ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 21, 2024
ನೋಡಿದಿರೇನು ನದಿಯ ಒಡಲು
ಬರಿದಾಗಿ ಹೋಗಿದೆ ಮಡಿಲು
ಭೋರ್ಗರೆಯಬೇಕಿತ್ತು ಹಾಲ್ಗಡಲು
ಮುಂದೆ ಸಾಗಿ ಸೇರಲು ಕಡಲು
ಸ್ನಾನ ಪಾನಾದಿಗಳಿಗೆ ಬೇಕು ನೀರು
ವನ್ಯಜೀವಿಗಳಿಗಂತೂ ಉಳಿಸಲಿಲ್ಲ ಚೂರು
ಸುತ್ತ ಮಾನವನದ್ದೇ ಕಾರುಬಾರು
ಹೀಗೆ ಸಾಗಿದರೆ ಬಿಡಬೇಕಾದೀತು ಊರು
ದೈವವನು ನೀವು ಜರಿಯುತ
ಮೌಲ್ಯಗಳ ಸದಾ ಮರೆಯುತ
ಕುಡಿದು ಕುಣಿದು ನಲಿಯುತ
ಸೋದರತೆಯ ತೊರೆದು ಬಡಿದಾಡುತ
ಆತ್ಮಸಾಕ್ಷಿ ಯನ್ನು ತೊರೆದು
ಕ್ರೂರ ಕೃತ್ಯಗಳಲ್ಲಿ ಮೆರೆದು
ಪ್ರಾಣಿ ಪಕ್ಷಿಗಳನ್ನು ಇರಿದು
ಸತ್ಯ ಅಸತ್ಯಗಳ ಜರಿದು
ಸಾಗಿದರಾಯಿತೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 20, 2024
ಮುನಿದಳೇಕೆ ಅರಿಯದಾದೆ
ನಲ್ಲೆ ಇಂದು ಈತರ
ದಟ್ಟ ಮುಗಿಲ ಪರದೆಯೊಳಗೆ
ಉಳಿದ ಹಾಗೆ ಚಂದಿರ
ಏನು ಮರೆತೆ ಮೊಗವ ತಿರುವೆ
ನೆನಪು ಮನಕೆ ಬಾರದೆ
ರಮಿಸಲೆಂತು ಕಾಂತೆ ಇವಳ
ಹಾದಿ ಈಗ ತೋಚದೇ
ಮೊನ್ನೆ ತಾನೆ ಜನ್ಮ ದಿನಕೆ
ಬೆರಳಿಗಿಟ್ಟೆ ಉಂಗುರ
ಮದುವೆ ದಿನವು ದೂರವಿಹುದೆ
ಮತ್ತೆ ಏಕೆ ನಿಷ್ಟುರ
ಮಲ್ಲೆ ಹೂವ ಮಾಲೆ ತರಲು
ನಡೆದೆ ನಾನು ಕ್ಷಣದಲಿ
ಹೋಗಿ ತಂದು ತುರುಬಲಿಡಲು
ಬಿರಿದ ಕಮಲ ಮೊಗದಲಿ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 19, 2024
ಮನದೊಳಗೆ ತುಂಬಿಸಿರುವೆ ಹರೇ ರಾಮ ನಾಮ
ತನುವೊಳಗೆ ಹರಡಿಸಿರುವೆ ಹರೇ ರಾಮ ನಾಮ
ನೆಲದೊಳಗೆ ಹಬ್ಬಿಸಿರುವೆ ಹರೇ ರಾಮ ನಾಮ
ಗಿಡದೊಳಗೆ ಉಳಿಸಿರುವೆ ಹರೇ ರಾಮ ನಾಮ
ನಡೆಯೊಳಗೆ ಸೇರಿಸಿರುವೆ ಹರೇ ರಾಮ ನಾಮ
