ಸೋತಿರುವ ಮುಖದಲ್ಲಿ
ಮಂದಹಾಸ ಮೂಡುವುದೆ
ಜಗದ ನಿಯಮಗಳರಿವು ತಿಳಿಯುವುದೇ ಹೇಳು
ಮದನ ಮೋರೆಯು ಇಲ್ಲ
ಸುಖದ ನನಸದು ವಿಷವೆ
ಕನಸ ಗೋಪುರದೊಳಗೆ ಬಾಳುವೆಯೇ ಹೇಳು
ಹುಟ್ಟಿದಾಕ್ಷಣ ನಗುವು
ಸತ್ತಾಗ ಅಳುವೆಲ್ಲ
ಕಿತ್ತು ತಿನ್ನುವ ನೋವು ಹೃದಯದಲೇ ಹೇಳು
ಬಾಲ್ಯವನು ಕಳೆಯುತಲೆ
ಯೌವ್ವನದ ಮೋಹದಲಿ
ಮುದ್ದಾದ ಪ್ರಿಯತಮನ ಪಡೆಯುವೆನೇ ಹೇಳು
ತಿರುಗಾಟ ಹುಡುಕಾಟ
ನಡೆಯುತಿರೆ ಶನಿಕಾಟ
ಜೊತೆಗೆ ಇರುವರ ಕಾಟ ಬದುಕುವೆನೇ ಹೇಳು
ಶಿಖರ ದಾಟಿದ ಸಾಲ
ತನುಮನವ ಬಂಧಿಸಿರೆ
ಚಿತ್ತ ಶಾಂತಿಯು ಹೋಗೆ ಮೌನವಿದೆಯೇ ಹೇಳು
…
ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 17, 2024
ರಾಜಕೀಯ...
ತಮ್ಮ ತಮ್ಮ
ಪಕ್ಷದ
ಎಂ ಪಿ
ಎಂಎಲ್ಎ ಗಳಿಗೇ
ಭಾರೀ
ಅನುದಾನ...
ವಿರೋಧ
ಪಕ್ಷದ
ಪರಮ
ಪಾಪಿಗಳಿಗೆ
ಉಳಿದಿರುವುದು
ಬರೀ ರೋದನ!
***
ಬಿಸಿ-ಹಸಿ ಸುಳ್ಳು
ಬಿಸಿ ಬಿಸಿಯಾದ
ಹಸಿ ಹಸಿ ಸುಳ್ಳು-
ಈ ನಮ್ಮ
ಚುನಾವಣಾ
ಅಭ್ಯರ್ಥಿಗಳ
ಆಸ್ತಿ ಘೋಷಣೆ...
ಮೂಗು
ಮುಚ್ಚಿಕೊಂಡು
ನಕ್ಕು- ಓಟು
ಹಾಕುವುದೊಂದೇ
ನಮ್ಮ ಪಾಲಿಗಿರುವ
ವ್ಯರ್ಥ ಬವಣೆ!
***
ಜಾಣತನ
ರಾಜಕೀಯದಲಿ
ಹಣ ಮಾಡುವ
ವಿಷಯ
ಅಲ್ಲ
ಅಷ್ಟು
ದೊಡ್ಡತನ...
ಮಾಡಿದ
ಸಂಪತ್ತನು
ಉಳಿಸಿಕೊಳ್ಳಲು
ಅತ್ತಿಂದಿತ್ತ
ಹಾರಾಡುವುದೇ
ಜಾಣತನ!
