ಗರ್ಭಿಣಿಯರ ಆರೋಗ್ಯಕ್ಕೆ ಬೆಣ್ಣೆ ಹಣ್ಣು ಉತ್ತಮ !

ಬೆಣ್ಣೆ ಹಣ್ಣು (ಬಟರ್ ಫ್ರುಟ್) ಅಥವಾ ಅವೊಕಾಡೋ ಆರೋಗ್ಯಕರ ಹಣ್ಣಾಗಿದ್ದು, ಇದು ಎಲ್ಲಾ ವಯೋಮಾನದವರಿಗೆ ಅದರಲ್ಲೂ ಮಧುಮೇಹಿ ಹಾಗೂ ಗರ್ಭಿಣಿಯರಿಗೆ ಅನೇಕ ಪೌಷ್ಟಿಕ ಪ್ರಯೋಜನಗಳನ್ನು ಒದಗಿಸುತ್ತದೆ. ಇದರಲ್ಲಿ ವಿಟಮಿನ್‌ಗಳು, ಖನಿಜಗಳು, ಆರೋಗ್ಯಕರ ಕೊಬ್ಬುಗಳು ಮತ್ತು ಫೈಬರ್‌ಗಳು ಸಮೃದ್ಧವಾಗಿದ್ದು, ಗರ್ಭಾವಸ್ಥೆಯ ಸಮಯದಲ್ಲಿ ತಾಯಿ ಮತ್ತು ಮಗುವಿನ ಆರೋಗ್ಯಕ್ಕೆ ತುಂಬಾ ಉಪಯುಕ್ತವಾಗಿದೆ. ಗರ್ಭಿಣಿಯರಿಗೆ ಅವೊಕಾಡೋ ತಿನ್ನುವುದರಿಂದ ಆಗುವ ಪ್ರಮುಖ ಪ್ರಯೋಜನೆಗಳನ್ನು ಇಲ್ಲಿ ತಿಳಿಸಲಾಗಿದೆ.ಮುಂದೆ ಓದಿ...

ಜನವಿಶ್ವಾಸದ ನ್ಯಾಯ

ಕಾನೂನು ಎನ್ನುವುದು ದೇಶವನ್ನು, ಸಮಾಜವನ್ನು ನಿಯಂತ್ರಿಸುವ ನಿಯಮಾವಳಿಗಳ ವ್ಯವಸ್ಥೆ. ಒಂದು ಸಮಾಜವೆಂದ ಮೇಲೆ ಸಣ್ಣದು, ದೊಡ್ಡದು ಪ್ರಮಾದಗಳು ಸರ್ವೇಸಾಮಾನ್ಯ. ಎಲ್ಲ ರೀತಿಯ ಅಪರಾಧವನ್ನೂ ಜೈಲುಶಿಕ್ಷೆ ಕೇಂದ್ರಿತ ನ್ಯಾಯದ ತಕ್ಕಡಿಯಲ್ಲಿ ತೂಗಿ, ಅಂಥ ಅಪರಾಧಿಗಳನ್ನು ಜೈಲಿಗೆ ಕಳುಹಿಸತೊಡಗಿದರೆ, ಈ ದೇಶದಲ್ಲಿ ಎಷ್ಟು ಕಾರಾಗೃಹ ನಿರ್ಮಿಸಿದರೂ ಸಾಲದು. ಹೀಗಾಗಿ, ಸ್ವಾತಂತ್ರೋತ್ತರ ಭಾರತದ ನ್ಯಾಯವ್ಯವಸ್ಥೆಯಲ್ಲಿದ್ದ ಇಂಥ ತೊಡಕುಗಳ ಸರಮಾಲೆಯನ್ನು ಸರಿಪಡಿಸಲೆಂದೇ, ೨೦೨೩ರಲ್ಲಿ ಜನವಿಶ್ವಾಸ್ ಕಾಯಿದೆ ಜಾರಿಗೆ ಬಂದಿತ್ತು. ಪ್ರಸ್ತುತ, ಇದರಲ್ಲಿನ ಇನ್ನಷ್ಟು ಅಂಶಗಳನ್ನು ಸಡಿಲಗೊಳಿಸಿ, ಸುಗಮ ಜೀವನ ನಿರ್ವಹಣೆ ಮತ್ತು ವ್ಯವಹಾರ ಸುಗಮತೆಯನ್ನು ಹೆಚ್ಚಿಸುವ ದೃಷ್ಟಿಯಿಂದ 'ಜನವಿಶ್ವಾಸ್ (ತಿದ್ದುಪಡಿ) ವಿಧೇಯಕ- ೨೦೨೫' ಸಂಸತ್ತಿನಲ್ಲಿ ಮಂಡನೆಯಾಗಿದೆ.ಮುಂದೆ ಓದಿ...