ನುಡಿಯೊಳಗೆ ಬೆರೆಸಿರುವೆ ಹರೇ ರಾಮ ನಾಮ
ಜ್ಞಾನದೊಳಗೆ ಇರಿಸಿರುವೆ ಹರೇ ರಾಮ ನಾಮ
ಪ್ರಾಣದೊಳಗೆ ಕೂರಿಸಿರುವೆ ಹರೇ ರಾಮ ನಾಮ
***
ಬಾರೆಲೆ ಹಕ್ಕಿಯೆ
ಹಾರುತ ಹಾರುತ ಬಾರೆಲೆ ಹಕ್ಕಿಯೆ
ಬಣ್ಣದ ಹಕ್ಕಿಯೆ ಚೆಂದದ ಹಕ್ಕಿಯೆ
ಬಾನೊಳು ರೆಕ್ಕೆಯ ಬಿಚ್ಚುತ ಹಾರುವೆ
ಸೂರ್ಯನ ಕಡೆಗೋ ಹಾರುತ ಹೋಗುವೆ
…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 18, 2024
ದೇವ ಕೊಟ್ಟ ನಿನ್ನ ನಗುವ
ಹಂಚಿ ಹೋದೆ ಎಲ್ಲೆಡೆ
ಕೊನೆಗೆ ಬಿಟ್ಟು ನೀನು ಅಳುವ
ಉಳಿಸಿ ಹೋದೆ ನಮ್ಮೆಡೆ
ಗಾಢ ನಿದ್ರೆಯಲ್ಲಿ ಜಾರಿ
ಮಲಗಿದ್ದೆ ಕೆ ಸುಮ್ಮನೆ
ಕೂಗಿ ಅತ್ತ ರೂನು ಬಾರಿ
ಏಳದಾದೆ ಏಕೆ ಗಮ್ಮನೆ
ಬಿಟ್ಟು ಹೋಗುವಂತ ಕೆಲಸ
ಅಂತದೇನು ಉಳಿದಿತ್ತು
ಬೆಟ್ಟು ಮಾಡಿ ತಿಳಿಸಿದ್ರೆ ಅರಸ
ಕ್ಷಣದಲ್ಲೇನೇ ಮುಗಿತಿತ್ತು
ಅಪ್ಪಿಕೊಂಡು ಜನಕೆ ನೀನು
ಹಂಚಿ ಹೋದೆ ಪ್ರೀತಿಯ
ತಪ್ಪಿ ಕೂಡ ಜನರು ನಿನ್ನ
ಮರೆವು ದುಂಟೆ ನೀತಿಯ.
(ಪುನೀತ್ ರಾಜಕುಮಾರ್ ಜನ್ಮದಿನದ ನೆನಪಿನಲ್ಲಿ)
-ಕೆ. ವಾಣಿ, ಚನ್ನರಾಯಪಟ್ಟಣ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 17, 2024
ಜಗದ ಒಡೆಯನೆ ರಾಮಚಂದಿರ
ಸಿದ್ಧಗೊಂಡಿದೆ ರಾಮಮಂದಿರ
ಪ್ರಾಣ ಪ್ರತಿಷ್ಠೆಯ ಕ್ಷಣವು ಸುಂದರ
ನೋಡಿ ಧನ್ಯತೆ ಪಡೆವ ಕಾತರ
ನೆಲೆಸಿ ಭಕ್ತರ ಹೃದಯ ಮಂದಿರ
ಕೇಳಿ ಬರುತಿದೆ ನಾಮದಿಂಚರ
ರಾಮ ನಾಮದ ಘೋಷ ಸುಸ್ವರ
ಮೇರೆ ಮೀರಿದ ಪುಳಕದಾತುರ
ಎನಿತು ಪುಣ್ಯವ ಪಡೆದ ದಶರಥ
ಆಯ್ತು ಪಾವನ ನಮ್ಮ ಭಾರತ
ನಾಮ ನುಡಿಯಲಿ ಮನವು ಸಂತತ
ನಿನ್ನ ಸೇವೆಗೆ ಜನ್ಮ ಸೀಮಿತ
ಮಾತೆ ಸೀತೆಯ ಕದ್ದ ರಾವಣ
ಅವನ ಅಂತ್ಯಕೆ ಆಯ್ತು ಕಾರಣ