***
ಇತಿಹಾಸ…
ಲೇಖಕರು: kavitha@ramesh
ವಿಧ: ಕವನ
April 16, 2024
ಉಷೆಯು ನಗುವಲಿ
ನಿಶೆಯ ಸರಿಸುತ
ಹಸಿರು ವನಸಿರಿ ಚೆಲುವಲಿ
ಮಿಸುಪ ಕಾಂತಿಗೆ
ಬೆಸನ ಬಯಸುತ
ಧಿಷಣ ಕುಶಲದ ನೆಪದಲಿ
ಒಂಟಿ ಪಯಣದೆ
ಜಂಟಿಯಾಗವೆ
ತುಂಟತನವನು ತೋರೆನು
ತಂಟೆ ಮಾಡದೆ
ನಂಟು ಬಯಸುತ
ನೆಂಟನಾಗುವ ಕೋರಿಕೆ
ಮುನ್ನ ಮನ್ನಿಸು
ಬೆನ್ನ ಹತ್ತಿದೆ
ಕೆನ್ನೆ ರಂಗಿಗೆ ಸೋತೆನು
ನಿನ್ನ ಕಾಲ್ಗಳ
ಹೊನ್ನ ಗೆಜ್ಜೆಯ
ಚೆನ್ನ ನಾದವು ಘಲಿರಲಿ
ಯಾವ ರಾಗದೆ
ಭಾವ ತುಂಬುತ
ಜೀವ ವೀಣೆಯ ಮಿಡಿಸಲಿ
ನಾವೆ ಪಯಣದೆ
ನೀವು ಬೆರೆತರೆ
ನೋವ ಮರೆಯುತ ನಲಿಯುವ
(ಜಲ ಷಟ್ಪದಿ ಕವನ)
ಬೆಸನ = ಅಪ್ಪಣೆ ಧಿಷಣ = ಪ್ರತಿಭಾವಂತ
-ಕಾ ವಿ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 16, 2024
ಮುಡಿತುಂಬ ಮಲ್ಲಿಗೆಯ
ಮುಡಿದಿರುವೆ ನೀ ಚೆಲುವೆ
ಕುಡಿನೋಟ ನೀನೇಕೆ ಮರೆಸಿ ನಿಂತೆ
ಬಡಿಗೆಯಲಿ ಒಂದೆರಡು
ಬಡಿದು ಬಿಡು ಮನ ತಣಿಯೆ
ಕಡೆಗಣಿಸಿ ತೆರಳದಿರು ನನ್ನ ಕಾಂತೆ
ಬಂಗಾರದೊಡವೆಯಲಿ
ಶೃಂಗಾರಗೊಂಡಿರುವೆ
ಸಂಗಾತಿ ನೀನೀಗ ಬಳಿಗೆ ಬಾರೆ
ಸಿಂಗಾರಿ ನಿನ್ನಿಂದ
ದಂಗಾಗಿ ಹೋಗಿರುವೆ
ತಂಗಾಳಿಯಂದದಲಿ ಹಿತವ ತಾರೆ
ಕನಸೆಲ್ಲ ಕೈಗೂಡಿ
ನನಸಾಗಿ ಬಂದಿರಲು
ಮುನಿಸೇಕೆ ನನ್ನಲ್ಲಿ ಹೇಳು ಚೆಲುವೆ
ಮನದೊಳಗೆ ಕುಳಿತಿರುವೆ
ಕಣಕಣದಿ ಬೆರೆತಿರುವೆ
ಮನದನ್ನೆ ತೊರೆ ಮೌನ ಜೊತೆಗೆ ಬೆರೆವೆ||
-ಪೆರ್ಮುಖ ಸುಬ್ರಹ್ಮಣ್ಯ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 15, 2024
ಅವರೊಳಗೆ ನಡೆದಿದ್ದ ಆ ಒಂದು ಒಪ್ಪಂದ
ಈತನಕ ಉಳಿದಿತ್ತು ಈರ್ವರಲಿ ಸಂಭಂದ
ಅದು ಈಗ ಹಳತಾಯ್ತು, ಅನುಬಂಧ ಹಳಸಿತ್ತು
ಬೇರ್ಪಡುವ ಕಾಲವದು ಬಳಿಗೆ ಬಂದಾಯ್ತು
ಒಲವಿದ್ದ ಆ ದಿನದೆ ಮೈಮರೆತು ಜೊತೆಯಾಗಿ
ಉದರದಲಿ ಚಿಗುರೊಡೆದು ಒಂದಾದ ಫಲವಾಗಿ
ಇಬ್ಬರಿಗು ಬೇಕಿಲ್ಲ,ಯಾರೀಗ ಹೊರಬೇಕು
ಪಾಲನೆಯ ಹೊಣೆ ಹೊರಲು ಮನವಿರಲು ಬೇಕು
ದಾಹವನು ತೀರಿಸಲು ಬೇಕಿತ್ತು ಜೊತೆಯೊಂದು
ಉತ್ಸಾಹ ಇಳಿದಾಗ ನಡುವಲ್ಲಿ ಬಿರುಕೊಂದು
ಉತ್ತರಕೆ,ದಕ್ಷಿಣಕೆ ಮುಖಮಾಡಿ ನಿಂತಿರಲು
ಹಡೆದಿರುವ ಕುಡಿಯಿರಲು ಯಾರೀಗ ದಿಕ್ಕು||
-ಪೆರ್ಮುಖ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 14, 2024
ಸೌಂದರ್ಯವೆಂದೂ
ಬಾಳಿಗೊಂದು ವರವು
ಅನುಭವಿಸು !
