುಗಿಲು||   ದಿನಕರ ಮುಳುಗಲು ಧರೆಯಲಿ ಕವಿಯಿತು ಕಂಡಿಹ ಕನಸಿನ ಸವಿಗತ್ತಲು ಪ್ರಿಯಕರ ಪ್ರೇಮಿಯ ಹೃದಯವ ತಣಿಸಲು ಸುತ್ತಲು ಮೌನವು ಆವರಿಸಿತು||   -ಶ್ರೀ ಈರಪ್ಪ ಬಿಜಲಿ   
ವಿಧ: ಕವನ
December 02, 2020
ನಾರಿಯ ಮೈಯಲಿ ಗರಿಗರಿ ಸೀರೆಯು ಮಿರಮಿರ ಮಿಂಚಿದೆ ಮದುವೆಯಲಿ ಪೋರಿಯ ಕೈಯಲಿ ಬಣ್ಣದ ಬಳೆಗಳು ಮಿನುಗಿವೆ ಫಳಫಳ ಹೊಳೆಯುತಲಿ||   ಹಸಿರಿನ ಬಣ್ಣದ ಬಳೆಗಳು ಹೇಳಿವೆ ತವರಿನ ಹರ್ಷದ ನೆನೆಪುಗಳ ಉಸಿರಿಗೆ ಉಸಿರಿನು ಕೊಡುತಿಹ ನಲ್ಲನ ಭರವಸೆ ಹೃದಯದಿ ಛಾಪುಗಳು||   ಪಂಚಮಿ ಹಬ್ಬದ ಸುಂದರ ಕ್ಷಣಗಳು ಉಕ್ಕುತ ಬರುತಿವೆ ಕಂಗಳಲಿ ಸಂಚನು ಮಾಡದ ಬಾಲ್ಯದ ಸಖಿಯರ ಸವಿನಯ ಮೈತ್ರಿಯು ಎದೆಯಲ್ಲಿ||   ಅಂದದ ಚೆಂದದ ಬಣ್ಣದ ಬಳೆಗಳು ಮುತ್ತೈದೆ ಭಾಗ್ಯವು ಹೆಂಗಳಿಗೆ ಮಂದಾರ ಪುಷ್ಪದ ಚೆಲುವದು ಹೊಮ್ಮಿದೆ ಬಂಧನಗೊಳ್ಳುವ…
ವಿಧ: ಕವನ
December 02, 2020
ನೆಲೆ ಕಾಣಲಿ ಗಿಡ ಮರದಲಿ ನೆಲ ಹೊಲದ ಬದಿಯಲಿ ಕದ ಇರುತಲಿ ಮನೆ ಎದುರಲಿ ಮನ ಭಯವು ಹೋಗಲಿ   ಇಳಿ ವಯಸಲಿ ಹೊಸ ಭಯಕೆಯು ಕುರೆ ತೆರೆಯೆ ತನುವಲಿ ಹುಸಿ ಮುನಿಸದು ತಲೆ ತಿನ್ನುತ ಸವಿ ತಿನಿಸು ಎದುರಲಿ   ಕಿವಿ ಒಳಗಡೆ ಹುಳು ಹೋಗಲು ಕುರು ಬೆಳೆಯು ಜೀವದಿ ಕರು ಕಾಣದೆ  ಹಸು ಕೂಗಲು ತುರು ನಲಿಯು ಚೆಂದದಿ   ಹಸಿ ಮಣ್ಣಲಿ ಕುಶಿ ಎದ್ದಿದೆ ಇಳಿ ಕನಸು ನನಸಲಿ ಹುಳಿ ಬಾರದೆ ಬಿಳಿ ಹರಡಲಿ ಹಿರಿ ಅರಸ ಬದುಕಲಿ   ಈ ಛಂದಸ್ಸು ರಹಿತ ಕವನದಲ್ಲಿ ಬರುವ ಮಾತ್ರಕ್ಷರ ಗಣ ಹೀಗಿದೆ  ೨+೪ ೨+೪ ೨+೩+೪ ೨+೪ ೨+೪ ೨+೩+೪ ಈ…
ವಿಧ: ಕವನ
December 01, 2020
