ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 30, 2025
ಕನಸಿನೂರಿಗೆ
ಒಮ್ಮೆಯಾದರೂ..
ನಿನ್ನೊಡನೆ
ಹೋಗಿದ್ದರೆ...
ಎಷ್ಟು ಚೆಂದವಿತ್ತು.!
ಒಲವಿನರಮನೆಯಲ್ಲಿ
ಪ್ರೇಮಸಿಂಹಾಸನದಿ
ಕರಪಿಡಿದು ಕುಳಿತು
ಜೊತೆ ಬೀಗುತ್ತಿದ್ದರೆ...
ಅದೆಷ್ಟು ಸೊಗಸಿತ್ತು.!
ಮಧು ಕಾವ್ಯಧಾರೆಯಲಿ
ಮೆಲ್ಲ ನೆನೆಯುತ್ತ
ನನ್ನದೇ.. ಸಾಲುಗಳಿಗೆ
ಹೆಜ್ಜೆ ಹಾಕುತ್ತಿದ್ದರೆ
ಎಂತಹ ಮುದವಿತ್ತು.!
ಪ್ರತಿಪದ ಪದವು
ಪದ್ಯಗಳಾಗಿ ಹೃದ್ಯವಾಗಿ
ನೋಟ ನಗೆ ವೇದ್ಯವಾಗಿ
ಭಾವವೀಣೆಯಾಗಿದ್ದರೆ..
ಅದೆಂತ ಹಿತವಿತ್ತು.!
ಜಗದ ಜಾತ್ರೆಯಲಿ
ಕಳೆದುಹೋದ
ನೀನೊಮ್ಮೆ ಸಿಗಬೇಕಿತ್ತು.!…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 29, 2025
ಬಾನಿನಲಿ ನೋವಿತ್ತು, ಯಾರೂ ಕೇಳದೆ ಇಹರು
ಬುವಿಯಲಿ ಬೆಳಕಿತ್ತು, ಎಂದೂ ನೋಡದೆ ಇಹರು
ಶಿಖರದಲಿ ಹಿಂದೆ ಮರಗಳಿದ್ದವೋ, ಇಂದಿಲ್ಲ ಏಕೆ
ಒಡಲಿನಲಿ ತುಂಬಿದ್ದ ಪ್ರಾಣವನು, ಕಾಣದೆ ಇಹರು
ಮನದಲಿ ಮಲಗಿರುವ ಹೆಣ್ಣಿನಲಿ, ಕನಸದು ಇದೆಯೆ
ಜೀವನ ದೋಣಿ ಮುಳುಗುತ, ಜನರು ಹಾರದೆ ಇಹರು
ಭವದಲಿ ಮೂಡಿರುವ ಬಯಕೆಗಳಿಗೆ, ಕೊನೆ ಇಲ್ಲವೆ
ತಳದಲಿ ಕಂಡಿರುವಂತ ನೋವನು, ಹೇಳದೆ ಇಹರು
ಕತ್ತಲಲಿ ಬೆಳಕ ಹೇಗೆ ಹುಡಕಿದರೂ, ಸಿಗಲಿಲ್ಲ ಈಶಾ
ಮರದಲಿ ಕುಳಿತವರ ನೋಡಿದರೂ, ಚೀರದೆ ಇಹರು
-ಹಾ.ಮ ಸತೀಶ ಬೆಂಗಳೂರು
ಚಿತ್ರ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 28, 2025
ಬಂದಿದ್ದನ್ನು ಬಂದ ಹಾಗೆ ಅಪ್ಪಿ ಬಿಡು
ಇದ್ದದ್ದನ್ನು ಇದ್ದ ಹಾಗೆ ಮುಕ್ಕಿ ಬಿಡು
ಕಾರಣ ಇಲ್ಲದೆ ಯಾರೂ ಬೈಯರೇ
ದ್ವೇಷ ಅಸೂಯೆಯನು ಮೆಟ್ಟಿ ಬಿಡು
ರೋಗಗ್ರಸ್ಥ ಮನಕಿಂದು ಏನೆನ್ನಲಿ
ಗಾಯಕ್ಕೆ ಮುಲಾಮು ಹಚ್ಚಿ ಬಿಡು
ಜೊತೆ ಆದವ ಕೊಲೆಗಾರ ಹೇಗಾದ