*
ಮತ್ತೆ ಮೌನದ
ಜೊತೆಗಾರನ ಜೊತೆ
ಸಾಗುತ್ತಿದ್ದೇನೆ
*
ತಪ್ಪುಗಳಲ್ಲೂ
ಪ್ರಶಸ್ತಿ ಪತ್ರಗಳ
ಪಡೆಯುತ್ತಾರೆ
*
ಎಷ್ಟೇ
ಎತ್ತರ
ಕ್ಕೆ
ಏರಿ
ದ
ರೂ
ಒಂದು
ಸಮಯ
ದ
ಲ್ಲಿ
ಕೆಳಗೆ
ಜಾರ
ಲೇ
ಬೇಕು !
*
ಮುಖ
ಕ್ಷೌರಕ್ಕೆ
ಹಲವರು
ಸೆಲೂನ್
ಗೆ
ಹೋಗುತ್ತಾರೆ!
ಕೃತಿ
ಚೌರ್ಯಕ್ಕೆ
ಮಸ್ತಕ
ತೆರೆಯದೆ
ಕೆಲವರು
ಹಲವರ
ಪುಸ್ತಕ
ಹುಡುಕುತ್ತಾರೆ !!
*
ಭಾವನಾತ್ಮಕ
ಸಂಬಂಧವು
ನಮ್ಮ ನಡುವಿನ
ಬುದ್ಧಿವಂತಿಕೆಯ
ಮೆಟ್ಟಿಲುಗಳು !
*
ಈಗಿನ ಸಾಹಿತ್ಯದ
ಮಜಲುಗಳೇ
ಹೀಗೆ !
ಹೇಗೆಂದರೆ ?…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 13, 2024
ಶಾಲೆಗೆ ಹೋಗುವ ಕಂದನೆ ಅರಿತುಕೊ
ಸಿರಿತನ ಎನುವುದು ಆರೋಗ್ಯ
ತಿನ್ನಲು ಕುಡಿಯಲು ಸಂಯಮವಿದ್ದರೆ
ಬದುಕಲಿ ದೊರೆವುದು ಈ ಭಾಗ್ಯ
ರಸ್ತೆಯ ಬದಿಯಲಿ ಮಾರಲು ಇಡುವರು
ಬಗೆಬಗೆ ಬಣ್ಣದ ತಿನಿಸುಗಳ
ಮನವನು ಸೆಳೆಯುವ ತರದಲಿ ಇರುವುದು
ಹಚ್ಚುತ ವಿಷಕರ ಬಣ್ಣಗಳ
ತಿನ್ನುವ ಬಯಕೆಯ ನುಡಿ ನೀ ನನ್ನಲಿ
ಮಾಡುವೆ ನಾನೇ ಮನೆಯಲ್ಲಿ
ಮನೆಯಲಿ ಮಾಡಿದ ಇಷ್ಟದ ತಿಂಡಿಯ
ತಿನ್ನುವ ನಾವು ಜೊತೆಯಲ್ಲಿ
ಹಸುವಿನ ಹಾಲನು ಕಾಯಿಸಿ ಕೊಡುವೆನು
ಕುಡಿಯಲು ಕೊಡುವೆನು ದಿನನಿತ್ಯ
ಅಮ್ಮನು ನೀಡಿದ ತಿನಿಸದು ಉತ್ತಮ
ಶಕ್ತಿಯ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 12, 2024
ಚಂದಿರನೂರಿನ ಚಂದದ ತಾರೆಗೆ
ಬಂದಿತೆ ಮನದಲಿ ಮುನಿಸು
ನೊಂದಿಹ ತರವಿದೆ ಬಂಧವು ಕಳಚಿತೆ
ಕುಂದಿತೆ ಒಲವಿನ ಕನಸು
ಕಂಪನು ಬೀರುವ ಕೆಂಪಿನ ಚುಕ್ಕಿಗೆ
ಕಂಪನ ತರಿಸಿತೆ ಗಗನ
ಸೊಂಪಿನ ಬಾನಲಿ ರಂಪವ ಮಾಡಿತೆ
ತಂಪಿದು ಎನಿಸಿತೆ ತಾಣ
ಚೆಲುವಿನ ವದನದೆ ಗೆಲುವದು ಕಾಣದೆ
ಕುಲವನು ತೊರೆಯುತ ಬಂತೆ?