ಹುಚ್ಚರ ಸಂತೆಯಲ್ಲಿ ನಿಂತು...

ಕಾಲ ಬದಲಾಗಿದೆ, ತಂತ್ರಜ್ಞಾನ ಅಭಿವೃದ್ಧಿ ಹೊಂದಿದೆ. ಜನರ ಬಾಯಿ ಮತ್ತು ಮನಸ್ಸು ದೊಡ್ಡದಾಗಿದೆ. ಜ್ಞಾನ ಅಪಾರವಾಗಿ ಬೆಳೆದು ಮೆದುಳಿನಿಂದ ಆಚೆ ಹೊರಚಾಚುತ್ತಿದೆ. ಆದ್ದರಿಂದ ಇನ್ನು ಮುಂದೆ ರಾಜ್ಯದಲ್ಲಿ ನಡೆಯುವ ಯಾವುದೇ ದೊಡ್ಡ ಅಪರಾಧಿಗಳಿಗೆ ಪೊಲೀಸ್ ತನಿಖೆಯಾಗಲಿ, ಸಿಐಡಿ, ಸಿಓಡಿ ತನಿಖೆಯಾಗಲಿ ಅಥವಾ ವಿಶೇಷ ತನಿಖಾ ತಂಡಗಳ ಅವಶ್ಯಕತೆಯೇ ಇಲ್ಲ. ಜೊತೆಗೆ ಅಪರಾಧಿಗಳನ್ನು ಶಿಕ್ಷಿಸಲು ನ್ಯಾಯಾಲಯಗಳ ಅವಶ್ಯಕತೆಯೂ ಇಲ್ಲ. ಏಕೆಂದರೆ ಅದು ತುಂಬಾ ತಡವಾಗಿ ತೀರ್ಪು ನೀಡುತ್ತದೆ ಮತ್ತು ಕಾನೂನುಗಳನ್ನು ಸೂಕ್ಷ್ಮವಾಗಿ ಪರಿಶೀಲಿಸುತ್ತದೆ. ಅದು ಯಾರಿಗೂ ಬೇಕಾಗಿಲ್ಲ. ಅದಕ್ಕಾಗಿ ಖರ್ಚು ಮಾಡುವ ಹಣ, ಶ್ರಮ ಮತ್ತು ಬುದ್ಧಿವಂತಿಕೆಯೂ ಬೇಕಾಗಿಲ್ಲ. ಅದೆಲ್ಲ ಈಗ ಹಳೆಯದಾಗಿದೆ. ಯಾರಿಗೂ ಅಷ್ಟು ಸಮಯ ಮತ್ತು ತಾಳ್ಮೆಯೂ ಇಲ್ಲ. ಮುಂದೆ ಓದಿ...