ಕಳುಹಿ ಲಂಕೆಗೆ ವೀರ ಹನುಮನ
ಮಾಡಿ ಕಡಲಿಗೆ ಸೇತು ಬಂಧನ
ಜೊತೆಯಲಿದ್ದನು ಅನುಜ ಲಕ್ಷ್ನಣ
ಲಂಕೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 16, 2024
ಬೆವರಿನ ಹನಿಗಳು ಮೂಡಿತೆ ತನುವಲಿ
ಇನಿಯನ ಸರಸದ ದೆಸೆಯಿಂದ
ನಿನ್ನಯ ಸುಂದರ ನಗುವನು ನೋಡುಲು
ಮನದಲಿ ಉಕ್ಕಿದೆ ಆನಂದ
ಗಿಡದಲಿ ಅರಳಿದ ಹೂವಿನ ಸೊಬಗಿದು
ನೋಡಲು ಕಣ್ಣಿಗೆ ಬಲು ಚಂದ
ಹೂವಿನ ಎದೆಯಲಿ ತುಂಬಿದ ಜೇನಿದೆ
ದುಂಬಿಗೆ ಔತಣ ಮಕರಂದ
ಘಮಘಮ ಪರಿಮಳ ಹೊಮ್ಮುತಲಿರುವುದು
ಎಲ್ಲರ ತನ್ನೆಡೆ ಸೆಳೆಯುತಿದೆ
ಸಂತಸ ಸಂಭ್ರಮಗೊಂಡಿಹ ಮನವಿದು
ಮೌನದೆ ಗಾನವ ಹಾಡುತಿದೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 15, 2024
ಹಳದಿಯ ಕದವನು ಮೆಲ್ಲಗೆ ಸರಿಸುತ
ಇಣುಕುವ ಸುಂದರಿ ನೀನ್ಯಾರೆ
ನಲ್ಲನು ಬರುವನೆ ಸೇರಲು ನಿನ್ನನು
ಲಜ್ಜೆಯ ತೊರೆಯುತ ನೀ ಬಾರೆ
ಬಿರಿದಿಹ ಕ್ಷಣದಲೆ ಸರಸದ ಬಯಕೆಯೆ
ಏತಕೆ ಈತರ ವೈಯಾರ
ಕೊಂಚವೆ ಸೈರಿಸು ಆತುರ ಸಲ್ಲದು
ಅರಸುತ ಬರುವನು ಸರದಾರ
ನೆತ್ತರ ಕೆಂಪಿನ ಬಣ್ಣದ ಚೆಲುವೆಯೆ
ಚಂದಕೆ ಸೋತೆನು ವೈಯಾರಿ
ನಿನ್ನಲಿ ತುಂಬಿದ ಜೇನನು ಹೀರಲು
ದುಂಬಿಯು ಬರುವುದು ಬಾಯಾರಿ
ಹಸಿರಿನ ಚಂದದ ಗಿಡದಲಿ ಅರಳಿದೆ
ಸುಂದರ ಹೂವಿದು ದಾಸ್ವಾಳ
ಹೂವಿನ ಎದೆಯಲಿ ಮೆಲ್ಲಗೆ ಇಣುಕಿದೆ
ಕೆಂಪಿನ ಬಣ್ಣದ ಮಕರಂದ||
-ಪೆರ್ಮುಖ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 14, 2024
ರಾಜಕೀಯ ಹೊಂದಾಣಿಕೆ
ಈ ರಾಜಕೀಯದಲ್ಲಿ
ಕಾರ್ಯಾಭಿಲಾಶೆಗೆ
ಒಂದಾದವರು-
ಎಂದೂ
ಹಾಲೂ-ಜೇನಾಗಿ
ಬೆರೆಯದ ಚಾಣಾಕ್ಷರು...