ಛಲದಲಿ ಬಿರಿದಿಹ ಚೆಲುವಿನ ಹೂವಿದು
ಒಲವಲಿ ನೋಡುತ ನಿಂತೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 11, 2024
ಕರಿಯ ಮುಗಿಲು ಬಾನಿನಲ್ಲಿ
ಹರಿದು ಬರುವ ಮಿಂಚಿನಲ್ಲಿ
ಹರಿದು ಹೋಗುವಂತೆ ಕಿವಿಯು ಗುಡುಗಿನಾರ್ಭಟ
ಸುರಿಯಲಿರುವ ಮಳೆಯ ನೆನೆದು
ವಿರಹ ಬಾಧೆಯಲ್ಲಿ ನವಿಲು
ಕರೆಯಲೆಂದು ಗೆಳತಿಯನ್ನು ಕಳೆಯೆ ಸಂಕಟ
ಗಿರಿಯ ಹತ್ತಿ ಬಂದ ನವಿಲು
ಮುರಿದ ಮರದ ಕಾಂಡವೇರಿ
ಬರದೆ ಹೋದ ಗೆಳತಿಯನ್ನು ಹುಡುಕತೊಡಗಿತು
ಗಿರಿಯ ಸುತ್ತ ಹಸಿರು ವನವು
ಕರೆದು ಕರೆದು ಗೆಳತಿ ಬರದೆ
ಗಿರಿಯ ನವಿಲು ನೊಂದು ಮನದೆ ಸುತ್ತ ನೋಡಿತು
ಏರಿ ಬರುವ ಗೆಳತಿಯನ್ನು
ದೂರದಲ್ಲಿ ಕಂಡ ನವಿಲು
ಮೇರೆ ಮೀರಿ ಹರುಷವುಕ್ಕಿ ನೋಡ ತೊಡಗಿತು
ದಾರಿಯೆಲ್ಲ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
April 10, 2024
ಯುಗದೊಂದಿಗೆ ಜಗ ಕಂಡಿತು
ಮನ ಮನವೂ ಅರಳಿತು/
ವನ ಸೊಬಗೊಳು ಕೆಂಪೇರಲು
ಪಕ್ಷಿ ಸಂಕುಲ ಹಾಡಿತು//
ಪ್ರತಿವರುಷವು ಬೆಳಕಾಯಿತು
ಸೌರಮಾನವು ಉದಿಸಿತು/
ಯುಗಾದಿಯು ಹೊಸ ಹುರುಪಲಿ
ಜಗದ ತುಂಬಾ ನಡೆಯಿತು//
ಹೊಸಬಟ್ಟೆಯ ತೊಟ್ಟ ಜನರದು
ಹೊಸ ಪಂಚಾಂಗವನಿಟ್ಟರು/
ಬೆಳೆದ ಬೆಳೆಗಳನೆಲ್ಲ ಇರಿಸುತ
ದೇವ ಪೂಜೆಯ ಮಾಡುತ//
ವರುಷದಿಂದಿನ ತಪ್ಪನೆಲ್ಲವ
ಮರೆತು ಹೊಸತನ ತುಳಿಯುತ/
ಗಂಧ ಚಂದನ ತಳಿರು ತೋರಣ
ಬೇವು-ಬೆಲ್ಲವ ಮೆಲ್ಲುತ/
ಸಿಹಿ-ಕಹಿಯನು ಉಣ್ಣುತುಣ್ಣುತ
ಸಮಾನ ದೃಷ್ಟಿಲಿ ನೋಡುತ/
ಕಾಲಮಾನದ ಆದಿ…