ಸ್ಟೇಟಸ್ ಕತೆಗಳು (ಭಾಗ ೧೪೧೭) - ಜಯರಾಮ

ದೇಹಕ್ಕೆ ವಯಸ್ಸಾಗಿದೆ ಒಂದಷ್ಟು ಕನಸುಗಳಿದ್ದದ್ದು ನಿಜ ಆ ಕನಸುಗಳೆಲ್ಲ ನನಸಾಗುವ ಕಡೆಗೆ ಸಾಗಲಿಲ್ಲ ಬದುಕಿನಲ್ಲಿ ಜವಾಬ್ದಾರಿ ಹೆಚ್ಚಾದ ಕಾರಣ ದೈನಂದಿನ ದುಡಿಮೆಯ ಕಡೆಗೆ ಮನಸ್ಸು ಮಾಡಿ ದುಡಿದು ದೇಹವನ್ನು ದಂಡಿಸಿದವರು ಜಯರಾಮರು. ಈಗ ಮಕ್ಕಳು ಶಿಕ್ಷಣವನ್ನ ಪಡೆದು ತಮ್ಮ ಕಾಲ ಮೇಲೆ ನಿಂತಿದ್ದಾರೆ. ರಸ್ತೆ ಬದಿಯಲ್ಲಿ ಚಲಿಸುವಾಗ ಕೆಲವರು ಓಡಿಸುವ ಚಂದದ ಬೈಕುಗಳನ್ನ ಕಂಡಾಗ ಮನಸ್ಸಿನ ಒಳಗೆ ಆಸೆ ಹುಟ್ಟುತ್ತದೆ, ಕಾರುಗಳ ಸ್ಟೇರಿಂಗ್ ತಿರುಗಿಸುವಾಗ ನಮ್ಮ ಮನೆಯಲ್ಲಿ ಒಂದು ಕಾರ್ ಇರಬೇಕಿತ್ತು ಅಂತ ಅನ್ನಿಸ್ತದೆ, ಯಾರೋ ಯಾವುದೋ ಕಾರ್ಯಕ್ರಮದ ಸಂಘಟಕರಾದಾಗ ಮುಖ್ಯಸ್ಥರಾದಾಗ ತಾವು ತಮ್ಮ ಹೆಸರು ಅಲ್ಲಿ ಇರಬೇಕಿತ್ತು ಎಂದು ಮನಸ್ಸು ನುಡಿಯುತ್ತದೆ. ಆದರೆ ಇದೆಲ್ಲವನ್ನು ಸಾಧ್ಯವಾಗಿಸಬೇಕಾಗಿದ್ದು ಪರಿಸ್ಥಿತಿಗಳು ಆದರೆ ಹಿಂದೆ ಅದು ಯಾವುದನ್ನು ಮಾಡುವುದಕ್ಕಾಗ್ಲಿಲ್ಲ, ಈಗ ಮಾಡುವುದಕ್ಕೆ ದೇಹ ಕೇಳುತ್ತಿಲ್ಲ. ಜವಾಬ್ದಾರಿ ಹೆಗಲ ಮೇಲೆ ಗಟ್ಟಿಯಾಗಿ ಕುಳಿತ ಮೇಲೆ ಒಂದೇ ದಾರಿಯಲ್ಲಿ ಸುಮ್ಮನೆ ನಡೆದು ಬಿಡಬೇಕು. ಹಾಗೆ ಭಗವಂತ ಕೊಟ್ಟ ಈ ಬದುಕನ್ನ ಜೀವಿಸ್ತೇನೆ ಅಂತಂದುಕೊಂಡು ನಕ್ಕು ಮತ್ತೆ ದಾರಿಯಲ್ಲಿ ಮುನ್ನಡೆಯುತ್ತಾರೆ.ಮುಂದೆ ಓದಿ...