ತರಗೆಲೆಗಳ ಹೊದಿಕೆಯ ಕೆಳಗೆ ಯಾರಿಗೂ ಬೇಡದವನಾಗಿ ಬಿದ್ದಿದ್ದೆ... ಯಾರಿಗೂ ನನ್ನ ಪರಿವೆಯೇ ಇರಲಿಲ್ಲ.. ಅಲ್ಲೇ ಹೂತು ಹೋಗಿದ್ದೆ...   ದಿನಗಳು ಉರುಳುತ್ತಿದ್ದವು ನನ್ನೊಳಗೆ ಏನೇನೋ ಆಶಾಭಾವ ಏನೋ ಹೊಸತನ!   ತಣ್ಣನೆ ಗಾಳಿ, ಹನಿ ಹನಿ ಮಳೆ ನಾನು ಬಿದ್ದುಕೊಂಡಿದ್ದ ಸುಡುತಿದ್ದ ಭೂಮಿ ಮೆದುವಾಗಿ ನನಗಿಳಿಯಲು ಹದವಾಗಿತ್ತು...   ಜಡ ಬಿಟ್ಟೆ ಮೆಲ್ಲನೆ ಮೊಳಕೆಯೊಡೆದೆ.. ಗೆದ್ದಲ ಹುಳ, ಇರುವೆಗಳ ಹಸಿವೆಯ ನಡುವೆಯೂ ಹೆದರದೆ ಚಿಗುರಿದೆ ಗಿಡವಾದೆ...   ರವಿಯ ಬೆಳಕಿಗೆ ಬೀಸು ಗಾಳಿಗೆ ಬಿಡಿಸಿದೆ ಬದುಕಿನ…
ವಿಧ: ಕವನ
December 01, 2020
ಜೊನ್ನೊಡಲ ಹೊಳಪದು ಹಾಲ್ನೊರೆ ಬೆಳಕಲಿ ತಿನ್ನುತಿಹರು ಬೆಳದಿಂಗಳ ರಾತ್ರಿಯಲಿ| ಬೆನ್ನ ಹಿಂದೆ ಶಶಿಯ ಬೆಳಕನು ನೋಡುತ ತನ್ನೊಡಲ ಕನಸಿನ ಮಧುರತೆಯಲಿ||   ಬಾನಗಲದ ತುಂಬ ತಾರೆಗಳಂದಕೆ ತಾನನದಲಿ ಕೇಳಿ ಬರುವ ರಾಗ ಜೇನಿನಂತೆ ಸೊಗಸು ಜೇಯದಿ ಬೀಗುತ ಗಾನದಲ್ಲಿ ತೇಲಿ ಬಂದ ಚಾಗ||   ಧರೆಯ ತುಂಬ ಜೊನ್ನ ಚೆಲ್ಲುತ ಬೆರುಗಲಿ ಮರೆಯ ಮಾಡಿ ಚಾಂಪೆಯಿಕವು ನೋಡಿ ಸರಿಕತನದಿ ಸವಿಯ ನೋಟವ ಬೀರುತ ಸರಿಸಿಜಾತವು ನಗುತಿರುವ ಮೋಡಿ||   ಮೇದಿನಿಯಲಿ ಹಾಲ್ಬೆಳಕ ರಂಗು ಚೆಲ್ಲುವ ಪಾದಪದ್ಮ ಚೆಲುವಿನೋತ್ಸವವದು| ವಾದನದಲು…
ಲೇಖಕರು: Shreerama Diwana
ವಿಧ: ಕವನ
November 30, 2020