ವೇದನೆಯೊಳು ಅವನ ಸುದ್ದಿ ಬಿಡು
ಬಚ್ಚಿಟ್ಟ ನೋವ ಮರೆಯಲೇ ಈಶ
ಅಸಲ ಕೊಡುವೆನು ನಾ ಬಡ್ಡಿ ಬಿಡು
-ಹಾ.ಮ ಸತೀಶ ಬೆಂಗಳೂರು
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 27, 2025
ಬಾವನೆ ಇರುವಲ್ಲಿ ಪ್ರೀತಿ ತಾನ್ ಬರುವುದು
ಖುಷಿಯ ವಿಚಾರಗಳು ನಮ್ಮೊಳಗೆ ಇರುವುದು
ಏನನ್ನು ಸಾಧಿಸಬಹುದು ದ್ವೇಷ ಅಸೂಯೆಯಿಂದ
ಕೈಹಿಡಿದು ಸಾಗುತಿರೆ ಒಲವಿಂದು ಸೇರುವುದು
*
ಉಪ್ಪು ಖಾರ ಹುಳಿ ತಿಂದ ದೇಹವು
ತಪ್ಪು ಮಾಡಿದರೂ ಒಳ ಮರೆವು
ಮಾಡುತ್ತಾ , ಇನ್ನೊಬ್ಬನ ತಪ್ಪ ಹೇಳಿದರೆ
ಸತ್ಯಕ್ಕೂ ಮತ್ತೆ ಬಂದೀತೆ ಅರಿವು
*
ಜೀವನವು ಜಂಜಾಟ
ಬದುಕಿನಲಿ ಬರಿಯಾಟ
ಹೊತ್ತಾರೆ ಎದ್ದರೂ
ಬಾಳಿನೊಳು ಗೋಳಾಟ
*
ಯಾರು ದೊಡ್ಡವರು ಸಣ್ಣವರು ಯಾರದು
ಅವರವರ ಕೌಶಲ್ಯವು ಅವರವರಿಗೆ ಇಹುದು
ಸಣ್ಣತನ ತೋರದಿರಿ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 26, 2025
ತಂದೆ ಜೀವದುಸಿರಿರುವಂಥ ದೇವನು ತಿಳಿಯು
ಬಂದು ಕಾಲನು ಹಿಡಿಯು ಅವನ ದಿನವಿಂದು |
ತಂದೆಗಿಂತಲು ಬಳಗ ಬೇಕೆ ನಿನಗೆಂದೆಂದು
ತಂದೆ ಒಲುಮೆಯ ಗಳಿಸೊ --- ಛಲವಾದಿಯೆ||
*
ಬರದಿರುವ ಕನಸುಗಳ ಬಗೆಗೆ ಚಿಂತೆಯು ಬೇಕೆ
ಬರುವಂಥ ಕನಸುಗಳ ಬಳಸಿ ನೀ ಬೆಳೆಯು |
ತರತರದ ಕಷ್ಟಗಳ ಎದುರಿಸುತ ಬೆಳಗುತಲಿ
ಚಿರಕಾಲ ಬಾಳು ನೀ --- ಛಲವಾದಿಯೆ||
*
ಯೋಗದಿನದೊಳು ನಾವು ಯೋಗಿಯಾಗುತ ಸಾಗೆ
ಯೋಗತನವದು ನಮ್ಮ ತನುವೊಳಗೆ ಸೇರೆ|
ಭೋಗ ಅತಿ ಭೋಗಗಳು ಕಳಚಿ ದೂರದಿ ಬೀಳೆ
ಯಾಗ ಮಾಡಿದ ಫಲವು -- ಛಲವಾದಿಯೆ ||
*
ಕಷ್ಟ ನಷ್ಟ …
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 25, 2025
ಮಳೆ ನಿಂತಾಗ
ಅವಳ ಪ್ರತೀಕಾರವಿತ್ತು;
ಮನಸಿನಲಿ ಮೂಡಿದ
ನೂರೆಂಟು ಪ್ರಶ್ನೆಗಳ
ಹನಿಗಳು
ಇನ್ನೂ ಮೋಡದಲ್ಲೇ
ಉಳಿದಿತ್ತು..