ಅವರು
ಬೆರೆತದ್ದು
ನೀರು-ಸೀಮೇಎಣ್ಣೆಯಂತೆ;
ಬೇಡವೆನಿಸಿದಾಗ
ಶೋಧಿಸಿ ಬೇರೆಯಾಗುವ
ಬುದ್ಧಿವಂತರು!
***
ಪ್ರಜಾಪ್ರಭುತ್ವದ ಮೌಲ್ಯ
ನಮ್ಮದು
ಮೌಲ್ಯಯುತ
ಪ್ರಜಾಪ್ರಭುತ್ವ-
ಇಲ್ಲಿ ಬರೀ
ಅಧಿಕಾರಕಾಗಿ
ಸಾಫ್ಟ್ ಕಚ್ಛಾಟ...
ಮಿಲಿಟರೀ
ಆಡಳಿತದ
ರಾಷ್ಟ್ರಗಳನು
ನೋಡಿ-
ಅಲ್ಲಿ ಅಧಿಕಾರಕಾಗಿ
ಕ್ರೂರ ಕೊಚ್ಛಾಟ!
***
ಭೂತ-ಪ್ರೇತ....
ಆ ಎಳೆ
ಮಗುವನ್ನು
ಕರುಣೆಯಿಲ್ಲದೆ,
ಕೊಂದದ್ದು
ಆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 13, 2024
ತೇಗುತಲಿರುವಗೆ ಮೃಷ್ಟಾನ್ನ
ಹಸಿದವಗಿಲ್ಲ ಭಿಕ್ಷಾನ್ನ
ಗಳಿಕೆ ಸಿರಿವಂತರಿಗೆ
ಸೋರದ ಮಾಳಿಗೆ
ತೂತುಬಿದ್ದ ಗುಡಿಸಲು
ಮಳೆಗೆ ಸೋರಲು
ದುರ್ಬಲಗೆ ಚಳಿ
ಸಿರಿವಂತಗೆ ಓಕುಳಿ
ದೀಪವಿರದೆ ಕತ್ತಲು
ಕಾಣದ ಕಣ್ಣೀರು
ಮಿನುಗುವ ಬೆಳಕು
ಕಿರುಚಾಟ ಮೋಜು
ದೇಹದ ಕಲೆಗಳು
ಜೀತದ ಕುರುಹು
ಒಡವೆ ಆಭರಣ
ಒಡೆಯನ ಮೆರಗು..
-ನಿರಂಜನ ಕೆ ನಾಯಕ, ಮಂಗಳೂರು
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
March 12, 2024
ನಂದನ ಕಂದನ ಚಂದವ ಕಾಣಲು
ಕಣ್ಣುಗಳೆರಡು ಸಾಲದಿದೆ
ಹೊಳೆಯುವ ನಯನವು ಮಿನುಗುವ ತಾರೆಯೊ
ಅಧರದಿ ಮೂಡಿದೆ ತುಂಟನಗೆ
ಕೊರಳಲಿ ಕೌಸ್ತುಭ ಹಾರವ ಧರಿಸಿದ
ಮುರಳಿಯ ಹಿಡಿದಿಹ ಕರದಲ್ಲಿ
ಭಕ್ತರಿಗೀತರ ದರ್ಶನವೀಯಲು
ಸೇರಿದನೇನೂ ನಭದಲ್ಲಿ?
ಕೃಷ್ಣನು ಜೀಕಲು ಬಯಸಿಹನೇನು
ಚಂದಿರನಾದನೆ ಉಯ್ಯಾಲೆ
ಲೋಕದ ಸೂತ್ರವ ಹಿಡಿದಿಹ ದೇವನು
ಕಾಣುವುದೆಲ್ಲವು ಹರಿಲೀಲೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
(ಚಿತ್ರ ಶ್ರೀ ಸತೀಶ್ ಎಲೆಸಾರರವರ ವಾಲ್ನಿಂದ)