(ಮಾತ್ರಾ ಚೌಪದಿ) ಢಾವಣಿಯ ಮಾರುತದಿ ಭಯದಲ್ಲಿ ನಡುಗಿ ನಾವಿಕನು ಹೊರಟಿಹನು ಕಡಲಲ್ಲಿ ತಾನು ಹಾವನ್ನು ನೋಡಿದಂತೆಯೆ ತಾ ಭಯದಲಿ ಭಾವಿಸುತ ನಿಂತಿರಲು ಮಾರುತದ ಹಾದಿ||   ರಭಸದಲಿ ತೆರೆಯುಕ್ಕಿ ಭೋರ್ಗರೆದು ಬಂತು ನಭದಲ್ಲಿ ತಾರೆಯದು ಹರ್ಷದಲಿ ನಿಂತು ಸಭೆಯಲ್ಲಿ ಕುಳಿತಿರುವ ರಾಯನಾ ಠೀವಿ ಶುಭವಲ್ಲ ನನಗಿಂದು ಮಾರುತದ ಪಥವು||   ನಡುಗುತ್ತ ನಿಂತಿಹನು ಕಳವಳದ ಮನದಿ ಗುಡುಗೊಂದು ಬಾನಿನಲಿ ಗಡಗಡವೆನುತಲಿ ತಡಮಾಡದೆಯೆ ಹೊರಟಿಹನು  ಜೋರಿನಲ್ಲಿ ಸಿಡಿಲ ಹೊಡೆತವು ಬಡಿದು ನಾವಿಕನಡಗಿಗೆ||   ನುತಿಸಿದನು…
ಲೇಖಕರು: Shreerama Diwana
ವಿಧ: ಕವನ
November 28, 2020
ಜೂಳೆಯವು ಬೈತಲೆಲಿ ಡಾಳಯಿಸಿ ರಂಜಿಸಿದೆ ತಾಳೋಲೆ ಚೆಲುವಲ್ಲಿ ಶೋಭಿಸುವಳು ತೋಳುಬಂದಿಯ ಹೆಣ್ಣು ˌನೀಳಕಾಯದ ಚೆಲ್ವಿ ಪಾಳದಲಿ ಪದಕವದು ಮಿಂಚುತಿಹುದು||   ಮಾನಿನಿಯ ಸುಂದರತೆ ಕಾನನದ ಶಾಡ್ವಲವು ಬಾನಿನಲಿ ಚೆಲಿಸುವ ಚಂದ್ರನಂತೆ| ಗಾನವದು ಪಾಡುತಲಿ ತಾನನದ ಪಾರಮ್ಯ ಮೋನದಲೆ ಸಾಗುತಿಹ ತಾರೆಯಂತೆ||   ಹಸನ್ಮುಖಿ ಮೊಗದಲ್ಲಿ ಯಶದಲ್ಲಿ ಬೀಗುತಿದೆ ಪಸಿರ್ಗಲ್  ರತ್ನದಲಿ ಝೇಂಕರಿಸುತ| ಬೆಸುಗೆಯಲಿ ಬಂಧಿಸಿದೆ ಮುಸುಕನ್ನು ತೆರೆಯುತ್ತ ಬಸಂತದ ಕೋಗಿಲೆಯ ಕಂಪಂತೆಯೆ||   ಕಂಜರದ ನಡೆಯವಳು ಮಂಜಿನಲಿ ಮೆರೆಯುತ್ತ…
ಲೇಖಕರು: Shreerama Diwana
ವಿಧ: ಕವನ
November 28, 2020
ಅಂಧಕಾರ ಮುಸುಗಿರುವ ಬಾಳಿಗೆ ಬೆಳಕಾಗಿರುವೆ ಪ್ರಿಯೆ|| ದಾರಿಯು ಕಾಣದ ಪಯಣಿಗನಿಗೆ ಮಾರ್ಗವಾಗಿರುವೆ ಪ್ರಿಯೆ||   ಎದೆಯಲ್ಲಿ ಅಂತರ್ಧಾನವಾದ ಒಲವನು ಪಿಸುನುಡಿಯಲಿ ಅರುಹುವೆ| ಹೃದಯವು ಮೌನ ಧರಿಸಿ ಕಂಗಳೆದುರಲಿ ಕಾಣದಾಗಿರುವೆ ಪ್ರಿಯೆ||   ಎರಡು ಮನದಲಿ ಒಂದೆ ಪ್ರಾಣದ ಬಿಂದುವಾದ ಚಂದ್ರಿಕೆ| ಹಾಲು ಜೇನಿನ ಮಿಲನದಂತೆಯೆ ಮಿಶ್ರವಾಗಿರುವೆ ಪ್ರಿಯೆ||   ಸುಮಕೋಮಲೆಯ ಬಣ್ಣಿಸುವ ಕಲೆಗಾರನ ಕಲಾಕುಂಚ| ಸರಿಗಮದ ಸ್ವರದಲಿ ರಾಗತಾಳದಿ ಗಾನವಾಗಿರುವೆ ಪ್ರಿಯೆ||   ರಂಗಸಜ್ಜಿಕೆಯ ಡೌಡೆಯ ನಾದದಲಿ ಕುಣಿಯುವ…