ಊಹೆಗೆ ನಿಲುಕದ
ಮೂರ್ಕಾಸಿನ ಬದುಕು
ಬದುಕಿದ್ದಷ್ಟೂ ವನವಾಸ;
ನಗುವೆಂದರೆ
ಎಂದೋ ಮೂಡುವ
ಕಾಮನ ಬಿಲ್ಲು..
ಕಡೆ ಪಕ್ಷ ಕೊಚ್ಚಿಹೋದರೂ
ಅಡ್ಡಿಯಿರಲಿಲ್ಲ
ಸೋನೆಯೇ ಸಂಕಟ
ದೂರಮಾಡಿದರೆ
ಅದಕಿಂತ ಮಿಗಿಲಾದ
ಅತ್ಯಾಪ್ತರಿಲ್ಲ..
ಸಿಕ್ಕು ಹಿಡಿದ ಕೂದಲಿಗೂ
ಮಲ್ಲಿಗೆಯ ಪರಿಚಯವಿತ್ತು;
ಎಂದೋ ನೇಪಥ್ಯಕೆ ಸೇರಿದ
ಅವನ ಚಿತ್ರಪಟ
ಹಳೇ ಊದು ಕಡ್ಡಿಯ
ಉಪಸ್ಥಿಯ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 24, 2025
ಎಲ್ಲ ಮರೆತು ಹೋದೆ ತಂದೆ
ನನ್ನ ಬುವಿಗೆ ತರುತಲೆ
ಮೌನವಾದ ಕಡಲಿನೊಳಗೆ ನಿನ್ನ ಪ್ರೀತಿಯಿಡುತಲೆ
ಮಾತುಕತೆಯ ನೋಡದಾದೆ
ಮುದ್ದಿಸುವುದ ಕಾಣದಾದೆ
ದೂರದಲ್ಲೆ ಕೂತ ನಿನ್ನ ಅಳುವ ಕಂಡು ಬೆಳೆದೆನೆ
ನಿನ್ನ ಒಡಲ ಪ್ರೀತಿ ಸಿಗದೆ
ಸಾಗುತಿರುವೆ ಎಲ್ಲೆ ಇರದೆ
ಹೃದಯದಾಳದೊಳಗೆ ಇರುವ ನಲಿವ ಮರೆತು ಕುಳಿತೆನೆ
ಬೀದಿಯೆಡೆಯೆ ತಿರುಗಿ ನಿಂದೆ
ದಾರಿ ಸವೆದ ಚಿತ್ರವೆಂದೆ
ಬದಿಗೆ ಸರಿದ ಒಲುಮೆಯನ್ನು ತಬ್ಬಿ ಹಿಡಿದು ಮಲಗಿದೆ
ವ್ಯಾಧಿಯೊಳಗೆ ಸಾಗುತಿರುವೆ
ಮತ್ತೆ ಸವಿಯು ಮೂಡದೆ
ಅಂತರಂಗ ಗಗನ ಕುಸುಮ ಎನುತ ಕಾಲ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 23, 2025
ನನ್ನ ಅಪ್ಪನೆಂದರೆ ಹೀಗೆ
ಹೇಗೆಂದರೆ
ನೇರ ದಿಟ್ಟ ನಿರಂತರ ದುಡಿಮೆ
ಕಾಯಕದೊಳು ನೆಲೆ
ಕಂಡುಕೊಂಡಾತ
ಇತರರಿಗೂ ಕಾಯಕದ
ಬೆಲೆಯ ಹೇಳಿ ಕೊಟ್ಟಾತ
ಅಪ್ಪ ಹೇಳುತ್ತಿದ್ದುದೇ
ದುಡಿದು ತಿನ್ನು
ಕೆಲಸ ಪೂರ್ಣಗೊಳಿಸುವ ತನಕ
ವಿಶ್ರಮಿಸದಿರು
ಯಾರು ತಪ್ಪೆಸಗಿದ್ದರೂ
ನಿನಗೇನು ಚಿಂತೆ ?