ಹಣೆಬರಹ ಬರೆಯುವ ಲಕೋಟೆಗಳು

ಹಿಂದಿನ ವಾರ ಜೀವಕೋಶ ಸಿದ್ದಾಂತದ ಬಗ್ಗೆ ಚರ್ಚಿಸುವಾಗ ಎರಡು ವಿಷಯಗಳು ನಮಗೆ ತಿಳಿದವು. ಮೊದಲನೆಯದು ಎಲ್ಲಾ ಜೀವಿಗಳು ಕೋಶಗಳಿಂದ ಮಾಡಲ್ಪಟ್ಟಿವೆ. ಎರಡನೆಯದು ಜೀವಕೋಶಗಳು ಈಗಾಗಲೇ ಅಸ್ತಿತ್ವದಲ್ಲಿರುವ ಕೋಶಗಳಿಂದ ಅವತರಿಸುತ್ತವೆ. ಅಂದರೆ ಜೀವಕೋಶಗಳು ತಮ್ಮ ತದ್ರೂಪುಗಳನ್ನು ಸೃಷ್ಟಿಸುತ್ತವೆ ಎಂದಾಯಿತು. ಈ ರೀತಿ ತನ್ನದೇ ಆದ ತದ್ರೂಪಗಳನ್ನು ತಯಾರಿಸುವುದು ಎಂದರೆ ಒಂದು ಏಕ ಕೋಶಿಕ ಜೀವಿಯ ಸಂಖ್ಯೆ ಹೆಚ್ಚುತ್ತಾ ಹೋಗುತ್ತದೆ. ಈ ರೀತಿ ಸಂಖ್ಯೆ ಹೆಚ್ಚುವುದನ್ನು ನಾವು ವಂಶಾಭಿವೃದ್ಧಿ ಎಂದು ಹೇಳುವುದು. ಮುಂದೆ ಓದಿ...

ಸಾರ್ಥಕತೆ

ಮೊದಲಿನ ಎರಡು ಹೆಣ್ಣಾಗಿ ಮೂರನೆಯದಾದರೂ ಗಂಡಾಗಲಿ ಎಂದು ಬಯಸಿದ್ದ ಅವರಿಗೆ ಮೂರನೆಯದೂ  ಸಹ ಹೆಣ್ಣು ಮಗುವಾದಾಗ ಸ್ವಲ್ಪ ಅಸಮಾಧಾನವೆನಿಸಿತು. ಆದರೂ ನಂತರ ತಮಗೆ ತಾವೇ ಸಮಾಧಾನ ಪಡಿಸಿಕೊಂಡು ಎಲ್ಲ ಮಕ್ಕಳನ್ನು ಅಕ್ಕರೆಯಿಂದ ಪೋಸಿಸಿ ಬೆಳೆಸಿದರು. ಮೂರನೇಯವಳು ಸೌಮ್ಯ ಹೆಸರಿಗೆ ತಕ್ಕಂತೆ ಅತಿ ಸೌಮ್ಯ ಸ್ವಭಾವದವಳಾಗಿದ್ದರೂ ಅತಿ ಚುರುಕು ಬುದ್ಧಿಯವಳಾಗಿದ್ದಳು. ಯುಕ್ತ ವಯಸ್ಸಿಗೆ ಬಂದ ಅವಳನ್ನು ಸಾಕಷ್ಟು ಸ್ಥಿತಿವಂತನಾದ ಹುಡುಗನೊಂದಿಗೆ ಮದುವೆ ಮಾಡಿದರು. ಪ್ರೀತಿಸುವ ಗಂಡ ಮತ್ತು ಅವನ ಮನೆಯವರು ಎಲ್ಲವೂ ಚೆನ್ನಾಗಿಯೇ ಇತ್ತು. ಮದುವೆಯಾದ ಸ್ವಲ್ಪ ದಿನಗಳ ನಂತರ ಇವಳು ಗರ್ಭವತಿಯಾದಾಗ ಇತ್ತ ತವರಿನವರು ಅತ್ತ ಗಂಡನ ಮನೆಯವರೂ ತುಂಬಾ ಸಂಭ್ರಮಿಸಿದರು. ಮೂವರು ಹೆಣ್ಣು ಮಕ್ಕಳ ನಂತರದಲ್ಲಿ ಹುಟ್ಟಿದ್ದ ಇವಳ ಗಂಡ. ಹಾಗಾಗಿ ಗಂಡನ ಮನೆಯಲ್ಲಿ ಸಹಜವಾಗಿಯೇ ಗಂಡು ಮಗುವಿನ ನಿರೀಕ್ಷೆ ತುಸು ಹೆಚ್ಚಾಗಿಯೇ ಇತ್ತು. ದಿನ ಕಳೆದು ಸುಖ ಪ್ರಸವವಾಗಿ, ಸುಂದರ ಹೆಣ್ಣು ಮಗುವಿನ ಜನನವಾಯಿತು. ಮುಂದೆ ಓದಿ...