ಲೇಖಕರು: Shreerama Diwana
ವಿಧ: ಕವನ
November 27, 2020
ಅರಿಯದೂರಿಗೆ ಹೊರಟಿದೆ ನನ್ನೀಮನ ಅರಸಿ ಅವನೊಲವ ಸೊಗಸನು ಅನುಪಮದೂಯ್ಯಾಲೆಯಲಿ ಅವಿತು ಆಲಂಗಿಸಿದ ಅವನಾಡಿದ ನುಡಿಯನು||   ಆಕಸ್ಮಿಕ ಭೇಟಿಯ ಅನುಲಂಘನೀಯ ಕ್ಷಣ ಅಪರಿಮಿತ ಖುಷಿಯ ಹೊತ್ತುತಂದಿತು ಅನುದಿನ ಅನುಕ್ಷಣ ನನ್ನೆದೆಯ ಮಿಡಿತದಿ ಅಭೀಪ್ಸೆಯ ಪರಿಷೆಯಲಿ ನಿಂತಿತು||   ಅವನಿಲ್ಲದೆ ನನ್ನೀ ಹೃದಯ ಢವಢವ ಅಸ್ಥಿರದಿ ದಾವತಿಸಿದ ದೇಹದಂತೆ ಅನುರಾಗ ಮಾಲಿಕೆಯ ಅನುಪಮ ರಾಗ ಅಹೇತುವಿಲ್ಲದೆ ಒಣಗಿದ ಸುಮದಂತೆ||   ಅಸ್ತವ್ಯಸ್ತವಾಗಿದೆ ಮನದ ಹಾಳೆಯ ಬರಹ ಅಸ್ಪುಟದಿ ಕಾರಣವಿಲ್ಲದೆ ಮನವು ಅಸ್ವಸ್ಥದಿ ಸೊರಗಿತು…
ಲೇಖಕರು: Shreerama Diwana
ವಿಧ: ಕವನ
November 26, 2020
( ಜಲ ಷಟ್ಪದಿ) ಡೋಲು ಬಾರಿಸಿ ಹಾಲು ಕುಡಿದನು ಸೋಲನರಿಯದ ರಾಮನು| ಕಾಲ ಮೇಲೆಯೆ ಡೋಲನಿಕ್ಕುತ ಬಾಲ ಪಂದ್ಯವ ಗೆದ್ದನು||   ಅಂಗಿ ತೊಟ್ಟನು ರಂಗು ರಂಗಲಿ ಚಂಗು ಚಂಗನೆ ಹಾರುತ| ಭೃಂಗದಂತೆಯೆ ಶೃಂಗದಲ್ಲಿಯೆ ಹಂಗು ತೊರೆದನು ಬಡಿಯುತ||   ಎಣಿಕೆ ಮಾಡಲು ಗುಣಿಕೆ ಬಡಿತವ ತಣಿಸಿ ಮನವದು ನಾದವು| ಉಣಿಸಿ ಗೀತವು ಕುಣಿಸಿ ಹೃದಯವ ದಣಿಯದಂತಹ ಮೇಳವು||   ಚಿಕ್ಕ ಮಕ್ಕಳು ನಕ್ಕು ನಗುತಲಿ ಹೊಕ್ಕು ಬಡಿದರು ಡೋಲನು| ರೆಕ್ಕೆ ಬಡಿಯುವ ಹಕ್ಕಿಯಂತೆಯೆ ಚುಕ್ಕೆಯಾದನು ರಾಮನು||   ಪುಳಕಗೊಳ್ಳಲು ತಳುಕ ತೋರುತ ಚುಳುಕ…