ನೀನೆಸಗದಿರು ಅಷ್ಟೆ !
ಯಾರಿಗೂ ಮಣೆ ಹಾಕದಿರು
ಒಳ್ಳೆಯವರ ಕೈ ಬಿಡದಿರು
ಬಂಧುಗಳ ಪ್ರೀತಿಸು ಎಂದಿಹರು
ನುಡಿದಂತೆ ನಡೆದವರು ನನ್ನಪ್ಪ
ನಿಮಗಿದೋ ಶರಣು ಶರಣು
-ಹಾ ಮ ಸತೀಶ ಬೆಂಗಳೂರು
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 22, 2025
ಯುದ್ಧದ ಸಡಗರ,ಜಗವಿಂದು ಬೆಳಗಿರಲು ಬೇಕೆ
ಪ್ರಕೃತಿ ನಾಶವಾಗುತ್ತಿದೆ, ಜನತೆ ಮುಳುಗಿರಲು ಬೇಕೆ
ಪ್ರತಿಷ್ಠೆ ಹೂಂಕಾರ,ಭಯದ ಮಂದಿಗೆ ಕೇಳಿಸುವುದೇ
ವಿಷ ದ್ವೇಷವ ಮರೆತು, ಸ್ನೇಹದ ಕೈ ಚಾಚಿರಲು ಬೇಕೆ
ಮುಂದಿನ ಪೀಳಿಗೆಯ ಬಗ್ಗೆ ,ನಾಯಕರ ನಿಲುವೇನು
ಅನ್ನ ತಿನ್ನದೇ ಇರುವ ದೇಹಕ್ಕಿಂದು ಹಸಿವಿರಲು ಬೇಕೆ
ಕೈಹಿಡಿಯುವ ಕೈಯಲ್ಲಿ, ಇಂದು ಬಂದೂಕು ಬೇಕೇನು
ದೊಡ್ಡವರ ಅಹಂಗಳಿಗೆ ,ಬೆಚ್ಚಿದ್ದ ಜನ ಓಡಿರಲು ಬೇಕೆ
ನಿಸ್ತೇಜವಾದ ಜನರ ಕಣ್ಣುಗಳನ್ನು,ನೋಡಿಂದು ಈಶ
ಕೊಡೆ ಬಿಡೆನು ನಡುವೆ ,ಜನ ಉಸಿರು…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 21, 2025
ಮುಸ್ಸಂಜೆ ಹೊತ್ತಿನಲಿ
ಮತ್ತೆ ಮೌನಕೆ ಜಾರಿ
ಚೆಲುವು ತುಂಬಿದ ಕಲೆಗೆ ಒಲವುಯೆಲ್ಲೆ
ಕನಸುಗಳ ಮಾತಿನಲಿ
ನನಸು ಕರಗುತ ಸಾಗಿ
ಮುಗಿಲಿನೊಳಗಿನ ಬಗೆಗೆ ಒಲವುಯೆಲ್ಲೆ
ಮಾದಕದ ರೂಪದೊಳು
ಹೊಳಪು ಚಿಮ್ಮತಲಿರಲು
ಮೋಹ ಕಾಂತಿಯ ನಗೆಗೆ ಒಲವುಯೆಲ್ಲೆ
ತಲೆಯೆತ್ತಿ ನೋಡಲದು
ಸಿಂಗಾರ ಸಮಯದೊಳು
ಮಿಂಚು ಹೊಳಪಿನ ಬೆಸುಗೆ ಒಲವುಯೆಲ್ಲೆ
ಮತ್ತೆ ಹುಟ್ಟದು ಜೀವ
ಬಯಕೆ ತೀರಿದ ಭಾವ
ಚೈತ್ರಗಳ ಸುಳಿ ಒಳಗೆ ಒಲವುಯೆಲ್ಲೆ
ಕಾಮನೆಯು ತೀರದವ
ಸುಳಿಯುತಲೆ ಬರುತಿರುವ
ಹೊನ್ನ ಮಂಚದ ಸವಿಗೆ ಒಲವುಯೆಲ್ಲೆ
-ಹಾ ಮ ಸತೀಶ…